3
1 Cu bantuk cun nupile hna, nan vale nawl ngai u, Pathian bia a zum lomi a cheu hna zong bia kaa khat hmanh chim loin nupile ziaza thawngin tei khawh an si ko hnga,
2 nan ziaza ah upatnak le thianghlim tein nan um kha an hmuh ruangah a si hnga.
3 Nan ziaza cu a leng leiah, a ler in sam òamh, sui òhi khihoih le thuam òhaòha in i fam te hna si hlah seh;
4 a òet lomi hlawnthil lungthin chungin ziaza òha, toidornak lungput in i thuam u law cucu Pathian hmuh ah a sungsaimi a si.
5 Cu bantuk cun hlanlio i a thiangmi nu hna cu an vale nawlngaihnak in an rak i thuam.
6 Cu bantuk cun Sarah nih Abraham nawl a ngaih i bawipa ti in a rak auh. Nannih zong a òhami nan tuah i zeihmanh nan òih lo ahcun Sarah fale nan si cang.
7 Cu bantuk cun nannih vale hna zong nan nupile cu a derthawm deuhmi an si caah le a vel i nunnak co òi ding nan si caah hmaizahnak he an zawnruat hna u, cucu nan thlacamnak ah dawnkhantu a um lo nakhnga caah a si.
8 A donghnak ah, lungngetnak, hramhkauhnak, u le nau dawtnak, lungnemnak, toidornak lung thin nan dihlak in ngei ko u.
9 Òhat lonak cu òhat lonak in leh loin biachia zong biachia in leh loin a lettalam in thlua tu chuah hna u, zeitintiah cuti um dingah cun auh nan si i cucu thluachuah nan hmuh nakhnga caah a si.
10 Zeitintiah,
“Nun a duhmi hna le caanòha hmuh a duhmi hna nih cun
Òhat lonak ah a lei i veng seh law
A hmur zong bia òhalo chim ah i ralring seh.
11 Òhat lonak mertak in dinnak tuah seh.
Remnak kawl in zuldawi ko seh.
12 Zeitintiah Bawipa nih a mit cu miding hna cungah a chiah i
An thlacamnak zongah a hna a chit hna.
Sihmanhsehlaw òhat lonak a tuahmi hna cu
Bawipa nih a hnu hoih hna,”
13 Dinnak tuah ah òhahnem nan ngaih ahcun aho nih dah nan cungah òhat lonak an tuah lai?
14 Dinnak caah nan temh ahcun thluachuah tu nan hmuh ko lai. Òih hna hlah u law nan lung zong i tuai hlah seh;
15 sihmanhsehlaw Khrih cu kan Bawipa a si tiah nan lung in upat u. Nan lung chung i ruahchannak nan ngeihmi kha ahopaoh nih chim an in fial hna tikah nan i runvennak chim awk kha i ralring zungzal u, sihmanhsehlaw nemte le upatnak in chim u.
16 An in zomhtaih hna i Khrih thawngin nan ziaza òha an in soisel hna kha an ning a zah nakhnga nan chiaòha thleidannak ah lung thiang tein um i zuam u.
17 Zeitintiah dinnak ca i temh cu Pathian duhning a si ahcun sual tuahnak cun a òha deuh.
18 Zeitintiah Khrih zong sualnak ruangah voi khat ah zalak in mi vialte caah a thi, Pathian sinah a kan kalpi nakhnga miding cu miding lo caah a thi. Pumsa ah thah a si nain thlarau ah cun thawhter òhan a si.
19 Cuticun thong chungah a ummi thlarau hna sinah phung a vung chim.
20 Mah hna cu Noah nih lawng a sak lioah khan Pathian nih lungsau ngaiin a hngak ko hna nain a rak zum duh lomi hna kha an si, mi tlawmte pariat lawng, ti chungin khamh an rak si.
21 Cu he aa lomi baptisma innak nih cun Jesuh Khrih thawhòhannak thawngin atu cu an khamh hna; pumsa ah a thurhnawmmi thianhpiak bantuk si loin chiaòha thleidannak thiang te he Jesuh Khrih thawhòhannak thawngin Pathian sinah nawlnak bantuk tu a si;
22 Amah cu van ah a kai i vanmi he nawlngeihnak he òhawnnak he a toiah chiah in Pathian orhlei kamah a um cang.