SALM 102
Harnak A Ingmipa Thlacamnak
1 Maw Bawipa, ka thlacamnak cu
ka ngaihpiak law
nangmah bawmhnak hal ah
ka aunak cu ka theihpiak ko.
2 Harnak ka in tikah hin
ka thuhtak hlah!
Ka aunak cu ka ngaihpiak law
3 Ka nunnak cu meikhu bangin a lo,
ka pum cu mei bangin a kang.
4 Ram car bangin ka nunnak cu a uai,
rawl ei duhnak zeihmanh
ka ngei lo.
5 Fak piin ka hrum i ka ai,
ka ruh le ka cuar lawng ka si ko.
6 Thetse ram i a ummi va bantuk khi
ka si,
chuahtakmi khuarop i chimbu
bantuk ka si.
7 Hngilh kho loin ka um, inncung va,
amah lawngin a um i a ci a haimi
bantuk ka si.
8 Chun nitlak in ka ral nih
an ka nihsawh,
nihchuak capo i a ka saitu pawl nih
ka min cu chiatsernak ah an hman.
9 Ka rawl cu vutcam a si i
ka dinmi cu mitthli he aa cawh,
10 zeicahtiah ka cungah na thin
a hun caah a si.
Na ka cawi i na ka hlonh.
11 Ka nunnak cu zanlei sang thladem
bantuk men a si;
Kei cu ram bantuk ka si ko.
12 Sihmanhsehlaw Bawipa,
nangmah cu siangpahrang
na si zungzal ko;
chan vialte nih an in philh lai lo.
13 Na tho lai i Zion cu na zaangfah lai,
a cung i zaangfah ngeih caan cu
a phan cang;
atu hi cu caan cu a si cang.
14 Hrawh dih cikcek a si ko nain
na salle nih kan duh òhiamòhiam,
a rawk dih ko nain a cungah
zaangfahnak kan ngei òhiamòhiam.
15 Miphun kip nih Bawipa cu
an òih lai,
vawlei cung siangpahrang
vialte nih
a òhawnnak cu an òih lai.
16 Bawipa nih Zion kha
a remh òhan tikah
Bawipa lianhngannak cu a lang lai,
17 Kaltak cia a mi kha an thlacamnak
a ngaihpiak hna lai i
a theihpiak hna lai.
18 Bawipa nih a tuahmi thil kha
a ra lai ding chan caah òial tuah u,
cuticun a chuak rih lomi nih
amah kha
an thangòhat khawh lai.
19 Bawipa nih a sangmi
a hmunthiang khin a run cuanh,
vancung khin vawlei cu
a run cuanh,
20 cu a run cuanh cu thongtla pawl
an aihramnak theih awk le
thah awk i biaceih cangmi hna
luatter awkah a si.
21 Cucaah Bawipa min cu mi nih
Zion ah an chim lai i
Jerusalem ah amah cu
an lawmh lai;
22 cucu zeitik ah dah a si lai ti ahcun,
miphun hna le pennak hna kha
hmunkhat ah an i pumh i
Bawipa kha an biak tikah a si lai.
23 Ka chan òim hmanh ti hlanah
Bawipa nih
ka thazang a ka derter i
ka nunnak kha a tawiter.
24 Ka Pathian, atu cu ka la rih hlah,
ka tar hlanah cun ka la rih hlah!
Bawipa, nang cu zungzal in
a ummi na si,
25 hlanpi ah vawlei cu na rak ser cang,
Nangmah nih na kut hrimhrim in
van khi na ser hna. Ref 102.25-27: Heb 1.10-12
26 Van le vawlei cu an lo dih lai,
sihmanhsehlaw nang cu
na hmun lai;
annih cu puan bangin an òet lai.
Puan bangin na thlen hna lai i
an lo lai;
27 sihmanhsehlaw nang cu zungzal in
nangmah bon na si ko i
na nunnak a dong lo.
28 Kan fale cu him tein khua an sa lai i
an tefa hna cu
nangmah nih zungzal in
na huhphenh hna lai.