2
Bawipa Nih Jerusalem Dan A Tat
1 Bawipa nih a thinhun in Zion fanu cu
muihnak in a khuh ai!
Israel sunparnak cu vancung in
vawlei ah a thlak i
A thinhun ni ah cun Zion cu
a ke chiahnak a si kha
2 Bawipa nih zaangfahnak um loin
Jakob umnak vialte cu a hrawh dih.
A thinhun in Judah fanu ralhau vialte
kha a chimh dih;
Pennak le a bawi hna cu vawlei ah a
òhumh hna i a thurhhnawmhter hna.
3 A thinhun in Israel sunparnak ki cu
a tan i
Ral an rat cuahmah lioah khan
a bawmhnak kut cu a zuhkanh hna;
Jakob chungah cun meizik bangin
a alh i a pawngkam vialte kha
4 Ral bantukin a li kha aa koih;
Ral bantukin a dir i
a rak lawmh tawnmi vialte hna kha
A ban òhawng in a thah hna;
A thinhunnak cu mei bangin
Zion fanu thlam cungah a bungh dih.
5 Bawipa cu ral bantuk ah
a cang cang i
Israel cu a hrawh cang;
An inn sangsang hna cu a hrawh hna i
an ralhruang hna cu a chimh dih hna;
Judah fanu cungah
ngaihchiatnak kha,
6 Mitsur ruang kha a thei lawh a si
bangin a puan biakinn kha a ramh i
pumhnak hmun kha a rawkmi hmun
ah a ser.
Bawipa nih Zion ah cun puai
pumhnak le sabbath hngalhnak
vialte kha a hloh dih;
A thinhunnak a fah caah,
Siangpahrang he tlangbawi he
zei ah rel loin a um hna.
7 Bawipa nih amah biakòheng
lila kha a hlawt i
a hmunthiang kha chiat a serh.
A inn vampang hna cu ral kut
chungah khan a pek hna;
Bawipa innchung hrimhrim ah khan
Puai tuah ni i teinak hawhawt
8 Bawipa nih Zion fanu kulhnak
vampang hna cu hrawh awkin
a ruah hrimhrimmi a si;
A hri in an hmetngan kha a tah hna i
hrawh awkah khan a kut aa sum lo;
Ralhruang chuntlung le vampang hna
kha a òahter hna i
An pahnih in hnabeidong in an ril ko.
9 A kutka hna cu vawlei
chungah an pil,
Kutka hrolh hna cu a den hna i
a tan dih hna;
A siangpahrang le a uktu bawi hna cu
Jentail mi sinah an um i
phung cu a um ti lo;
A profet hna zong nih Bawipa sinin
10 Zion fanu upa hna cu vawlei ah
an òhu i an hrum;
An lu cungah leidip an i phulh i
buri kha an i aih;
Jerusalem ngaknu thiang hna nih
Vawlei ah an lu kha an khun.
11 Ka òahnak ah ka mit a phing dih i
ka chung a vang;
Ka lung cu ngaihchiatnak in
vawlei ah bungh a si,
zeicahtiah khualak lam ah khan
ngakchia le bawhte hna cu an ba i
12 ‘Khuazei ah dah rawl le mitsur hang
kan hmuh khawh lai?’ tiah an au §
khuachung lam ah cun hliammi hna
bantukin an ba,
an nule òang chungah cun
ha lengmang in an thaw an chuah.
13 Maw Jerusalem fanu, na caah
zeidah ka chim khawh lai i
Zei he dah kaan tahchunh khawh lai?
Nangmah hnemh awk caah zei he dah
kan tahòhimh khawh lai
Maw Zion fanu thiang?
Zeicahtiah na hma cu rili ngaw
a ti i aho nih dah aan damter
14 Na profet nih an in hmuhpiakmi
langhnak cu
Ahmaan lomi le phuahchommi
lawnglawng an si;
Na sualnak kha i hngal lakin
an in chim lo i
Cucaah cun na cung i a tlung dingmi
dantatnak nih an hrial kho lo.
Annih nih an in hmuhpiakmi
langhnak cu hlennak an si,
15 A kalmi paoh nih khan an kut
an in benghhnawh i
An in cekcekhnawh i an lu
an in thinhnawh,
Maw Jerusalem fanu;
“Hi khua hi maw, dawhnak ah
a tlingmi vawlei cung dihlak
lawmhnak, rak timi cu
16 Na ral vialte hna nih khan
an in nihsawh:
An in cekcekhnawh i an hacang
an in rial hnawh i,
Aa, hika hi kan phan cang,
Hi ni hi pei kan rak ngan lengmangmi
kha a si cu;
Kan hmuh taktak cang hi ta,’ an ti.
17 Bawipa nih aa timhmi cu
a tuah cang,
a hronak hna cu a tlinter cang;
hlan liopi in a ruah cang bantukin
zaangfahnak um loin aan hrawh i
na ral cu na cungah a lawmhter hna i
nangmah an dohtu cu
18 Bawipa sinah cun
lungriam tein òap tuah,
Maw Zion fanu vampang;
na mitthli cu a chun a zan in
tla thluahmah ko seh.
Caan tlawmte hmanh i din hlah.
Na mitthli zong hul hrim hlah seh.
19 Zan ah tho law fak piin au tuah;
Zan ven thawknak kip ah
Bawipa hmaiah cun na lung cu
ti bangin bung ko.
Lam kilkawi kip ah
rawlòam in a ummi
na fale hna nunnak caah a sinah
20 Bawipa, run zoh law run hmu tuah;
Hi bantukin na hremmi hi
ahodah a si?
Nu nih an paw theitlai,
Him tein an hrinmi cu
an ei ko hna lai maw?
Tlangbawi le profet hna cu
Bawipa hmunthiang chungah
thah an si ko lai maw?
21 Khuachung lam ah khin mino he
micang he an ril liangluang ko.
Ka ngaknu thiang hna le ka tlangval
hna cu vainam le rai in an tlu cang;
Nangmah nih na thinhun ni ah
na thah hna i zaangfahnak
um loin na thah hna.
22 Keimah doh awkah ka ral hna cu,
puai tuah awkah aa pummi
bantukin,
a kenkip in na auh hna;
Bawipa thinhun ni ah cun pakhat
hmanh an luat lo;
pakhat hmanh an nung lo.
Him tein ka hrinmi hna le
ka cawmmi kha an dihlak in
ka ral nih an hrawh hna.