21
(Mar 11:1-11; Luk 19:28-40; Jhn 12:12-19)
1 Jerusalem an hun naih cang i Oliv tlang i Bethfeih khua an phanh cun a hnuzul pahnih kha Jesuh nih hmai kal a fial hna,
2 “Nan hmai khua ah khin rak kal u law, khua luh ka te ah aa hreng komi laa a fate he nan hmuh lai; phoih u law ka sinah run hruai u.
3 Aho khom nih zeiti an in ti hna paoh ah, ‘Bawipa nih a herh,’ nan ti lai i an in lakter zau ko hna lai,” tiah a ti.
4 Cucu profet ka in rak chimmi:
5 “Zion fanu cu va chim u,
Zohhmanh u, nan siangpahrang cu nan sinah a ra lio,
Toidor ngaiin laa cungah a cuang,
Laa note, a cuzalo, laa fate aa cit, va ti u,”
timi kha a tlin nakhnga caah a si.
6 A hnuzul hna cu an va kal i Jesuh nih a chimh hna bang cun an va ti.
7 Laa le a fate cu an run hruai hna i an puan an danh i Jesuh cu laa cungah a cuang.
8 Mi tampi nih khan lam ah an puan an phah i mi cheu nih thingnge an sam i an phah ve.
9 Hmai i a kalmi he a hnulei i a zulmi he an bu ningpi in an au:
“David Fapa sinah thangòhatnak um ko seh!
Bawipa min in a rami cu thluachuakmi a si!
Cungnung bik ah khin thangòhat si ko seh, Hosanna!” an ti.
10 Jerusalem a hung luh ah cun a khuapi in, “Hihi ahodah a si?” tiah an i tuai cur ko.
11 Mipi nih cun, “Hihi Galilee ram Nazareth khuami profet Jesuh a si,” tiah an leh hna.
(Mar 11:15-19; Luk 19:45-48; Jhn 2:13-22)
12 Jesuh cu Pathian biakinn ah khan a va lut i a chung i thil a caw a zuarmi kha a òhawl dih hna; tangka thlengtu cabuai le laileng zuartu òhutdan kha a leh dih i,
13 “ ‘Ka inn cu thlacamnak inn ti a si lai,’ tiah òial a rak si; sihmanhsehlaw nannih tu nih cun mifir kua ah nan ser,” a ti hna.
14 Biakinn ah cun mitcaw le kebei an ra i a rak damter hna.
15 Tlangbawi upa hna le phung cawnpiaktu hna nih khuaruahhar thil a tuahmi le ngakchia hna nih, “David Fapa sinah Hosanna,” tiah biakinn chung i an au kha an hmuh tikah an thin a hung,
16 “Hi hna chimmi hi na thei maw?” tiah an ti. Jesuh nih “Thei ko,
‘Nausem le hnuktlai lio ko nih
Thangòhatnak tling a chuahpi,’ timi kha
nan rel bal lo maw?”
a ti hna.
17 A kaltak hna i khua chung cun a chuak i Bethani khua ah khan a va riak.
(Mar 11:12-14; 20-24)
18 A thaizing ah khuapi lei i an kir òhan lioah Jesuh cu a rawl a òam;
19 lam pawngah theipi kung a hmuh i a hei fuh; a hnah lawngpi a si i zeihmanh a um lo, “Zeitikhmanh ah tlai ti hlah,” a ti i theipi cu a uai thluahmah colh ko.
20 A hnuzul hna nih cucu an hmuh tikah an khuaruah a har i, “Zeitindah theipi hi a uai colh khawh hnga?” an ti.
21 Jesuh nih, “Bia ngaite kan chimh hna, nan zumh i lung awòawm loin nan um ahcun, theipi kung cung i tuahmi bantuk lawng hmanh hi si loin hi tlang zong hi, ‘I òhial law rili chungah i paih,’ nan ti hmanh ah a paih ko lai.
22 Thlacamnak in nan halmi paoh nan zumh ahcun nan hmuh ko lai,” a ti hna.
(Mar 11:27-33; Luk 20:1-8)
23 Biakinn chungah a lut i a cawnpiak lio hna ah khan tlangbawi upa hna kha an ra i, “Zei nawlngeihnak in dah hi thil hi na tuah? Hi nawlngeihnak hi ahodah an pe?” tiah an hung ti.
24 Jesuh nih hitihin a leh hna, “Bia pakhat in kan hal hna lai i cucu nan ka leh khawh ahcun aho nawlngeihnak in dah ka tuah ti kha kan chimh ve hna lai.
25 Johan baptisma pekmi kha khuazei in dah a rat, van in maw minung sin in dah?” a ti. Anmah le anmah an i al i, “Van in kan ti ahcun, ‘Ziah a bia nan ngaih kun lo?’ a kan ti lai.
26 ‘Minung sinin’ kan ti ahcun zapi hi kan caah òihnung an si lai, zeitintiah mi vialte nih Johan kha profet ah ruah a rak si,” an ti.
27 Cucaah Jesuh cu, “Kan hngal lo,” tiin an leh. Kei zong nih aho nawlngeihnak in dah ka tuah ti cu kan chim ve hna lai lo,” a ti hna.
28 Jesuh nih, “Hihi zeitindah nan ruah? Mipa nih fa pahnih a ngeih hna; pakhat sinah a va kal i, ‘Ka fapa, nihin cu mitsur dum ah rian va òuan,’ a ti.
29 A fapa nih cun, ‘Ka duh lo,’ a rak ti. Sihmanhsehlaw a hnuah a lung aa thleng i a va kal òhan.
30 Pakhat sin zongah a va kal i, cu ti òhiamòhiam cun a va ti.
31 A rak lehnak ah cun, ‘Ka kal ko lai, ka pa,’ a ti nain a kal lo. Cu hna pahnih lakah cun aho nih dah a pa duhning a tuah deuh?” tiah a hal tik hna ah, “A hmasa u nih khan,” an ti. Jesuh nih, “Bia ngaite kan chimh hna, ngunkhuai khawltu le hlawhhlangnu hna nih Pathian pennak chungah an in luh khanh hna lai hih.
32 Johan nih cun lam dik a rak in hmuhsak hna nain nan zum lo; ngunkhuai khawltu le hlawhhlangnu hna nih an zumh. Cucu nan hmuh hnu zongah nan lung nan i thleng hlei lo i nan zum hlei fawn lo,” a ti hna.
(Mar 12:1-12; Luk 20:9-19)
33 Jesuh nih, “Bianabia pakhat ngai rih hmanh u; lo ngeitu pakhat nih mitsur dum a ser, hau a kulh dih i mitsur nennak khor a cawh i parthlam zong a sak, a dum cu mi a hlanh hna i ramdang ah a kal diam.
34 Thei lawh caan a naih tikah a hmuh hngami thei lak awkin dum hlangtu sinah a sal a hei thlah hna.
35 Dum hlangtu hna nih cun a sal hna cu an rak tlaih hna i pakhat an velh, pakhat an thah i pakhat lung in an cheh.
36 A hmasa nak tam deuh in sal dang a kalter òhan hna i cu hna zong cu cuti òhiamòhiam cun an rak tuah hna.
37 Cu hnuah cun, ‘Ka fapa hi cu an rak hmaizah òheo lai,’ tiah a fapa cu a kalter òhan.
38 Sihmanhsehlaw dum hlangtu hna nih cun a fapa an rak hmuh tikah, ‘Hihi rocotu a si, ra u, that u sih, a roco ding hi i lak u sih,’ an i ti.
39 Cun an tlaih i dum lengah an chuah i an thah.
40 A si ahcun, dum ngeitu a rat tikah dum hlangtu hna cu zeitindah a tuah hna hnga?” tiah a hal hna.
41 Annih nih, “Cu mi òhalo hna cu teming ngai in a thah hna lai i, a ning tein a hmuh hngami a pe dingtu sinah dum cu a hlanh hna hnga,” tiah an leh.
42 Jesuh nih an sinah, “Cathiang ah aa òialmi hi nan rel bal lo maw?
‘Inn satu nih an hlawt cangmi lung theng kha,
Innkil lung santlai bik ah a cang.
Cucu Bawipa tuahmi a si i,
Kan hmuh tikah kan khuaruah a har.’
43 Cucaah hitihin kan chimh hna. Pathian pennak cu chuh nan si lai i a thei a tlaiter hngami mi sinah pek an si lai.
44 Hi lung cung i a tlumi cu an kuai cikcek lai i lung nih a tlakmi hna cu leidip ah an cang lai,” tiah a ti.
45 Tlangbawi upa hna le Farasi hna nih cu bianabia cu an theih tikah kanmah kong a chim ti kha an hngalh.
46 Sihmanhsehlaw tlaih an timh tikah mizapi kha an òih fawn hna, zeitintiah profet ah an ruah.