28
(Mar 16:1-10; Luk 24:1-12; Jhn 20:1-10)
1 Sabbath ni a hung dih i zarh khat chung ni hmasa bik khuadei lai te ah khin Mary Magdaline le a dang Mary kha thlan zoh awkah an kal.
2 Li fakpi in aa hnin ciammam i Bawipa vancungmi van in a rung òum; thlankhar lungpi kha a thawn i a cungah cun a òhu.
3 A muihmel cu nimtlau ko a lo i a hnipuan cu hawhra bantukin a rang.
4 Ralveng hna nih cun an òih tuk i an tha a therh dih hna i mithi khan in an um.
5 Sihmanhsehlaw vanmi nih cun nu hna cu, “Òih hlah u, vailam an tahmi Jesuh kha nan kawl ka hngalh.
6 Hika ah hin a um ti lo, a chim bang khan a tho òhan cang. Ra u law a ihnak hi ra zoh hmanh u.
7 Zohzok in va kal u law a hnuzul hna kha, ‘Thihnak in a tho òhan cang; Galilee ah a rak kal chung lai, cuka ah cun nan hmuh lai, tiah va chim hna u,’ ti hi kan chimhmi hna cu a si,” a ti.
8 Òih pah le lunglawmh buin khulrang in thlan cun an chuak i hnuzul hna va chimh awk cun an le.
9 Jesuh nih a rak don hna i, “Nan cungah daihnak um ko seh,” a ti hna. An zuan hnawh i a ke an i tlaih i an biak.
10 Jesuh nih cun, “Òih hlah u, va kal u law ka unau hna kha Galilee kal awkin va chim hna u, cuka ah cun an ka hmuh lai,” a ti hna.
11 An kal lioah khan ralveng cheukhat hna cu khuapi chungah an va lut; tlangbawi upa hna kha thil umtuning cu an va chimh hna.
12 Upa hna he an i tong i khua an khan dih hnuah ralveng hna cu tangka tampi phalh in,
13 “ ‘Zan kan ih karah a hnuzul hna an ra i a ruak cu an fir,’ nan ti lai.
14 Mangki nih thei ai kun, kanmah nih kan lem lai i harnak ing lo dingin kan in tuah hna lai,” an ti.
15 Tangka cu an i lak i an chimh hna bang cun an chim chin lengmang; cu bia cu atu tiang hin Judah mi lakah cun a leng ko rih.
(Mar 16:14-18; Luk 24:36-49; Jhn 20:19-23; Lam 1:6-8)
16 A hnuzul hleikhat hna cu Galilee ram ah an kal i Jesuh nih a chimhmi hna tlang ah cun an kai.
17 An va hmuh cun an biak, asinain a cheu cu lungawòawm in an um.
18 Jesuh nih a hun fuh hna i, “Lei le van i nawlngeihnak vialte cu pek ka si cang.
19 Cucaah khuazakip ah va kal u law miphun vialte kha a ka zultu va siter hna u.
20 Pa le Fapa le Thiang Thlarau min in Baptisma va pe hna u; nawl kan pekmi vialte hna hi an zulh nakhnga va cawnpiak hna u. Zohhmanh u, nan sinah chan dongh tiangin ka um thluangthluan lai,” a ti hna.