6
Thathut le Lihchim A Òhat Lonak
1 Ka fapa, na innpa caah biahrennak i
na can i
khualpa caah aamahkhannak
na tuahpiak i
2 na bia chimmi ah naa foih i
na kaa in a chuakmi bia ah
na tan ahcun,
3 Khi tikah, ka fapa, nangmah cu
na innpa kut chungah
na tlak cang caah
Mah hihi tuah law i khamh tuah:
Khulrang in va kal law mipa cu
va nawl hranhram ko.
4 Na mit cu ihter hlah,
na mit cuar zong cu
hngilhter hlah;
5 Sakap kut chungin sazuk a luat
bantuk le mihriam kut chungin
vate a luat bantukin
nangmah kha i khamh tuah.
6 Maw zaangthupa, hngerhte sinah
khin va kal tuah;
an umtuzia khi va ruat hna law
fimnak i lak tuah.
7 Bawi le upa le uktu zeihmanh
an ngei lo nain,
8 Òhal caan ah an rawl kha
an timh hna i
rawl òuan caan i an i cawmnak ding
kha an pumh an khawmh hna.
9 Maw zaangthupa, zei can dah
na ih ko lai?
zeitik ah dah na ihnak in
na thawh lai?
10 Tlawm tein it ko rih ning,
tlawm tein i hngilh ko rih ning,
ka kut cu i dinh awkah tlawm tein
i sih ko rih ning,
na ti lengmang caah, Ref 6.10-11: Phut 24.33-34
11 pamnak nih mifir bantukin
an tlunhnawh lai i
herhbaunak nih hriamnam aa putmipa
bantukin an chuahhnawh lai.
12 Hrokhrawl bia he aa chawkmi cu
mizeiruaramlo, miòhalo an si;
13 An mit kha an òheh depmap i
an ke in bia an chim i
an kutdong in an sawh i
14 An lungthin a kawi caah òhat lonak
khua kha an khan lengmang i
rem lonak thlaici kha an tuh
thluangthluan;
15 Cucaah chikkhatte ah òhat lonak nih
a tlunhnawh hna lai i
damter khawh ti loin an rawk lai.
16 Bawipa nih a huatmi
thil paruk an um,
A fihmi thil pasarih an um:
17 Porhlawtnak mit,
lihchim hmangmi lei,
a sual lomi thisen chuahtu kut,
18 òhat lonak khua a khangtu lungthin,
òhat lonak lei i khulrang in
a tlimi ke,
19 lih a chim lengmangmi tehte le
u le nau karlak i rem lonak
thlaici a tuhtu.
Mah Ta A Si Lomi Sin Òhat Lonak
20 Ka fapa, na pa nawlbia kha
zul hna law
na nu cawnpiaknak kha
hlaw hna hlah:
21 Na lung ah i hren chih
zungzal hna law
na hngawng ah i khih hna.
22 Na kal tikah an in hruai lai,
na ih tikah an in ven lai,
naa hlauh tikah
bia an in ruah lai.
23 Zeicahtiah nawlbia cu meiinn a si i
cawnpiaknak cu ceunak a si.
24 Chimhhrinnak cu nu òhalo sinin
na him nakhnga ding caah le
nu ralòha lei nal sinin khamh
na si nakhnga ding caah a si.
25 Aa dawhnak cu na lung chungin
duh hlah,
a mithmul nih nangmah cu
in hreng hlah seh;
26 Zeicahtiah hlawhhlangnu cu
changreu hlum khat in
hlan khawh a si ko,
sihmanhsehlaw a va cungin
pa aa duhmi nih cun
mipa nunnak hrimhrim kha
tlaih aa tim.
27 Mi nih a puan kang loin a òang ah
meiòil kha a pom kho maw?
28 Asiloah a linmi meiòil cungah
a ke duah loin aho tal
a kal khomi an um maw?
29 Cu bantuk cu a innpa nupi sin i
a va kalmi cu a si;
Ahohmanh amah a tawngtu cu
dantat loin an luat lai lo.
30 Mifir nih a rawl a òam tikah
a rawl òamnak damter awkah thil
a fir ahcun,
Mi nih an nihsawh òhiamòhiam
lo mei?
31 Cun amah cu tlaih a si ahcun
a let sarih in a liam lai;
A innchung i a ngeihmi thil vialte cu
a pek dih lai.
32 Mi nupi he a sualmi cu
ruahnak ngei lomi a si;
Cu a tuahtu cu amah le amah
aa hrawk ko.
33 Hma le minchiatnak kha
a hmuh lai i
a thangchiatnak kha a lo lai lo.
34 Zeicahtiah lunghrinhnak nih hin mi cu
an thin a phawh hna i
Teirul an i cham ciammam tikah cun
zeihmanh an i ngan hna lo.
35 Chamnak cu an i cohlanpiak
duh lai lo i
Laksawng tampi i pek hmanh ah
an thin a dam hlei lai lo.