11
A Thiang le A Thianglo Saram
(Deu 14.3-21)
1 Cun Bawipa nih Moses le Aaron sinah
2 Israel mi hna sinah va chim tuah u, vawlei cung i a ummi saram vialte lakah mah hna hi a nungmi thil nan ei awk cu an si lai.
3 Saram lakah a tin a òe i aa òhen i rawlret a khaimi cu nan ei lai.
4 Asinain rawlret khaimi lakah siseh, tin òemi lakah siseh, mah hna hi cu nan ei lai lo: kalauk, rawlret cu a khai nain a tin a òet lo caah nannih caah a thianglo a si.
5 Cun vawrvok, rawlret a khai nain a tin a òet lo caah nannih caah a thianglo a si.
6 Cun saveh, rawlret a khai nain a tin a òet lo caah a thianglo a si.
7 Cun vok, a tin a òe i aa òhen ko nain rawlret a khai lo caah, nan caah a thianglo a si.
8 An sa nan ei lai lo i an ruak nan tawng lai lo; nan caah a thianglo an si.
9 Ti chung i a ummi thil vialte lakah mah hna hi nan ei lai. Rili chungah siseh, tiva chungah siseh, ti chung i a ummi, òeh le phokphawher a ngeimi thil paohpaoh cu nan ei hna lai.
10 Sihmanhsehlaw rili chungah siseh, tiva chungah siseh, a ummi, òeh le phokphawher a ngei lomi, ti chungah a lawn in a lawnmi thil le ti chung i a nungmi thil hna cu, nannih caah fihnung an si.
11 Nannih caah fihnung an si zungzal lai; an sa nan ei lai lo i an ruak cu fihnung ah nan rel hna lai.
12 Ti chungah a ummi thil zeipaoh òeh le phokphawher a ngei lomi cu nan caah fihnung a si.
13 Cun, va hna lakah mah hna hi fihnung ah nan rel awk an si lai, nan ei hna lai lo, fihnung an si: muvanlai, tettet, mu-ar-cawi,
14 kaite, muchia phun kip,
15 langak phun kip,
16 ostrik, thlanghnap, rili-va mupi phun kip,
17 chimbu, tingala, tivapual,
18 ti-ar, pelikan, langta,
19 tivakok, ram varang phun kip, chuangtuar, le palak.
20 Buòit-khaubok thla a ngei i ke pali in a kalmi vialte cu nan caah fihnung an si.
21 Sihmanhsehlaw thla ngeimi buòit-khaubok ke pali in a kalmi lakah a keòeng cung i vawlei i pernak ca i ke a ngeimi cu nan ei lai.
22 Cu hna chungah cun, khauzik phun kip, khuangbai phun kip, buòit phun kip, le khaubok phun kip cu nan ei khawh hna lai.
23 Sihmanhsehlaw thla ngeimi buòit-khaubok ke pali a ngeimi vialte cu nannih caah fihnung an si.
24 Cun mah thil hna thawng hin thianglo nan cang lai; an ruak a tawngtu paoh cu zanlei tiang an thur lai i
25 an ruak in zeipaoh a latu nih a thilpuan a suk lai i zanlei tiang thianglo a si lai.
26 A tin a òe nain a tin aa òhen lomi saram siseh, rawlret a khai lomi saram siseh, nannih caah a thianglo a si; a tawngmi hna paoh cu thianglo an si lai.
27 Ke pali in a kalmi saram hna lakah a kebor in a kalmi vialte cu nannih caah thianglo an si; an ruak a tawngtu paoh cu zanlei tiang thianglo an si lai i
28 an ruak a phortu nih a thilpuan kha a suk lai i zanlei tiang thianglo a si lai; annih cu nan caah thianglo an si.
29 Cun vawlei ah a lawn in a lawnmi hna lakah mah hna hi nan ca i thianglo an si: zuhri, zu, kinglang ngan phun kip,
30 òekral, tang, kinglang, thetse rawn kinglang le conghrang.
31 A lawnmi thil vialte lakah mah hna hi nan ca i thianglo an si; mah hna hi an thih tikah a tawngtu hna paoh cu zanlei tiang thianglo an si lai.
32 Cun, an thih tikah an tlakhnawhmi thilri paoh cu a thur lai, thing thilri siseh, puan siseh, saphaw siseh, sawngkhoi siseh, hman awk thil a simi paohpaoh; ti chungah ciah a si hrimhrim lai i zanlei tiang thianglo a si lai; cu tikah a thiang lai.
33 Cun annih lak i pakhatkhat cu tlak um a simi paohpaoh cungah a tlak ahcun, a chung i a ummi vialte cu thianglo an si lai i nan khuai lai.
34 Cu um chung i ei awk a ummi zei rawl paoh, ti nih a ciahmi paoh cu, thianglo a si lai; cun cu bantuk um paohpaoh chung i din awk thil vialte cu thianglo an si lai.
35 Cun zei thil paoh an ruak pelpawi a zeipaoh nih a tlakmi hna cu thianglo an si lai; changreu rawhnak a si zongah, meiphu a si zongah, khuai cikcek a si lai; thianglo an si i nan caah thianglo an si lai.
36 Sihmanhsehlaw cerhti siseh, tikuang a chung i ti a ummi cu siseh a thiang lai, asinain zeipaoh an ruak a tawngtu paoh cu thianglo an si lai.
37 Cun an ruak zei zawn paoh nih cin awk a simi thlaici zei paoh a nenh ahcun, a thiang ko;
38 sihmanhsehlaw thlaici cu ti in ciah a si i an ruak zei zawn paoh nih a nenh ahcun, nan caah thianglo a si.
39 Cun nan eimi saram zeipaoh a thih ahcun, a ruak a tawngtu paoh cu zanlei tiang thianglo a si lai,
40 cun a ruak a eimi paoh cu a thilpuan a suk hna lai i zanlei tiang thianglo a si lai; a ruak a putu paoh zong nih a thilpuan a suk hna lai i zanlei tiang thianglo a si lai.
41 Vawlei ah a vah in a vak lulhmalhmi thil paoh cu fihnung a si; ei awk a si lai lo.
42 A paw in a lawnmi zeipaoh siseh, ke pali in a kalmi zeipaoh siseh, ke tampi a ngeimi zeipaoh siseh, vawlei ah a vah in a vakmi thil vialte cu nan ei hna lai lo; zeitintiah fihnung an si.
43 A vah in a vakmi thil zeihmanh khan nannih nih fih nan i nunter lai lo; cun cu hna cun a thur zong nan i thurter lai lo, thianglo nan si sual hnga.
44 Zeitintiah keimah cu Bawipa nan Pathian ka si; cu caah i thianter u law, thianghlim u, keimah ka thian caah. Vawlei ah a vah in a vakmi thil zeihmanh in i thurter hlah u. Ref 11.44: Lev 19.2; 1Pet 1.16
45 Zeitintiah keimah cu nan Pathian si awkah, Izipt ram in an chuahpitu hna Bawipa ka si; cucaah nannih cu nan thian awk a si, keimah ka thian caah, tiah a ti.
46 Mah hihi saram le va le ti chung i a cawlcangmi thilnung kip le vawlei i a vakmi thil kip kong i phunglam a si;
47 a thiang le thianglo le a nungmi thil ei awk a si hngami le a nungmi thil ei awk lo a si hngami hna thleidannak caah a si.