12
Miriam le Aaron Nih Moses Kha An Al
1 Hezeroth i an um lioah khan, Miriam le Aaron nih Moses cu a òhitmi Kush minu ruangah khan an thangchiat; zeitintiah Kush minu cu a òhit caah.
2 Annih nih, “Moses sin lawng in maw Bawipa nih bia a chim? Kanmah sin zongin a chim ve lo maw?” tiah an ti. Mah cucu Bawipa nih a theih.
3 Moses cu vawleicung mi vialte lakah lungnem bik a si.
4 Cun Bawipa nih chikkhatte ah Moses le Aaron le Miriam sinah cun, “Ra chuak tuah u, nan pathum in, tonnak thlam ah cun,” tiah a ti. An pathum in an ra chuak.
5 Cun Bawipa cu minmei tung in a rung òum i thlam innka ah cun a dir i, Aaron le Miriam kha a kawh hna i an pahnih in hmailei ah an ra.
6 Cun amah nih, “Ka bia ngai tuah u:
Nannih lakah profet an um tikah
Bawipa keimah nih langhnak in
an sinah kaa hngalhter i
mang in ka chawnh hna.
7 Sihmanhsehlaw ka sal Moses cu,
cu bantuk cun a si lo;
ka inn cu a dihlak in
a kut chungah ka chiah; Ref 12.7: Heb 3.2
\v 8 Amah cu hmaitonh in ka chawnh,
holh thup in si loin fiang tein
ka chawnh;
cun amah cu Bawipa mui zong
a hmumi a si.
A si kun ahcun zeicahdah
ka sal Moses bia al cu
nan òih kun lo?” tiah a ti.
9 Cun Bawipa thinhunnak cu annih cungah a alh i a kal;
10 cun minmei cu thlam cung cun aa òhial tikah, zohhmanh, Miriam cu thinghmui zawtnak ngeimi a si ko, hawhra bantukin a rang. Cun Aaron cu Miriam leiah a hei i mer i zohhmanh, mithinghmui a si ko ai.
11 Cun Aaron nih Moses sinah, “Maw, ka bawipa, dan kan tat sawh hlah, zeicahtiah hruh bu piin kan tuah i kan sual cang.
12 Amah cu a nu paw chungin a chuah tikah a titsa a cheu a dih cangmi a thimi bantuk cu siter sawh hlah,” tiah a ti.
13 Cun Moses nih Bawipa cu a auh i, “Maw Pathian, amah cu damter ko, tiah kan nawl,” tiah a ti.
14 Sihmanhsehlaw Bawipa nih Moses sinah cun, “A pa nih a hmaiah a cil chak seh law, cu hmanh ah cun ni sarih chung cu ningzak in a um lai lo mei? Amah cu riahhmun lengah ni sarih chuah si seh law, cu hnuah cun luhter a si òhan te lai,” tiah a ti. Ref 12.14: Nam 5.2-3
15 Cu bangin Miriam cu riahhmun lengah ni sarih chuah a si i mi cu Miriam luh a si òhan hlantiang cu i thawh loin an um.
16 Cu hnuah cun Hazeroth in an i thawh i Paran ramlak ah khan riahhmun an khuar.