31
Siangpahrang Ca I Chimhhrinnak
1 Massa siangpahrang Lemuel bia,
2 Nangmah cu ka dawtmi ka fapa,
ka thlacamnak lehnak i
ka hmuhmi ka fapa na si,
zeidah kan chimh lai?
3 Na thazang cu nu sinah va pe hlah,
siangpahrang a hrawktu hna kha
va kom hna hlah.
4 Maw Lemuel, siangpahrang nih cun
zu din awk a si lo,
uktu bawi hna caah cun zureu hi
din awk a si lo;
5 Annih nih an din tikah
upadi kha an philh i
harnak a ingmi hna nih
an hmuh awk hnga thil
a simi kha zeirello in an um.
6 A lung a dong cang i ngaihchia
lungrethei in a ummi kha
zu cu pe hna u,
7 Ding hna seh law an sifahnak kha
i philh hna seh,
an harnak kha hngal ti loin
um hna seh.
8 Aa chim kho lomi kha
chimpiak hna,
bawmtu a ngei lomi kha
humhak hna;
9 Annih cu an bia chimpiak hna law
an caah a dingmi biaceihtu va si ko;
sifakmi le retheimi kha dirkamh hna.
Nupi Òha Thangòhatnak
10 Nupi òha cu hlawn nakin tampi in
a sung deuh,
cu bantuk mi hmuh bel cu
a har hringhran!
11 A va nih aa bochan i
a va cu a si a fak bal lai lo.
12 A nupi nih cun a nun chung vialte
a va caah khan chiatnak si loin
òhatnak kha a tuah.
13 Tuuhmul le khumla in puan kha
a tah lengmang hna.
14 Thilri in a khatmi sangphawlawng
nih thilri an rak phorh bantukin
lamhlat piin rawl kha
a rak phorh hna.
15 Dei hlan in a tho i a innchungkhar
caah khan rawl a chuan i
a sinum ngaknu hna kha
rian a chimh hna.
16 Òha tein a ruah hnuah mitsur dum
caah tangka a hmuhmi in
lo pakhat kha a cawk.
17 Thazang tlung ngaiin le lungtho
ngaiin rian kha a òuan i
a ngan zong a dam.
18 A rianòuanmi a hlawhtling ti kha
a hngalh i zan ah a mei inn kha
a mit bal lo.
19 Amahte nih laa kha aa kher i
amahte nih puan kha aa tah.
20 Sifak retheimi sinah nun a siang.
21 Hawhra a tlak tikah a lungre a thei lo,
Zeicahtiah a innchungkhar mi cu
tling tein thil lum an ngei cio.
22 Puanbu aa ser hna i a thilpuan cu
lahmangòhia le maimaw in
tahmi an si.
23 A va cu ram chung upa hna sinah
a òhut tikah,
hauka ah khan theihhngalhmi a si.
24 La hmangòhia puan kha a tah hna i
taisawm kha a ser hna i
chawlettu sinah khan a zuar tawn hna.
25 Amah cu a òhawngmi a si i
hmaizahmi a si i hmailei caan kha
a òih lo.
26 A kaa cu fimnak in a pau i
a lei cungah zaangfah cawnpiaknak
kha a um.
27 A innchungkhar umkalning kha
òha tein a zoh i
an herh an baunak kha
òha tein a hmuh.
28 A fale nih khan, thluachuak nu,
an ti i
a va zong nih khan a ti ve i
a thangòhat i,
29 “Nupi òha tampi an um,
sihmanhsehlaw nangmah nih
na lonh dih hna,” a ti.
30 Iang hi hlen a hmang, dawh hi
a ziam kho,
Sihmanhsehlaw Bawipa
a òihmi nu cu thangòhat awk a si.
31 Amah cu a kut theitlai
ruangah khan thangòhat u,
Hauka ah khan amah cu
a rianòuannak nih khan
upatnak hmuhter seh.