MATTHAI
Òialmi Thawngòha
1
(Luk 3:23-38)
1 Jesuh Khrih cu David hrinthlak a si i Abraham thawk in a chuahkehning cu hitihin a si.
2 Abraham nih Isak a hrin, Isak nih Jakob, Jakob nih Judah le a unau hna,
3 Judah nih Tamar sinah Perez le Zera hna, Perez nih Hezron a hrin, Hezron nih Ram a hrin,
4 Ram nih Amminadab, Amminadab nih Nashon, Nashon nih Salmon,
5 Salmon nih Fahab sinah Boaz, Boaz nih Ruth sinah Obed, Obed nih Jesse,
6 Jesse nih siangpahrang David a hrin.
David nih Uriah nupi sinah Solomon a hrin,
7 Solomon nih Rehoboam, Rehoboam nih Abijah, Abijah nih Asa,
8 Asa nih Jehoshafat, Jehoshafat nih Joram, Joram nih Uzziah,
9 Uzziah nih Ahaz, Ahaz nih Hezekiah,
10 Hezekiah nih Manasseh, Manasseh nih Amon, Amon nih Josiah,
11 Josiah nih Jekoniah le a unau hna, Babilon sal i an kalpi hna caan ah khan a si.
12 Babilon ah sal i an hruai hna hnuah Jekoniah nih Shealtiel a hrin i Shealtiel nih Zerubbabel a hrin,
13 Zerubbabel nih Abiud, Abiud nih Eliakim, Eliakim nih Azor a hrin.
14 Azor nih Zadok a hrin i Zadok nih Akhim, Akhim nih Eli-ud,
15 Eli-ud nih Eleazar, Eleazar nih Matthan, Matthan nih Jakob a hrin,
16 Jakob nih Josef a hrin i Josef cu Mary va a si. Mary nih Messiah timi Jesuh Khrih cu a hrin.
17 Abraham in David tiangah chan hleili a si i David in Babilon sal i kalpi an si tiang zong kha chan hleili a si ve i, Babilon sal i kalpi an si nakin Khrih a chuah tiang zongah chan hleili òhiamòhiam a si.
(Luk 2:1-7)
18 Jesuh chuahning cu hitihin a si. A nu Mary cu Josef he an i ham, asinain an um òi hlanah Thiang Thlarau in fa a pawi kha a puangthang.
19 A hamtu Josef cu thil hman tuah a duh zungzalmi a si i ningzahter kha a duh lo caah a thli tein let a tim.
20 Cu thil a ruah lengmang lioah cun Bawipa vanmi kha mang in a sinah a hung lang i, “David fapa Josef, Mary hi na nupi i òhit awkah lung awòawn in um hlah.
21 Fapa a hrin lai i a min ah Jesuh na sak lai. Zeicahtiah a mi hna kha an sualnak in a khamh hna lai,” tiah a chim.
22 Cu thil vialte a sinak cu Bawipa nih profet ka in,
23 “Ngaknu thiang nih fa a pawi lai i
fapa a hrin lai,
a min ah Emmanuel ti a si lai,”
(A sullam cu Pathian kan sinah a um tinak a si) a timi kha a tlin nakhnga caah a si.
24 Josef cu a hun i hlauh tikah Pathian nih a chimh bang khan Mary cu a òhit,
25 sihmanhsehlaw fapater a hrin hlan paoh cu nu le va an si lo. Fapa a hun hrin i a min ah Jesuh a sak.