1 Mah hihi phungbuar thawinak phungbia a si. A thiang bik a si ve. 2 Khangh thawinak an thahnak hmun ah khan phungbuar thawinak cu an thah lai i a thisen cu biakòheng a velchum ah khan an theh lai. 3 A thau cu a dihlak in pekchanh a si lai, a thaumi a mei, a chungril, a khuhtu thau, 4 a kal pahnih a tai zawn ah a ummi thau he, cun a kal he a lak chihmi a thin tuamtu 5 mah hna hi tlangbawi nih Bawipa sin i mei in thawinak ah biakòheng cungah a khangh hna lai; cucu phungbuar thawinak a si. 6 Tlangbawi hna lak i pa paoh nih cun mah cucu an ei lai; hmun thiang pakhat ah ei a si lai; mah cucu a thiang bik a si ve. 7 Phungbuar thawinak cu sual thawinak bantuk a si, an pahnih caah phunglam pakhat a si; sa cu remnak a sertu tlangbawi ta a si lai. 8 Cun mi zei khangh thawinak hmanh a thawipiaktu tlangbawi nih cun, an pekchanhmi khangh thawinak phaw cu a co lai. 9 Cun changvut thawinak kip cu, reunak um chung i reumi siseh, um chung i reumi siseh, uhkang chung i reumi siseh, a pechantu tlangbawi ta a si lai. 10 Cun changvut thawinak kip cu, chiti he cawh in siseh, a ro in siseh Aaron fapa vialte hna nih aa tluk cio in an co lai.

11 Cun mah hihi mi nih Bawipa sinah an pek awk daihnak thawinak pekchanhnak phunglam cu a si. 12 Lawmhnak ca i pek a si ahcun, lawmh thawinak he cun thilnu telh lo changreu chiti he cawhmi, thilnu telh lo chang per tete chiti thuhmi le, chiti he òha tein cawhmi changvut dip cu a pekchanh chih lai. 13 Lawmhnak ca i daihnak thawinak a pekchanhmi ah cun, thilnu telhmi changreu zong a rak put chih lai. 14 Cun mah cu chung cun thawinak kip chungin changreu pakhat a thawi lai, Bawipa sin i thawinak caah; mah cucu daihnak thawinak hna thisen a thehtu tlangbawi ta kha a si lai. 15 Cun lawmhnak ca i daihnak thawinak pekchanhmi sa cu thawinak a tuah ni ah cun ei a si lai; a thaizing tiangin zeihmanh a taanter lai lo.

16 Sihmanhsehlaw a pekchanhmi thawinak cu biakam thawinak siseh, mah lungtho tein thawinak siseh a si ahcun, thawinak a tuah ni ah ei a si lai i a tangmi cu a thaizing zongah ei a si lai, 17 sihmanhsehlaw a kiptuh tiang thawinak sa a tangmi cu mei in khangh a si lai. 18 A daihnak thawinak pekchanhmi sa cu a ni thumnak ni i ei a si ahcun, a pechantu cu cohlan a si lai lo, a pechantu zong cu pekchanh ah relpiak a si lai lo; thil fihnung a si lai i a eitu nih a òhat lonak cu a in lai.

19 A thiang lomi thil zeihmanh a tawngtu sa cu ei a si lai lo; mei in khangh a si lai. Sa cu a thiangmi vialte hna nih an ei lai, 20 sihmanhsehlaw thian lonak a cung i a um lioah Bawipa daihnak thawinak pekchanhmi sa a eimi cu, cu mi cu a miphun sinin hlawt a si lai. 21 Cun ahohmanh nih thil thianglo, minung thian lonak siseh, saram thianglo siseh, a thiang lomi thil fihnung zeipaoh siseh, a tawngh i Bawipa daihnak thawinak pekchanhmi sa a ei ahcun cu mi cu a miphun sinin hlawt a si lai.

22  Bawipa nih Moses sinah 23 Israel mi hna sinah va chim tuah: cawtum siseh, tuu siseh, meheh siseh, a thau nan ei lai lo. 24 Amah tein a thimi saram siseh, sa nih a sehmi siseh, a thau nan ei hrimhrim lai lo, sihmanhsehlaw zeidang caah cun nan hman khawh lai. 25 Zeitintiah Bawipa sinah mei in pekmi thawinak sa a thau a eimi kip cu a miphun sinin hlawt a si lai. 26 Cu hlei ah zei thi paoh, va thi siseh, saram thi siseh, khuazei nan umnak hmanh ah nan ei lai lo. Ref 7.26-27: Gen 9.4; Lev 17.10-14, 19.26; Deu 12.16-23, 15.23 27 Thi zei hmanh a eimi cu a miphun sinin hlawt a si lai, a ti.

28  Bawipa nih Moses sinah hitin a ti. 29 Israel mi hna sinah hi bangin va chim tuah, Bawipa sinah pekchanhmi daihnak thawinak a pechanhmi nih Bawipa sinah a rak put lai; a daihnak thawinak hna a pekchanhmi chung cun Bawipa sin i mei in thawinak ding hna cu 30 amah kut hrimhrim in a rak put lai; Bawipa hmaiah a ii cu hninh thawinak caah a hninh khawh nakhnga, a thau cu a ii he a rak put lai. 31 Tlangbawi nih a thau cu biakòheng cungah a khangh lai, sihmanhsehlaw a ii cu Aaron le a fapa hna caah a si lai. 32 Cun na daihnak thawinak hna pekchanhmi chungin thawinak caah a orhlei phei cu tlangbawi cu na pek lai; 33 Aaron fapa hna lakah daihnak thawinak hna thi le thau a thawitu nih a orhlei phei cu a co lai. 34 Zeitintiah Israel mi hna nih an pekchanhmi daihnak thawinak chungin tlangbawi Aaron le a fapa hna cu hninhmi ii le thawimi phei cu ka pek cang hna; mah cucu Israel mi sinin a zungzal in an hmuh awk a si. 35  Bawipa sin i mei in thawinak hna chungin Aaron le a fapa hna nih an covo cu a si; mah cucu Bawipa tlangbawi rianòuan awk ca i pek an si ni ah an sinah thianter a si; 36 chiti thuh an si ni ah Israel mi nih mah hihi an pek hna awk cu Bawipa nawlpekmi a si; an tefa chin tiangin a zungzal in an hmuh awk cu a si.

37 Mah hihi khangh thawinak, changvut thawinak, sual thawinak, phungbuar thawinak, thianternak le daihnak thawinak hna phunglam cu a si. 38 Israel mi kha Bawipa sinah nan thawinak kha rak pu tuah hna u tiah Sinai ramlak i nawl a pek hna ni i Bawipa nih Moses kha Sinai Tlang i nawl a pekmi cu a si.