MALAKHI
Malachi
1
1 Bawipa nih Malakhia Malakhi sullam cu, “Ka Lamkal” tinak a si. sinin Israel mi sinah a chimmi bia:
Biaknak Lei Òumchuknak
2 “Nannih cu kan dawt hna,” tiah Bawipa nih a ti. Nannih nih nan i thawh i, “Kannih cu na kan dawt maw?” nan ti. Ref 1.2-3: Rom 9.13 Ref 1.2-5: Isa 34.5-17; 63.1-6; Jer 49.7-22; Eze 25.12-14; 35.1-15; Amo 1.11-12; Oba 1-14
3 Esau cu Jakob unau a si lo maw? tiah Bawipa nih a ti. Jakob cu ka dawt, sihmanhsehlaw Esau cu ka huat, a tlang ram hna cu pakpalawng ah ka ser hna i a hringsortu inn cu ramlak cenghngia tlonnak ah ka canter, a ti.
4 Edom nih, “Kannih cu kan rawk cang, a rawkmi kan inn cu sa òhan hna u sih,” tiah a ti tikah, Bawipa bia cu hihi an si: “An sak òhan hna ahcun ka òheh òhan hna lai. Annih cu òhat lonak a tamnak ram, Bawipa nih zungzal in chiat a serhmi miphun,” ti an si lai.
5 Nanmah hrimhrim nih nan mit in nan hmuh lai i nanmah hrimhrim nih, “ Bawipa lianhngannak nih Israel ram leng kha a phanh,” nan ti lai.
Bawipa Nih Tlangbawi A Sik Hna
6 Fa nih a pa kha a upat i sal nih a bawi kha a òih. Pa ka si ahcun khuazei ah dah nan ka upatnak cu a si kun? Bawi ka si ahcun khuazei ah dah nan ka òihnak cu a si kun? Cuticun ralkapbu Bawipa nih ka min zei i a rel lomi nannih tlangbawi cu kan ti hna.
7 Nannih nih nan i thawh i, “Zeitindah na min cu zeirello in kan um?” nan ti. Zeirello i nan um cu ka biakòheng cung i a thurhnawmmi rawl nan ka pekchanh hi a si. Nannih nih nan i thawh i, “Zeitindah kan in thurhnawmh,” nan ti. Nan ka thurhhnawmhnak cu hitihin a si: Nan i thawh i, Bawipa cabuai cu zohhnawmh si ko seh,
8 a mit a cawmi saòil kha kan pekchanh ahcun zeihmanh a poi lai lo, a ke a beimi saòil si hna seh, a zawmi si hna seh, kan pekchanh hna ahcun zeihmanh a poi lai lo tiin nan ruah caah hin nan ka thurhhnawmh cu a si. Cu bantuk laksawng cu uktu bawi kha va pe tuah hna ngat u. An cohlang hna in mithmai òha an pe hna hnga maw, tiah ralkapbu Bawipa nih a chim. Ref 1.8: Deu 15.21
9 Nannih tlangbawi hna mithmai òha kan pe tuah tiah Bawipa cu hal hnek u, nan thlacamnak cu an let hna lai lo; nanmah palh a si ko lai.
10 Nannih pakhatkhat nih innkhar ngan kha pit tein rak khar u law ka biakòheng cungah khan ceu kha lut lo lawlaw in rak um seh law a òha deuh suaumau hnga. Nan cungah lunglawmhnak ka ngei lo, nan sinin pekchanhmi thil zeihmanh ka cohlang lai lo, tiah ralkapbu Bawipa nih a ti.
11 Nichuahlei deng in nitlaklei deng tiang, ka min cu miphun hna sinah a lianngan ko. Khua zakip ah rimhmuimi raithawinak le a thiangmi laksawng kha ka min in mi nih an pekchanh hna i ka min cu miphun hna lakah a lianngan ko, tiah ralkapbu Bawipa nih a ti.
12 Sihmanhsehlaw nannih nih cun Bawipa cabuai cu thurhhnawmh khawh a si ko, kanmah i zei i kan rel lomi rawl cu a cungah hun khawh a si ko, ti i nan ruahnak thawng hin ka min cu nan thurhhnawmh.
13 Nan hnimh i, ‘A kan nor’ nan ti, tiah ralkapbu Bawipa nih a ti. Nannih nih nan pekchanh awk saòil caah khan a ke a bulmi hna, a beimi hna, zawtnak a ngeimi hna, nan rak put i cucu kan cohlang hna hnga maw, tiah Bawipa nih a ti.
14 ‘A tuurun chungah a òhami tuukawng a ngei ko nain a biakam tlinternak caah Bawipa sinah hlennak in do a tla lomi saòil a pechanmi cu a cungah chiat tlung seh! Keimah cu a liannganmi Siangpahrang ka si i ka min cu miphun hna nih an òih, tiah ralkapbu Bawipa nih a ti.