SALM 109
Harnak A Ingmipa Zainak
David Hla
1 Maw ka thangòhatmi Pathian,
dai tein um hlah.
2 Miòhalo le milihchim pawl nih
an ka tlakphuat i lih in
ka thang an ka chiat.
3 An ka congoih, thil dawhcah lo
ka tuahmi zeihmanh a um lo nain
sual an ka puh.
4 Ka daw ko hna na le an caah thla
ka cam ko nain an ka doh.
5 Òhatnak kha chiatnak in
an ka lehrulh i
dawtnak kha huatnak in
6 Ka ral cu a bia a ceihpiaktu dingah
mihrokhrawl kha thimpiak,
cun amah ral lila pakhatkhat nih
sual puh hna seh.
7 Biaceihnak kha ing seh law,
“Na sual,” ti hna seh.
A thlacam hmanh kha sual ah
relpiak hna seh.
8 A nunnak kha dong zau seh law,
midang nih a rian kha co hna seh! Ref 109.8: Lam 1.20
9 A fale cu ngakòah si hna seh law,
a nupi cu nuhmei si seh.
10 A fale cu inn ngei loin
a vak lengmangmi rawlhal
si hna seh;
thilchia hlonhnak ah khan
um hna seh law,
cu an umnak hmun hmanh cun
òhawl si rih hna seh.
11 Tangka a rak cawihtu hna nih khan
a ngeihmi thil vialte cu,
lakpiak dih hna seh law,
a rianòuanmi vialte cu
khual nih chut dih hna seh.
12 Ahohmanh nih a cungah zaangfahnak
ngei hna hlah seh,
ngakòah a fale kha aho zohkhenh
hmanh tong hna hlah seh.
13 A tefa vialte cu thi dih hna seh law
hmai chan ah cun a min cu philh
dipdep si seh.
14 Bawipa nih a pupa hna
sualnak kha philh hlah seh law
a nu sualnak kha
ngaithiam hlah seh.
15 Bawipa nih an sualnak cu
hngal zungzal ko seh,
anmah belte philh dipdep
si ko hna seh.
16 Cu pa nih cun mi zaangfah ruam hi
a ruah in a ruat bal lo;
sifak, rethei le santlailo mi kha
a hrem hna i a thah hna.
17 Mi chiatserh kha a duhmi thil a si §
amah cu chiatserh si ve seh.
18 Angki hruk a fawi tluk hin a caah
chiatserh cu a fawi,
a chiatserhnak bia nih cun
amah kha ti bantukin
ciah seh law
a ruh kha chiti bantukin
ciah hna seh.
19 A chiatserhnak bia nih cun
amah kha puan bangin men
seh law
taisawm bangin khimh peng seh.
20 Bawipa nih ka ral cu
hitihin dantat hna seh,
ka thang a ka chiattu ka ral hna cu
hitihin tat hna seh.
21 Sihmanhsehlaw Maw Bawipa
ka Pathian,
bia na ka kamh bang khan
ka bawm ko,
na dawtnak a òhat ruangah
ka chuahter ko.
22 Kei cu sifak le rethei ka si;
ka lung a fak tuk hringhran.
23 Zanlei thladem a loh zau bang khin
loh kaa zal cang,
khaubok thlitu nih
a choih bang khin
choih ka si cang.
24 Rawl khim ei awk ka ngeih lo caah
ka khuk cu a ther in an ther i
ka pum cu der hrianghruang in
a um.
25 Mi nih an ka hmuh tikah
an ka nihsawh,
keimah serhsatnak ah
an lu lawng an thing ko. Ref 109.25: Mat 27.39; Mar 15.29
26 Maw Bawipa ka Pathian,
ka bawm tuah;
a fekmi na dawtnak ruangah
ka khamh tuah.
27 A ka khamhtu cu nangmah na si kha,
ka ral cu hngalhter hna.
28 Annih nih cun chiat an ka serh lai,
sihmanhsehlaw nang nih cun
thluachuah na ka pek lai.
A ka hremtu cu sung hna seh law
na sal kei tu cu lunglawm in
um ning.
29 Ka ral cu ningzahnak nih a khuh in
khuh hna seh;
hmaichiatnak cu puan bangin
30 Bawipa cu fak piin ka thangòhat lai,
mi an i pumhnak hmun ah
amah cu ka hlorh lai,
31 zeicahtiah sifakmi a chanhtu hna cu
amah a si i
thah awkin an bia a ceihtu hna
kut chungin a chuahtu hna cu
amah a si.