17
(Mar 9:2-13; Luk 9:28-36)
1 Cun ni ruk hnuah Jesuh nih Peter, Jeim le a unau Johan hna kha tlang sangpi ah a dang tein a kaipi hna.
2 An hmaika ah cun a mui aa thleng i a hmai cu ni bantukin a ceu i a hnipuan hna cu ceu bangin a cer dih.
3 Hlauhsaphak ah Moses le Elijah an rung lang i anmah he cun bia an i ruah.
4 Peter nih Jesuh cu, “Bawipa, hika kan um hi a va òha dah, na hna a tlak ahcun thlam pathum in ka sak lai, nangmah caah pakhat, Moses caah pakhat, Elijah caah pakhat,” a ti.
5 A chim cuahmah lioah cun zohhmanh u, chum ceu ngai nih a hun zelh hna, chum chung cun aw nih, “Hihi ka dawtmi ka Fapa, ka lung a ka tong ngaimi a si, a bia ngai u,” a ti.
6 A hnuzul hna nih cucu an theih tikah vawlei ah an bawk i an òih tuk hringhran.
7 Jesuh cu a ra i a hun tongh hna i, “Tho u, òih hlah u,” a ti hna.
8 An lu an hun tun tikah Jesuh ti dah lo cu ahohmanh an hmu ti hna lo.
9 Tlang cung in an vung òum pah ah Jesuh nih, “Mi Fapa hi thihnak in thawhter a si hlan paoh cu nan hmuhmi kha ahohmanh chim hna hlah u,” tiah bia a pek hna.
10 A hnuzul hna nih cun, “Phung cawnpiaktu hna nih, ‘Elijah a rat hmasa awk a si,’ an timi kha zeitindah a si kun?” tiah an hal.
11 Jesuh nih, “Elijah cu a ra taktak lai; zeizong vialte a remh lai.
12 Sihmanhsehlaw, kan chimh hna, Elijah cu a ra ko cang, asinain an hngal lo i amah cu an duh paoh in an tuah. Cu bantuk òhiamòhiam in Mi Fapa cung zongah an kut an zao lai i a tem ngai lai,” a ti hna.
13 Cucun a hnuzul hna nih Baptisma petu Johan kong a kan chimh ti kha an hngalh.
(Mar 9:14-29; Luk 9:37-43)
14 Zapi sin an va phanh ah cun mi pakhat a sinah a va i khukbil in,
15 “Bawipa, ka fapa hi zaangfah ko sawh, mitlu a si i a tem ing ko, voi tampi mei ah aa paih cang i voi tampi ti zongah a tla tawn fawn.
16 Na hnuzul hna sinah ka ratpi nain an damh kho lo,” a ti.
17 Jesuh nih a thawh hna i, “Maw zumhnak tlawm le mi letlang hna, zei can dah nan sinah ka um lai i zei can dah kan in rih hna lai? Ratpi tuah u,” tiah a ti.
18 Jesuh nih khuachia cu a hro i a chung cun a chuak; ngakchiapa cu a dam colh dep ko.
19 A hnuzul hna cu a sinah anmah lawng tein an ra i, “Zeicahdah kanmah nih kan òhawl khawh lo?” òiah an hal.
20 Jesuh nih cun, “Nan zumhnak a tlawm caah a si. Bia ngaite kan chimh hna, anòamci tia zumhnak nan ngeih ahcun hi tlang hi ‘Hika hin khika ah khin vaa òhial,’ ti u law aa òhial ko lai. Tuah khawh lomi nan ngei lai lo,” a ti hna. + 17:20 Hlan caòialtu hna nih cang 21nak hi an chap.\xq \xv 21\xv* Asinain hi bantuk cu thlacamnak le rawlulhnak dah lo cun a cang kho lo.\x*
(Mar 9:30-32; Luk 9:43-45)
22 A hnuzul hna cu Galilee i an hun i pumhkhawmh tikah Jesuh nih, “Mi Fapa cu mi kut ah chanh tuan a si cang lai.
23 An thah lai i ni thumnak ah a tho òhan lai,” a ti hna. Cun an ngaih a chia ngaingai ko.
24 Kapernaum khua an phanh tikah biakinn chiahkhawltu hna cu Peter sinah an ra i, “Nan cawnpiaktu nih hin chiah a pe ve bal lo maw?” tiah an hal.
25 Peter nih, “Pe ve ko e,” a ti. Inn i a va luh ah khan Jesuh nih a hal hmasa, “Simon, zeitindah na ruah? Vawlei siangpahrang hna nih hin aho sin in dah ramnga le ngunkhuai kha an lak tawn? Ram dang sinin maw anmah rammi sinin dah?” tiah a hal.
26 “Ram dangmi sinin,” a ti tikah Jesuh nih, “A si ah mah rammi cu an awl kun tih?” a ti.
27 Sihmanhsehlaw an lung a tling lo sual lai; rili ah va kal law sio va thla, na sio hmasa bikmi nga kha a ka va keu law danari phar hnih na hmuh lai, cucu la law kan pahnih ca in va pe hna,” a ti.