12
Tlangbawi le Levi Mi Hna
1 Shealtiel fapa Zerubbabel le Jeshua he a rami tlangbawi hna le Levi mi hna cu mah hna hi an si:
Seraiah, Jeremiah, Ezra,
2 Amariah, Malluk, Hattush,
3 Shekaniah, Rehum, Meremoth,
4 Iddo, Ginnethoi, Abijah,
5 Mijamin, Maadiah, Bilgah,
6 Shemaiah, Joiarib, Jedaiah,
7 Sallu, Amok, Hilkiah, Jedaiah; mah hna hi tlangbawi hna le an unau hna lakah, Jeshua chan ah khan upa bikbik cu an si.
8 Cun Levi mi hna cu mah hna hi an si: Jeshua, Binnui, Kadmiel, Sherebiah, Judah le Mattaniah, Mattaniah hi a unau hna he lawmhnak hla a tawlreltu an si.
9 Cun an unau hna Bakbukiah le Unno cu hlasak tikah khan anmah he cun hmaitonh in an dir.
10 Cun Jeshua cu Joiakim pa a si, Joiakim cu Eliashib pa a si, Eliashib cu Joiada pa a si,
11 Joiada cu Jonathan pa a si, Jonathan cu Jaddua pa a si.
12 Cun Joiakim chan ah cun hi hna hi pale innchungkhar ah lu a simi cio tlangbawi hna cu an si:
Seraiah chungkhar ah Meraiah, Jeremiah chungkhar ah Hananiah,
13 Ezra chungkhar ah Meshullam, Amariah chungkhar ah Jehohanan,
14 Mallukhi chungkhar ah Jonathan, Shebaniah chungkhar ah Josef,
15 Harim chungkhar ah Adna, Meraioth chungkhar ah Halkai,
16 Iddo chungkhar ah Zekhariah, Ginnethon chungkhar ah Meshullam,
17 Abijah chungkhar ah Zikhri, Miniamin chungkhar ah,a Hika ah hin min pakhat a tlau. Moadiah chungkhar ah Pittai,
18 Bilgah chungkhar ah Shammua, Shemaiah chungkhar ah Jehonathan,
19 Joiarib chungkhar ah Mattenai, Jedaiah chungkhar ah Mattenai, Jedaiah chungkhar ah Uzzi,
20 Sallai chungkhar ah Kallai, Amok chungkhar ah Eber,
21 Hilkiah chungkhar ah Hashabiah, Jedaiah chungkhar ah Nethanel.
22 Eliashib, Joiada, Johanan le Jaddua hna chan i tlangbawi innchungkhar hna lak i lu a si ciomi hna kha Persia mi Darius chan tiang khan cazin ah an min khumh a si.
23 Levi mi innchungkhar hna chung i lu a simi tu hna kha cu Eliashib tu Johanan chan tiang lawng kha an min cazin ah òial a si.
24 Pathian mi David nawl peknak ning khan, phu khat le phu khat nih aa chaang lengmang in thangòhatnak le lawmhnak pek awkah; an unau hna he hmaitonh in a ummi Levi mi upa bikbik hna cu Hashabiah, Sherebiah le Kadmiel fapa Jeshua an si.
25 Mattaniah, Bakbukiah, Obadiah, Meshullam, Talmon le Akkub cu kutka cawnghnak inn i ral a vengtu kutka congtu kha an si.
26 Jozadak fapa Jeshua i a fapa Joiakim chan le ram uktu bawi Nehemiah le tlangbawi le cazi a si kemhmi Ezra hna chan i thil umtuning cu mah hihi a si.
Kulhnak Vampang Pekchanhnak
27 Cun Jerusalem kulhnak vampang an pekchanh ah khan, lunglawmhnak le thanuamnak le hla in, sumsel, tingtang le thonglawi he tiah pekchanhnak cu conglawmh awkah Levi mi cu an umnak cio ah khan Jerusalem i ratpi awkah an va kawl hna.
28-29 Cun Beth-gilgal le Geba le Azmaveth peng hna chung zong khan an i pum; zeicahtiah hlasatu hna nih khan Jerusalem velchum ah khan khua hme tete an i ser hna.
30 Cun tlangbawi hna le Levi mi hna kha an i thianh i mi zapi hna le kutka hna le kulhnak vampang kha an thianh hna.
31 Kha tikah Judah bawi pawl kha kulhnak vampang cungah cun ka hun kalpi hna i lawmhnak hlasatu dingah bu hnih ah ka ser hna. Bu khat cu orhlei ah an kal i vampang zulh thluahmah khan Hnawmpon Kutka leiah khan an kal;
32 cu hna hnuzul ah cun Hoshaiah le Judah upa pawl hnarcheu kha an kal;
33-34 cu hna sinah cun Azariah, Ezra, Meshullam, Judah, Benjamin, Shemaiah le Jeremiah zong kha an kal; cun tlangbawi a cheukhat hna zong kha muko he an kal ve.
35-36 Cu hna cu Jonathan fapa Zekhariah le a unau hna Shemaiah, Azarel, Milalai, Gilalai, Maai, Nethanel, Judah le Hanani nih khan, Pathian mi David aw dawh tumnak thilri kha i put in an zulh hna; cun cazi Ezra nih khan hmai a òhit hna. Jonathan cu Shemaiah fapa a si, Shemaiah cu Mattaniah fapa a si, Mattaniah cu Mikaiah fapa a si; Mikaiah cu Zakkur fapa a si, Zakkur cu Asaf fapa a si.
37 Cerh Ti Kutka kha an hei lonh i lamhbak pawng khan ding tein David khua ah khan an kal, khua kulhnak vampang hung kainak hlei pawng khan an kal i David inn kha an lonh i nichuahlei i a ummi Ti Kutka kha an phan.
38 Cun lawmhnak hlasatu bu dang kha kehlei ah an kal i mi zapi lak i upa pawl hnarcheu he khan kan zulh hna. Kulhnak vampang zulh thluahmah khan kan kal i
39 Changreu Rawhnak Innsang kha kan lonh i Vampang Kau kha kan phan, Efraim Kutka kha kan lonh i Jeshanah Kutka le Nga Kutka chak khan kan kal i Hananel Innsang le Za Innsang pawng khan Tuu Kutka tiang kan kal; cun Cawngtu hna Kutka ah khan an dir.
40 Cucaah lawmhnak hlasatu bu hna kha an bu hnih in Pathian inn chungah khan an dir i keimah le bawi pawl hnarcheu zong kha kan dir ve.
41 Cun tlangbawi Eliakim, Maaseiah, Miniamin, Mikaiah, Elioenai, Zekhariah le Hananiah kha an muko he an dir;
42 cun Maaseiah, Shemaiah, Eleazar, Uzzi, Jehohanan, Malkhijah, Elam le Ezer zong kha an dir. Cun hlasatu pawl cu an hruaitu Jezrahiah nih a hruai hna i hla an sa.
43 Cun cu ni ah cun raithawinak ngan pipi an pekchanh hna i Pathian nih lunglawmhnak nganpi in an lung a lawmhter hna caah an i lawm; nu le ngakchia zong kha an i lawm ve. Cun Jerusalem khua chung i lunglawmhnak cu lamhlapi tiang a thang.
Tlangbawi le Levi Mi Hna Cawmnak
44 Khi ni ah khan thil khonnak khaan le mi nih an thawhmi thil hna, theitlai hmasa bik hna le cheuhra cheukhat hna kha a zohkhenhtu dingah mi kan thiah hna; an rian cu tlangbawi hna le Levi mi hna ca i thawh awk tiin nawlbia nih a timi ningin khua kip nih an pawngkam i a ummi lo ning cio in an thawhmi rawl chiahnak khaan chung i rawn kha a si; zeicahtiah rian a òuantu tlangbawi hna le Levi mi hna cungah khan Judah mi vialte cu an i lawm.
45 Cun David le a fapa Solomon nih phung an chiahtak bangin, hlasatu hna le kutka cawngtu hna nih an tuah bang khan, an Pathian rian le i thianhnak rian kha an òuan.
46 Zeicahtiah David chan ah khan Asaf nih hlasatu hna hruitu bik le Pathian thangòhatnak le lawmhnak chimnak hla a rak hruitu hna kha a si.
47 Cun Israel mi vialte nih Zerubbabel le Nehemiah chan ah khan hlasatu pawl le kutka cawngtu pawl kha nifa an covo a simi kha an pek hna; cun Levi mi ca i a simi kha a dang tein an chiah i Levi mi hna nih khan Aaron tefa hna ca i a simi kha a dang tein an chiah ve.