SALM 107
BU NGANAK
Pathian Òhatnak Thangòhatnak
1 Bawipa cu lawm tuah u,
zeicahtiah amah cu a òha;
a fekmi a dawtnak cu zungzal in
a hmun. Ref 107.1: 1Cha 16.34; 2Cha 5.13; 7.3; Ezr 3.11; Slm 100.5; 106.1; 118.1; 136.1; Jer 33.11
2 Bawipa nih a khamhmi vialte hna,
amah cu thangòhat u sih.
Nan ral kut chungin an chuah hna i
3 ram dang in an tlunpi hna,
nichuah, nitlak, chaklei, thlanglei in
4 A cheu cu sul le lam a um lonak
thetse ram ah khan an vai i
an umnak ding khua kalnak
lam kha an i hmuh kho lo;
5 an rawl a òam, an ti a hal i
an hnabei a dong cikcek.
6 An harnak chung cun Bawipa kha
an auh i an harnak chung khan
a khamh hna.
7 A hruai hna i an umnak ding khua ah
khan a kalpi hna.
8 Cucaah Bawipa cu, an cung i
thil òha a tuahmi caah khan le
a fekmi a dawtnak ruangah khan,
an lawmh hrimhrim awk a si.
9 Ti a halmi kha an ti hal
a riamhter hna i
rawl a òammi kha thil òha in
10 A cheu cu lungdong in khuamui
lakah an um,
thir cikcin he nganfah a ingmi
thongtla an si,
11 zeicahdah hi bantukin
an si ti ahcun,
Lianngan Bik Pathian nawl
zulh kha an duh lo i
a cawnpiak hnanak kha
an al caah a si.
12 Rian hrang an òuannak ah khan
an ba i
an rilh tikah ahohmanh nih
an hlawm duh hna lo.
13 Cu bantuk harnak chung cun
Bawipa cu an auh i
an temhinnak chung cun
a khamh hna.
14 Khuamui lakah lungdong in
an umnak chung cun
a chuah hna i
an thir cikcin cu a chahpiak hna.
15 Cucaah Bawipa cu,
an cung i thil òha a tuahmi caah
khan le
a fekmi a dawtnak ruangah khan,
an lawmh hrimhrim awk a si.
16 Dar innkhar kha a khuai dih hna i
thirfung kha a tan dih hna.
17 A cheu cu an sual ruangah an zaw,
òhat lonak an tuah ruangah
temhnak an ing;
18 rawl kha a mui hmuh hmanh
an duh lo i an thi dengmang.
19 An harnak chungin Bawipa kha
an auh i temhnak an inmi
chung cun a khamh hna.
20 A nawlbia in a damter hna i
thlan chungin a khamh hna.
21 Cucaah Bawipa cu,
an cung i thil òha a tuahmi
ruangah khan le
a fekmi a dawtnak ruangah khan,
an lawmh hrimhrim awk a si.
22 Raithawinak in an lawmh awk
a si i a tuahmi thil vialte kha
lunglawmhnak hla in
23 A cheu cu rili cungah khan
sangphawlawng in an kal i
cuticun an paw an i cawm;
24 Bawipa nih a tuahmi thil kha
an hmuh i rili cungah
a tuahmi thil khuaruahhar kha
an hmuh hna.
25 Nawl a pek i thlichia a hrang i
tilet a tho.
26 Sangphawlawng cu sang pipi ah
a cawi hna i thuk pipi ah
a òhumh hna;
cu bantuk òihnung chungah cun
mi cu an hnabei a dong;
27 zuri bantukin an sawn i an tlu;
an thiamnak vialte cu zeihmanh
san a tlai lo.
28 An harnak chung khan Bawipa cu
an auh i an temhinnak
chung khan a khamh hna.
29 Thlichia cu a daihter i tilet cu an dai.
30 Tilet a daih caah khan an i lawm i
kal an duhnak lawng dinhnak ah
khan him tein a phakter hna.
31 Cucaah Bawipa cu,
an cung i thil òha a tuahmi
ruangah khan le
a fekmi a dawtnak ruangah khan,
an lawmh hrimhrim awk a si.
32 A mi hna an i pumhnak ah khan
a lianhngannak cu an chim awk
a si i
upa hna an i pumhnak ah khan
amah cu an thangòhat awk a si.
33 Bawipa nih tiva cu a kaoter hna i
cerh cu a roter hna.
34 Vawlei òhatnak hmun cu, cite vawlei,
vawlei òhalo ah a canter,
zeicahtiah cuka i a ummi hna cu
an òha lo.
35 Thetse ram kha tili ah a canter hna i
ramcar kha cerhti put ah
a canter hna.
36 Cuka ah cun rawl a òammi kha
a umter hna i
khuasaknak ah khuapi pakhat
an ser,
37 lo ah khan thlaici an tuh i
mitsur ruang kha an phun hna i
rawl tampi an vuiter.
38 A mi kha thluachuah a pek hna i
fa tampi an ngei,
an saòil run kha a lohtlauter hna lo.
39 Pathian mi hna cu,
raltuknak ah an sungh i
ningzahnak an huah tikah,
hremnak le harnak an in tikah,
40 anmah a hremtu hna kha
ningzahnak a phakter hna i
sul le lam a um lonak thetse ram ah
khan a vaihter hna.
41 Sihmanhsehlaw sifak retheimi kha
an harnak chungin a chuah hna i
an tefa cu saòil run bantukin
a karhter hna.
42 Miding mi nih mah hihi an hmuh i
an i lawm,
sihmanhsehlaw miòhalo cu cipkhap
43 A fimmi nih cun hi thil hi
ruat hna seh;
Bawipa dawtnak fek cu
ruat zungzal hna seh.