2
Misifak Hremtu Hna
1 An ihkhun cungin òhat lonak le
sualnak khua a ruat i
An ruahmi cu kan tuah khawh sawk
tiin tuah awkah deika tein
a thomi hna cungah cun
ningzahnak tlung ko seh!
2 Lo kha an mit a thit ahcun an lak ko,
inn kha an duh ahcun an tlaih ko;
Mi kha an inn le an thilri an chuh
3 Cucaah Bawipa bia cu hi bangin a si:
Hi mi hna cungah hin rawhralnak
tlunter ka tim lio i ahohmanh
an luat kho lai lo.
I uangthlar ngaiin nan i chawk
thluaimai kho ti lai lo,
Zeicahtiah cu caan cu an caah
4 Cu ni a phak tikah nan konglam hi
mi nih rawhralnak tahchunhnak ah
an hman lai i hi ngaihchiatnak
hla hi an sak lai i
Kan rawk cikcek cang!
Bawipa nih kan ram cu a lak cang.
Sal i a kan tlaitu kha a pek cang hna,
an ti lai.
5 Cucaah ram cu Bawipa mi hna nih
an i cheuh òhan tikah nannih cu
covo zeihmanh nan ngei lai lo.
6 Mizapi nih an i thawh i, “Phung
kan chim len hlah;
cu bantuk kong hoi hna cu
kan chim len hlah.
Pathian nih cun ningzahnak ah
a kan phakter lai lo.
7 Israel mi hi chiatserhnak toiah
maw an um?
Bawipa hi a thinhun aa sum kho
ti lo maw?
Cu bantuk thil cu a tuah taktak
ko hnga maw?
Ding tein thil a tuahmi hna
sinah cun nem tein
bia a chim lo maw?” an ti.
8 Bawipa nih a leh hna i,
“Sihmanhsehlaw nannih cu
ka mi hna ral nan si.
Dai tein a ummi hna cu an angki
leng kha an keng cungin
nan firpiak hna i,
Raltuknak in a ra kirmi ralkap hna
kha an lung nan donghter hna.
9 Ka mi hna nu hna cu an duh vemi
an inn khan nan dawi hna i
An fale hna cu ka thluachuahnak
kha nan lakkanh hna.
10 Tho u law kal u, hihi dinhnak
hmun a si lo.
Sualnak ruangah òih a nungmi
rawhralnak he nan i tong lai.
11 “A kenkip ah aa chawk i a lih le
a hrokhrawl in,
‘Nan caah mitsur hang le zu cu
a luan in an luang ko lai,’ tiah
profet biachim in a chimmipa cu
mi nih an duhmi profet cu a si.
12 “Sihmanhsehlaw nannih Israel mi
a tangmi vialte cu hmunkhat ah
kan pumh hna lai.
Tuukawm kawm khat chung i a ummi
bantuk le tlonnak pakhat chung i
a tlongmi tuu bantukin hmunkhat
ah kan pumh hna lai i,
Nan ram ah cun mi tampi
thawngpang a leng lai,” a ti.
13 Pathian nih lam kha a hunpiak hna lai i a hruai hna lai. Khua kulhnak kutka khan an chuak lai i luat tein an kal lai. An siangpahrang, Bawipa hrimhrim nih cun a hruai hna lai.