SALM 142
Bawmh Halnak Thlacamm Lungkua chung i a um lio David Thlacamnak.
(1Sam 22.1; 24.3)
1 Bawmhnak hmuh duh ah
Bawipa cu
ka auh i amah cu ka nawl.
2 Ka harnak vialte kha amah
ka chimh dih i
ka retheihnak vialte kha
ka hngalhter. Ref 143.2: Rom 3.20; Gal 2.16
3 Ka thlarau kha ka chungah
a bat tikah,
zeidah ka tuah awk a si kha
nangmah nih na hngalh.
Ka kalnak lam ah khan ka ral nih
rap an ka chiahhnawh.
4 Ka pawngkam kha ka zoh tikah,
a ka bawmtu ding ahohmanh
ka hmu hna lo,
a ka hupphengtu ding ahohmanh
an um lo,
ahohmanh ka zawn a ka ruattu
5 Bawipa, bawmhnak duh ah
nangmah cu kan auh,
Bawipa nangmah cu
a ka hupphengtu na si;
ka nun chungah hin ka duhmi le
ka herhmi cu
nangmah lawnglawng na si ko.
6 Hnabei donghnak chungah khan
a pil in ka pil cang caah
ka bawm ko sawh, tiin
kan auhnak cu ka ngaihpiak ko.
Keimah nakin a let tampi in
a òhawng deuhmi,
ka ral hna kut chungin
ka khamh tuah.
7 Na min cu ka thangòhat khawh
nakhnga thong chung hin
ka chuah ko sawh.
Ka hmuh awk hnga a simi
laksawng kha na ka pek tikah
a dingmi hna nih cun
pangpar òhi kha an ka oih lai.