FILEMON
Sinah Paul Cakuat
1
Upat Biakchawnhnak
1 Khrih Jesuh ruangah thongtla keimah Paul le kan unau Timote nih kan dawtmi kan rianòuan hawi Filemon le
2 kan farnu Alfeas le kan ralkap hawi Arkhipas le nan inn ah aa pummi Khrihfabu hna sinah ca kan in kuat hna.
3 Pathian kan Pa le kan Bawipa Jesuh Khrih vel le daihnak cu nan sinah um ko seh.
4 Na ca i thla ka cam fate ka Pathian cu ka lawmh tawn.
5 Zeitintiah kan Bawipa Jesuh na zumhnak le mithiang mi hna na dawtnak hna kha ka theih.
6 Na zumhnak na hrawmhnak hna thawngin Khrih ah kan ta a simi thilòha kan ngeihmi hngalhnak a òhantertu na si awk hi ka thlacamnak a si.
7 Zeitintiah unau, na dawtnak thawngin thanuamnak tampi le hnangamnak kan i lak, mithiang mi hna zong nangmah thawngin an lung a panh ngai ko.
8 Cu a si caah a herhmi na tuah awkah Khrih min in kan fial ngam ko hnga nain
9 dawtnak ruangah a nawltu in nawl kan duh deuh. Tarpa keimah Paul, Khrih Jesuh ruangah atu i thong a tlami nih
10 ka fa Onesimas caah kan nawl, thong chungah a pa ah ka cang.
11 (cu hlanah cun na caah san a tlai lo, atu tu ah cun nangmah ca he keimah ca he san a tlai cang).
12 Ka lung ka thin vialte he amah hi na sinah ka rak thlah.
13 Ka sinah umter i thawngòha bia ruangah ka thongtlak chung nangmah ca i a ka bultawltu ah ka duh ko;
14 sihmanhsehlaw na hnatla loin zeihmanh tuah ka duh lo i na òhatnak cu hnek chom si loin nangmah lungtho tein si seh law ti ka duh.
15 Caan tlawmte chung na sin in a rak chuah hi a zungzal na ta a si òhan awkah a si ko hnga.
16 Ka caah sal si ti loin salnak sang deuh dawtmi unau a si cang, nangmah ca zongah pumsa lei he Bawipa lei he a si chinchin ve lai.
17 Cucaah na rianòuan hawi ah na ka ruah ahcun keimah na ka cohlan khan in rak cohlang ko.
18 Na cungah palhnak a tuah maw, asiloah, zeimaw batmi a ngeih ahcun keimah rulhte dingin rak chia ko;
19 keimah Paul nih kan cham te lai, tiah ka kut hrimhrim in ka òial, nangmah zong kha ka cungah batmi na ngei ti chim kaa tim lo.
20 A si, unau, Bawipa min in hihi rak ka tuahpiak law Khrih ah ka lung rak ka lawmhter ko.
21 Ka bia na ngaih ko lai ti ruahchannak in ka òial, ka chim leng hmanh hin na tuah lai ti ka hngalh.
22 Nan thlacamnak cu leh a si lai i nan sinah ka rak phanh lai kaa ruahchan, ihnak khan rak ka timhpiak law ka duh.
23 Khrih ah thong ka tlakpimi Epafras nih a lang in nan kut an tlaih hna.
24 Ka rianòuan hawi Marka le Aristarkas le Demas le Luka zong nih an in tlaih ve hna.
25 Bawipa Jesuh Khrih vel cu na thlarau sinah um ko seh.