SALM 24
Sunparnak Siangpahrang
David Hla
1 Vawlei le a chung i a ummi
thil vialte hi
Bawipa ta an si,
vawlei le a cung i a ummi minung
vialte zong hi amah ta kan si dih. Ref 24.1: 1Kor 10.26
2 Rili cungah vawlei cu a dirter i
a hram cu rili thuk chungah khan
3 Bawipa tlang ah ahodah
a kai kho lai?
A biakinn thiang chungah
ahodah lut kho lai?
4 Tuahnak le lungthin in a thiang i
siasal kha a bia lo i
hlennak biakam a tuah lomi kha
an kai kho lai i an lut kho lai. Ref 24.4: Mat 5.8
5 Bawipa nih thluachuah
a pek hna lai i
annih a khamhtu hna Pathian nih,
nan sual lo, a ti hna lai.
6 Cu bantuk mi cu Pathian sin i
a ra khomi an si,
Jakob Pathian hmaika i
a chuak khomi an si. Selah
7 Kutka hna, kau piin i hung u,
zungzal in a ummi innka hna,
kau piin i hung u;
a liannganmi siangpahrang cu
a lut lai.
8 A liannganmi siangpahrang cu
ahodah a si?
A liannganmi siangpahrang cu
a òhawng i a lian a nganmi,
raltuknak hmun in teitu a simi
9 Kutka hna kau piin i hung u,
zungzal hmunmi innka hna,
kau piin i hung u;
a liannganmi siangpahrang cu
a lut lai.
10 A liannganmi siangpahrang cu
ahodah a si?
Amah cu ralkapbu Bawipa,
a liannganmi siangpahrang kha