2
(Mat 9:1-8; Luk 5:17-26)
1 Ni tlawmpal hnuah Kapernaum khua i a hung kir òhan ah khan inn a phan ti kha a kenkip ah a thang.
2 Cucaah innchung khat in hmun lawng loin a leng innka hram tiang mi an ra chuak i Pathian bia kha a cawnpiak hna.
3 Mi pali nih mizeng pakhat an rak zawnh.
4 Mi an tam tuk caah a sin an phanhpi kho lo i a umnak zawn inncung kha an bauh i awng an ser khawh hnu khan mizengpa cu a ihphah he an run òhumh.
5 Jesuh nih an zumhnak kha a hmuh tikah mizengpa cu, “Ka fapa, na sualnak cu ngaihthiam a si cang,” a ti.
6 Cuka i a òhu vemi phung cawnpiaktu hna nih an lung chungin,
7 “Zeicahdah hipa hi hitihin bia a chim hnga? Pathian min chiat a si. Pathian dah lo ahodah sual a ngaithiam kho?” tiah khua an ruat.
8 Cuti an ruah kha Jesuh nih a hngalh zau hna i, “Zeicahdah nan lung chungin cuticun nan ruah?
9 Mizengpa sinah hin, ‘Na sualnak ngaihthiam a si cang,’ ti maw a fawi deuh, ‘Tho law na ihphah kha i lak law kal,’ ti dah?
10 Vawlei ah hin Mi Fapa nih sual a ngaihthiam khawh ti nan hngalhnak hnga,” a ti i mizengpa cu,
11 ‘Tho, na ihphah kha i lak law inn ah va òin kan ti,’ a ti.
12 A ihphah cu aa lak i zapi hmuh hngan te ah a tho i a chuak. An dihlak in an khuaruah a har ko, “Hi bantuk hi kan hmu bal hin lo,” tiah Pathian an thangòhat.
(Mat 9:9-13; Luk 5:27-32)
13 Jesuh cu Galilee rili kamah a kal òhan i mizapi nih khan an ra fuh lulhmalh i a cawnpiak hna.
14 A kal pah ah ngunkhuai khawlhnak zung i a òhu komi Alfeas fapa Levi kha a hmuh; “Ra ka zul,” a ti. A tho i a zulh.
15 Cun a inn i rawl a ei lioah khan Jesuh le a hnuzul hna cu ngunkhuai khawltu le misual tampi nih rawl an dumpi; zeitintiah amah a zulmi hna cu an tampi cang.
16 Farasi mi hna lak i phung cawnpiaktu hna nih cun ngunkhuai khawltu le misual hna he rawl an dum òi kha an hmuh tikah a hnuzul hna cu, “Zeicahdah ngunkhuai khawltu le mi sualmi hna he rawl a ei òi,” tiah an ti.
17 Jesuh nih cucu a theih tikah a thawh hna i, “A dammi nih cun sibawi an herh lo, a zawmi hna lawng nih an herh, mi dingmi hna auh awkah ka ra lo, misual hna auh awk tu ah ka ra,” a ti hna.
(Mat 9:14-17; Luk 5:33-39)
18 Johan zultu hna le Farasi hna rawl an ulh lioah mi cheukhat Jesuh sinah an ra i, “Zeicahdah Johan zultu hna le Farasi zultu hna nih rawl an ulh i nang na hnuzul hna nih an ulh ve lo?” tiah an ra hal.
19 Jesuh nih, “Nupi òhitu a um chungah sawmmi hna nih rawl an ul kho hnga maw? Nupi òhitu nih a umpi hna chung paoh ah cun rawl an ul kho lai lo.
20 Nupi òhitu cu an sinin an kalpi caan a phan te lai i cu caan ah cun an ulh ve te ko lai.
21 Ahohmanh nih thilpuan hlun kha tikhattlalo puan thar in an belh bal lo; an belh ahcun an belhnak puan nih khan a thleh chin lai i a tlek a kau chin lai.
22 Saphawcua hlun chungah mitsur hang hrim ahohmanh nih an rawng bal lo; an rawn ahcun saphawcua kha mitsur hang nih a kheh lai i a tle lai i saphawcua zong a rawk lai. Saphawcua thar cu mitsur hang hrim caah ser a si,” a ti hna.
(Mat 12:1-8; Luk 6:1-5)
23 Sabbath ni voi khat cu changvut lo a tan pah i a hnuzul hna nih an kal pah in favui an zun.
24 Farasi hna nih, “Zohhmanh, na hnuzul hna nih sabbath i tuah phung lo zeicahdah an tuah?” an ti.
25 Anih nih, “David nih a hawile he ei awk an ngeih lo i a rawl a òam ah khan a tuahmi kha nan rel bal lo maw?
26 Abiathar kha tlangbawi zik a si lioah Pathian inn ah a lut i pei tlangbawi hna lawng ei phung ‘chunghun’ a ei i a hawile zong a pek ve hna kha,” a ti hna.
27 Cun a thawh hna i, “Sabbath hi minung caah ser a si i minung hi sabbath caah ser a si lo;
28 cucaah Mi Fapa hi sabbath cung hmanh ah bawi a si,” a ti.