19
1 Lungthin a òhami misifak cu
hrokhrawl in bia a chimmi
mirum nakin a òha deuh.
2 Hngalhnak um òung lo duhnak
lawng hi a òha lo,
Namhnaw in a kalmi nih a lam kha
a thlau tawn.
3 Minung cu a hruhnak nih khan
rawhnak ah a phakter i
Cu tikah Bawipa cungah khan
a lung chungin a thin a hung.
4 Rumnak nih hawi thar tampi
a chuahpi,
Sihmanhsehlaw misifak cu
a hawi cia nih khan an chuahtak.
5 A dinglo tehte cu dantat loin
a luat lai lo,
Lih a chimtu cu a luat ve lai lo.
6 Mi tampi nih mi lian he hawikom
sinak kha an kawl,
Laksawng a pe lengmang tu caah cun
aho paoh hawikom an si ko.
7 Misifak cu a unau vialte nih
an huat tawn,
Zeitluk in dah a hawile chinchin nih
cun hrial loin an um lai.
8 Fimnak ngeih hi
mah le mah dawt a si,
cun na hngalhmi kha
i chingchiah law
khuaawng na tong lai.
9 A dinglo tehte cu dantat loin
a luat lai lo,
Lih lawng a chim lengmangmi cu
a rawk lai.
10 Mihrut cu nunnuam in
um awkah aa tlak lo,
Sal nih bawi uk cu aa tlak lo chinchin.
11 Lungsau thinfual hi fim a si,
Palhnak i hmaimilh cio hi
minung sunparnak a si.
12 Siangpahrang thinhunnak cu
chiandeih ngur bantuk a si,
Sihmanhsehlaw a duhdawtnak cu
ram cung i a tlami dap bantuk a si.
13 Fapa hrut nih a pa cu rawhnak ah
a phakpi,
Nupi phunzai cu ruah-it khuachiat
bantuk a si.
14 Inn le chawva cu pale sinin
hmuhmi ro an si,
Sihmanhsehlaw nupi fim cu
Bawipa sinin hmuhmi laksawng a si.
15 Thathutnak nih mitkuh thu chungah
a paih tawn hna,
Mithathu cu rawlòamnak a ing lai.
16 Nawlbia kha zul hna law sau deuh
na nung lai, zeirello in um hna law
na thi lai.
17 Misifak cungah zaangfahnak
na ngeih ahcun Bawipa kha
chaw na coih bantuk a si.
Bawipa nih tling tein an cham lai.
18 Na fale cu an no rih lioah
chimhring hna,
cu ti na tuah lo ahcun
an rawhnak dingah
na bawmh hna a si.
19 Minung cu a ingchiatnak nih khan
dantatnak a inter tawn,
harnak chungin voi khat
na chuahter zongah,
na tuah òhan a hau òhiamòhiam ko lai.
20 Lungthin cheuhnak le cawnpiaknak
kha ngai tuah,
ni khatkhat cu na fim ve te ko lai.
21 Minung lung chungah khuakhannak
tampi a um ko lai,
sihmanhsehlaw Pathian
tinhmi lawng kha a hmun lai.
22 Hakkauh hi ningzahnak a si,
misifak si hi lihchimmi sinak in
a òha deuh.
23 Bawipa òihnak hi nunnak a si,
cuti in na um ahcun,
hnangam tein na um lai i
harnak nih an tawng lai lo.
24 Mithathu nih cun a kut kha
kheng chungah hnim i a kaa i
hun i tuh hmanh kha a zuam lo.
25 Miporhlaw cu na velh ahcun
mihrut bantukin an huat lai,
hngalhthiamnak a ngeimi tu cu
chimhring law na duhnak kha
a hngalh lai.
26 A pa kha a vel i a nu kha a dawimi cu,
ningzahnak a chuahtertu le
hmaichiatnak a phortu a si.
27 Ka fapa,
cawnnak kha na ngol ahcun
na hngalh ciami kha
na philh zau ko lai.
28 Tehte òhalo nih biading kha
zei ah a rel lo,
miòhalo mi hna bia nih
òhat lonak kha a chuahter.
29 Miporhlaw mi hna caah fungfek cu
chiah cia a si ko i
Mihrut hna keng caah tuknak cu
timhcia a si ko.