18
Tlangbawi le Levi Mi Hna Òuanvo
1 Cucaah Bawipa nih Aaron cu a chawnh i, “Nangmah le na fapale hna le na phunhawi hna nih hmunthiang he pehtlai in òhat lonak cu nan in lai; cun nangmah le na fapale hna nih tlangbawi nan sinak he aa pehtlai in òhat lonak cu nan in lai.
2 Cun nangmah sinah na unau hna, Levi phun, na pa phun kha, ratpi hna law, nangmah kha an in fonh lai i nangmah he a ummi na fapa hna le nangmah cu hngalhternak thlam hmaiah nan um lioah an in bawmh hna lai.
3 Nangmah kha an in bultawl lai i thlam rian vialte zong kha an bultawl lai; sihmanhsehlaw hmunthiang umkheng si hna seh, biakòheng siseh, an naih lai lo, anmah le nangmah zong nan thi sual hnga.
4 An in fonh lai i tonnak thlam cu thlam chung rian vialte ah an bultawl lai; cun a dang ahohmanh nan pawngah an ra lai lo.
5 Cun nannih nih hmunthiang rian le biakòheng rian cu nan bultawl lai, Israel mi cungah thinhunnak a um ti nakhnga lo.
6 Cun zohhmanh, nan unau Levi mi hna cu Israel mi hna chungin ka lak cang hna; annih cu tonnak thlam rianòuan awk i Bawipa sin le nan sin i pekmi laksawng an si.
7 Cun nangmah le na fale hna nih biakòheng le puanzar chung i a ummi thil he aa pehtlaimi vialte ah nan tlangbawi rian cu nan òuan lai; nannih nih nan bultawl lai. Nan tlangbawi rian hi laksawng ah kan pek hna; midang ahohmanh a pawngah a rami paoh cu thah a si lai,” tiah a ti.
8 Cun Bawipa nih Aaron cu, “Zohhmanh, keimah sin i pekchanhmi thil hna chungin khangh lomi paoh cu nangmah kan pek, Israel mi hna an thil thiang vialte cu; mah thil hna cu na vo ah nangmah kan pek i an hmuh camcin awkah na fapale kha ka pek hna.
9 Mei i khangh hlei thil thiang bik hna chungin mah hihi na ta an si lai: an pekchanhmi paohpaoh, an changvut thawinak paohpaoh, an sual thawinak paohpaoh le an phungbuar thawinak paohpaoh keimah an ka pekmi cu nangmah le na fapale hna caah thil thiang bik an si lai.
10 Hmun thiang bik ah nan ei lai; pa paohpaoh nih an ei lai; na caah thil thiang a si.
11 Mah zong hi na ta a si lai, an laksawng an pekchanhmi, Israel mi hna hninh thawinak vialte cu; mah hna hi nangmah le na fapa hna le na fanu hna sinah nan hmuh camcin awkah kan pek cang hna; na inn chung i a thiangmi paoh nih an ei khawh lai.
12 Chiti lakah a òha bik le mitsur hang le tirawl lakah a òha bik, Bawipa sinah an pekmi thei tlaiter hna cu, nangmah kan pek.
13 An lo chung i theitlai a hmin hmasa bik, Bawipa sin i an rak putmi hna cu, na ta an si lai; na inn chung i a thiangmi paoh nih an ei khawh lai.
14 Israel mi hna chungah ulh-amhmi thil paohpaoh cu na ta a si lai. Ref 18.14: Lev 27.28
15 Bawipa sinah an pekchanhmi fater paohpaoh cu, minung siseh, saram siseh nangmah ta an si lai; asinain, minung fater le a thiang lomi saram fater hna cu na tlanh hna lai.
16 Cun an tlanhnak man cu (thla khat an ti tikah na tlanh hna lai) gerah pakul a simi hmunthiang shekel ningin ngun shekel panga ah na khiah lai.
17 Sihmanhsehlaw caw fater siseh, tuu fater siseh, meheh fater siseh na tlan hna lai lo; annih cu an thiang. An thi cu biakòheng cungah na theh lai i an thau cu mei in thawinak caah, Bawipa ca i rimthaw ah, na khangh lai;
18 sihmanhsehlaw an sa cu nangmah ta a si lai, hninhmi ii le orhlei phei cu na ta an si bantuk khan.
19 Israel mi nih Bawipa sinah an pekmi a thiangmi pekchanhnak vialte cu nangmah le na fapa hna le na fanu hna he nan hmuh camcin awkah kan pek; nangmah le na tefa hna caah cite in biakamnak Bawipa hmaiah a si zungzal lai,” tiah a ti.
20 Cun Bawipa nih Aaron cu, “An ram chungah ro na ngei lai lo, annih lakah covo zong na ngei lai lo, keimah cu Israel mi hna lakah na vo le na ro ka si.
21 “Levi mi cu tonnak thlam chung i an rian, cu rianòuan man ah cun Israel mi hna lak i cheu hra cheu khat cu ro caah ka pek hna. Ref 18.21: Lev 27.30-33; Deu 14.22-29
22 Cun atu thawk in Israel mi hna cu tonnak thlam pawngah an ra ti lai lo, an sualnak mawh phor in an thi sual hnga.
23 Sihmanhsehlaw Levi mi nih tonnak thlam rian cu an òuan lai i palhnak a um ahcun anmah nih an in lai; nan tefa chin tiangin mah hihi nawlbia a si camcin lai; Israel mi hna lakah ro cu an ngei lai lo.
24 Zeitintiah Israel mi hna nih Bawipa sinah pekchanhnak ca i an pekmi cheuhra cheukhat cu Levi mi hna kha ro ah ka pek cang hna; cucaah Israel mi hna lakah ro an ngei lai lo, tiah ka rak ti kha,” tiah a ti.
25 Cun Bawipa nih Moses cu,
26 “Cu hleiah, hi bangin Levi mi cu na chimh hna lai, ‘Israel mi hna sinin cheuhra cheukhat nan ro caah kan pekmi hna cu nan lak tikah, cu chung cun Bawipa sinah pekchanhnak nan pek lai, cheuhra cheukhat cungin cheuhra cheukhat kha.
27 Cun nan pekchanhnak cu phuhri i rawl le mitsur hang nennak mitsur hang bantuk ah relpiak nan si lai.
28 Cucaah Israel mi hna sinin nan hmuhmi cheu hra cheu khat vialte chungin nanmah zong nih Bawipa sinah pekchanhnak nan tuah lai; Bawipa sin pekchanhmi cu tlangbawi Aaron kha nan pek lai.
29 Laksawng nan hmuhmi vialte chungin, a òha bik a thiang bik hna, Bawipa sinah pekchanh awk a simi hna cu, nan pek lai.’
30 Cucaah annih sinah hi bangin na chim lai, ‘A òha bik kha nan pekchanh dih in, a tangmi cu Levi mi hna caah phuhri in a chuakmi rawl le mitsur nennak chung chuakmi mitsur hang ah rel a si lai i,
31 nanmah le nan innchungkhar hna nih khuazeika hmanh ah nan ei khawh lai. Zeitintiah tonnak thlam chung i nan rianòuan man a si.
32 A òha bikmi cu nan pekchanh tikah, sualnak mawhnak cu nan phor lai lo. Cun Israel mi hna thil thiang cu nan thurhhnawmh lai lo, nan thi sual hnga,” tiah a ti.