29
Kum Thar Pekchanhnak
(Lev 23.23-25)
1 “Thla sarihnak thla a ni khatnak ni ah a thiangmi pumhnak nan ngei lai; rian fak nan òuan lai lo. Nannih caah muko tumnak ni a si lai i
2 khangh thawinak, Bawipa ca rimthaw cu, nan pekchanh lai: cawtum no pakhat, tuukawng pakhat, kum khat a timi tuufa dotla a pa pasarih;
3 chiti he cawhmi changvut dip an changvut thawinak zong, cawtum caah ephah cheu hra cheu thum, tuukawng caah ephah cheu hra cheu hnih le,
4 tuufa pasarih hna caah cheuhra cheukhat cio;
5 cun nannih ca i remnak ser awkah sual thawinak ca i meheh a pa pakhat he;
6 mah hna hi, thla thar i khangh thawinak le a changvut thawinak, tlaihlan khangh thawinak le a changvut thawinak le an thlet thawinak an phunglam ningin, rimthaw Bawipa sin i mei in pekchanhmi hleiah an si.
Remnak Ni Pekchanhnak
(Lev 23.26-32)
7 “Hi thla sarihnak thla a ni hranak ni ah hin a thiangmi pumhnak nan ngei lai; nan i temhinter lai, rian nan òuan lai lo, Ref 29.7-11: Lev 16.29-34
8 sihmanhsehlaw Bawipa sinah rimthaw khangh thawinak nan pekchanh lai: cawtum no pakhat, tuukawng pakhat, kum khat a timi tuufa a pa pasarih; nannih caah do a tlami kha an si lai;
9 cun chiti he cawhmi changvut dip an changvut thawinak, cawtum caah ephah cheu hra cheu thum, tuukawng caah cheu hra cheu hnih,
10 tuufa pasarih caah cheuhra cheukhat cio:
11 remnak ca i sual thawinak le tlaihlan khangh thawinak le a changvut thawinak le an thlet thawinak hna hleiah sual thawinak caah mehehtum pakhat zong.
Deu Puai Pekchanhnak
(Lev 23.33-44)
12 “Thla sarihnak thla a ni hleinganak ni ah a thiangmi pumhnak nan ngei lai; rian fak nan òuan lai lo i ni sarih chung Bawipa caah puai nan ulh lai;
13 mei in pekchanhmi khangh thawinak Bawipa ca i rimthaw cu nan pekchanh lai, cawtum no hleithum, tuukawng pahnih, kum khat a timi tuufa a pa hleili; dotla an si lai;
14 cun chiti he cawhmi changvut dip in sermi an changvut thawinak cawtum hleithum hna caah khan ephah cheu hra cheu thum cio, tuukawng pahnih hna caah khan cheu hra cheu hnih cio,
15 tuufa hleili hna caah khan cheuhra cheukhat cio;
16 cun tlaihlan khangh thawinak le a changvut thawinak le a thlet thawinak hleiah sual thawinak caah mehehtum pakhat zong.
17 “Ni hnihnak ni ah cawtum no hleihnih, tuukawng pahnih, kum khat a timi tuufa a pa dotla hleili,
18 a phunglam ning le an tlawmtam ningin cawtum hna le tuukawng hna le tuufa hna sa i changvut thawinak le thlet thawinak hna he khan;
19 tlaihlan khangh thawinak le a changvut thawinak le an thlet thawinak hna hleiah sual thawinak ca i mehehtum pakhat zong.
20 “Ni thumnak ni ah cawtum hleikhat, tuukawng pahnih, kum khat a timi tuufa a pa dotla hleili,
21 a phunglam ning le an tlawmtam ningin cawtum hna le tuukawng hna le tuufa hna ca i changvut thawinak le thlet thawinak hna he khan;
22 tlaihlan khangh thawinak le a changvut thawinak le a thlet thawinak hleiah sual thawinak ca i mehehtum pakhat zong.
23 “Ni linak ni ah cawtum pahra, tuukawng pahnih, kum khat a timi tuufa a pa dotla hleili,
24 a phunglam ning le an tlawmtam ningin cawtum hna le tuukawng hna le tuufa hna ca i changvut thawinak le thlet thawinak hna he khan;
25 tlaihlan khangh thawinak le a changvut thawinak le a thlet thawinak hleiah sual thawinak ca i mehehtum pakhat zong.
26 “Ni nganak ni ah cawtum pakua, tuukawng pahnih, kum khat a timi tuufa a pa dotla hleili,
27 a phunglam ning le an tlawmtam ning in cawtum hna le tuukawng hna le tuufa hna ca i changvut thawinak le thlet thawinak hna he khan;
28 tlaihlan khangh thawinak hna le a changvut thawinak le a thlet thawinak hleiah sual thawinak ca i mehehtum pakhat zong.
29 “Ni ruknak ni ah cawtum pariat, tuukawng pahnih, kum khat a timi tuufa a pa dotla hleili,
30 a phunglam ning le an tlawmtam ningin cawtum hna le tuukawng hna le tuufa hna ca i changvut thawinak le thlet thawinak hna he khan;
31 tlaihlan khangh thawinak le a changvut thawinak le an thlet thawinak hna hlei ah sual thawinak ca i mehehtum pakhat zong.
32 “Ni sarihnak ni ah cawtum pasarih, tuukawng pahnih, kum khat a timi tuufa a pa dotla hleili,
33 a phunglam ning le an tlawmtam ningin cawtum hna le tuukawng hna le tuufa hna ca i changvut thawinak le thlet thawinak hna he khan;
34 tlaihlan khangh thawinak le a changvut thawinak le a thlet thawinak hleiah sual thawinak ca i mehehtum pakhat zong.
35 “Ni riatnak ni ah a liannganmi pumhnak nan ngei lai: rian fak nan òuan lai lo,
36 sihmanhsehlaw mei in pekchanhmi, Bawipa ca i rimthaw khangh thawinak cu nan pekchanh lai: cawtum pakhat, tuukawng pakhat, kum khat a timi tuufa a pa dotla pasarih,
37 a phunglam ning le an tlawmtam ning in cawtum le tuukawng le tuufa hna caah changvut thawinak le thlet thawinak hna he khan;
38 tlaihlan khangh thawinak le a changvut thawinak le a thlet thawinak hleiah sual thawinak ca i mehehtum pakhat zong.
39 “Nan biakam thawinak hna le nan lung tho tein thawinak hna hlei ah, mah hna hi nan khangh thawinak hna le nan changvut thawinak hna le nan thlet thawinak hna le nan daihnak thawinak hna caah a caan khiahmi puai hna ah Bawipa sinah nan pekchanh hna lai,” tiah a ti.
40 Bawipa nih Moses cu nawl a pekning te khan Moses nih Israel mi kha zeizong vialte cu a chimh hna.