12
1 Hngalhnak a duhmi nih cun a palh
tikah na palh tiah chimh kha
a duh,
palhnak chimh huat cu hruh a si.
2 Bawipa nih miòha cu a lawmh hna,
sihmanhsehlaw òhat lonak khua
a khangtu cu sual a phawt hna.
3 Mi hi òhat lonak nih a fehter kho lo,
sihmanhsehlaw miòha hna hram cu
òhial khawh lomi hram an si.
4 Nupi òha cu a va caah
bawi luchin a si,
sihmanhsehlaw ningzahnak
a tluntertu nupi cu
ruh chung i khensar
zawtnak bantuk a si.
5 Miding hna tinhmi cu mi cung i
ding tein tuah kha a si,
sihmanhsehlaw miòhalo hna
khuakhannak cu hlennak in
a khat.
6 Miòhalo hna bia nih cun thisen
chuah ding kha a bawh,
sihmanhsehlaw miòha hna
bia nih cun khamhnak kha
a umter.
7 Miòhalo cu an tla i cucu
an donghnak a si,
sihmanhsehlaw miding hna tefa cu
an i peh lengmang.
8 Na fim ahcun thangòhatnak
na hmuh lai,
na hruh ahcun mi nih
an in zohchuk lai.
9 Mah nunnak caah rian
a òuan ciahmahmi,
mi sawhsawhte si cu,
mingan bantuk i um i rawlòam
òung nakcun a òha deuh.
10 Miòha nih cun an saòil kha
an zawn an ruah hna,
sihmanhsehlaw miòhalo cu an saòil
cungah cun an puar.
11 Amah a lo te a thlo lengmangmi cu
ei awk a za in a ngei,
sihmanhsehlaw san a tlai lomi
rian i caan pakpalawng i
hman cu hruh a si.
12 Miòhalo hna ralhau cu
tlak bantukin a cim,
sihmanhsehlaw miding hna
hram cu fek tein a dir.
13 Miòhalo cu amah chimmi bia
lila nih khan rap ah a foihter,
sihmanhsehlaw miding cu harnak
chungin an luat.
14 Mi cheukhat nih an bia thawngin
hlawh tlinnak an hmuh,
cun a cheu nih an kut rian òuannak
thawngin an hmuh awk hnga kha
an hmuh ve.
15 Mihrut nih cun ka ding tiah
a ruah zungzal,
lungthin cheuhmi a ngaimi cu
mifim an si.
16 Mihrut thinhun cu aa hngal zau,
sihmanhsehlaw mifim nih cun
serhsatnak kha zei ah rel duh loin
a umtak men ko.
17 Biatak a chimmi nih cun
ding tein tehte a khan,
sihmanhsehlaw tehte ding lo cu
hlennak bia in a khat.
18 Ruah set loin chimmi bia nih cun
nam chunh bangin mi a chunh,
sihmanhsehlaw mifim bia nih cun
hma kha a damter.
19 Biatak cu zungzal in amah ning te
a si ko,
sihmanhsehlaw lih cu caan tawite
lawnglawng a nung.
20 Òhat lonak khua a khangtu hna cu
anmah le anmah an i hleng ko,
sihmanhsehlaw zapi ca òhatnak
a kawlmi hna caah cun
lunglawmhnak a um.
21 Miding hna cungah cun òhat lonak
a tlung lo,
sihmanhsehlaw miòhalo hna nih cun
harnak lawnglawng kha an hmuh.
22 Bawipa nih lihchim hmangmi cu
a huat hna,
Sihmanhsehlaw miding cu
a lawmh hna.
23 Mifim nih cun a fimnak kha
a langhter lo,
Sihmanhsehlaw mihrut nih cun
a hruhnak kha a thanh in a thanh.
24 Miteima cu uktu an si lai,
sihmanhsehlaw mithathu cu
an thathutnak nih mi sal ah
a canter hna lai.
25 Lung retheihnak nih minung cu
lunglawm loin a tuah,
Sihmanhsehlaw dawtnak bia nih cun
lunglawmhnak in a khahter.
26 Miding nih cun òhat lonak kha
an hrial,
Sihmanhsehlaw miòhalo nih cun
a pialtertu hna lam kha an zulh.
27 Ramvai thathu nih
sa an kap kho bal lo,
Sihmanhsehlaw teimami nih cun
a sungmi chawva kha an hmuh lai.
28 Dinnak cu nunnak lei kalnak lam a si,
Hruhnak cu thihnak lei kalnak
lam a si.