SALM 144
Siangpahrang Nih Ral Teinak A Hmuh Caah Pathian Kha A Lawmh
David Hla
1 Bawipa, ka lungpi cu thangòhat
si ko seh!
Amah nih raltuknak kha
a ka cawnpiak i
ka kutdong kha raldoh
a thiamter hna.
2 Amah cu a ka hupphengtu lungpi
ka ralhruang a si,
a fekmi ralvenbuk le himnak hmun
a si,
kaa bochanmi phaw a si.
Miphun dang kha ka ke tangah
3 Maw Bawipa, minung hi
zeidah a si i a zawn na ruah?
Minung fapa hi zeidah a si i
biapi ah na rel? Ref 144.3: Job 7.17-18; Slm 8.4
4 Minung cu thaw bantuk men a si ko,
a nun chung ni hna cu a liam zaumi
thladem bantuk men an si ko.
5 Maw Bawipa,
van kha run òhum hna law
kan sinah rung òum tuah,
tlang kha run tawng hna law
meikhu chuah hna seh.
6 Nimtlau kha a kenkip ah
lekter hna law
na ral kha òhek dih hna;
na thal in kap hna law
zam dih hna seh!
7 Cunglei khan run ka banh law
a thukmi ti chung hin
ka chuah tuah;
ramdangmi hna òhawnnak
chung hin ka khamh tuah;
8 annih cu biatak a chim bal lomi,
biatak ka chim lai, tiah chiat
i serh hnu hmanh ah lih a chim
9 Maw Pathian, nangmah cu hla thar in
kan thangòhat lai,
tingtang kha kaa tum lai i
kan thangòhat lai.
10 Siangpahrang cu teinak kha
na pek hna i
na sal David cu na khamh.
11 A puarmi ka ral hna kut chung khan
ka khamh ko,
ramdangmi hna òhawnnak chung
hin ka khamh tuah,
annih cu biatak a chim bal lomi,
biatak ka chim lai, tiah chiat
i serh hnu hmanh i
lih a chim òhiamòhiammi an si.
12 Kan fapale hna cu an tlanval lioah,
a òhawngmi thingkung bantuk
si hna seh law,
kan fanule hna cu bawi inn
òamhnak tung bantuk si hna seh.
13 Kan rawl inn hna cu rawl
a phunphun in khat hna seh,
kan lo lak i a ummi tuu hna nih
fa a thongthong in
hring hna seh.
14 Kan caw nih fa tampi hring hna
seh law
a lotlaumi le a rawkmi pakhat
hmanh um hna hlah seh.
Kan khuachung lam ah
lungfah òahnak thawng
15 Hi bantukin a ummi miphun cu
aa lawmmi miphun an si;
an Pathian ah Bawipa
a simi hna cu,
lunglawmmi an si.