SALM 32
Sualphuannak le Ngaihthiamnak
1 A sualnak ngaihthiam a si i
a palhnak maimilh a simi cu
a lung aa lawm. Ref 32.1-2: Rom 4.7-8
2 Bawipa nih, sual a phawt lomi le
a lung chungah
hlennak a ngei lomi cu
3 Ka sualnak kha ka phuan hna lo tikah
chun nitlak in ka òap.
4 Bawipa, chunzan in dan na ka tat i
ka thazang cu a dihlak in a zor,
òhal ni lin nih khua
a roter bantuk khin
ka thazang cu a ro dih. Selah
5 Khi tikah ka sualnak cu
nangmah sinah ka phuan hna;
òhat lonak ka tuahmi cu
ka thup hna lo.
Nangmah sinah khan
ka phuan dih hna i
ka nawlbuarnak vialte cu
na ka ngaihthiam dih. Selah
6 Cucaah zumhawktlak
a simi vialte hna nih cun,
herhnak caan an ton tikah
na sinah thla an cam awk a si;
tilian a tlun tikah a phan hna lai lo.
7 Nangmah cu kaa thuhnak hmun na si,
harnak chungin na ka khamh lai.
Nangmah nih na ka huhphenh caah
fak piin na khamhnak cu
hla in ka thangòhat. Selah
8 Bawipa nih, “Na zulh awk hnga
lam kha kan hmuhsak lai,
kan cawnpiak lai i lungthin
kan cheuh lai.
9 Na duhnak zulhter awkah
chak le kaahlawmh a haumi
rang le laa bantukin hrut hlah,”
10 Miòhalo nih cun temhnak an in
a hau ko lai,
sihmanhsehlaw Bawipa
aa bochanmi cu
a dawtnak fek nih khan
a huhphenh hna.
11 Bawipa nih a tuahmi thil ruangah,
miding vialte hna, i lawm u law
thanuam in um tuah u.
Amah a nawl a zulmi vialte hna,
lunglawm in au tuah u!