9
(Mat 10:5; Mar 6:7-13)
1 Hleihnih hna cu hmunkhat ah a auh hna i khuachia vialte òhawl khawhnak le zawt damter khawhnak huham le nawlngeihnak a pek hna.
2 Pathian pennak Thawngòha chim awk le zawtnak damter awkin a thlah hna.
3 “Nan khualtlawnnak ah zeihmanh i ken hlah u, òhiangòhunh siseh, zal siseh, rawl siseh, ngun siseh, angki khethuan siseh i ken hlah u.
4 Nan luhnak inn paoh ah nan kir òhan hlantiang va tlung ko u.
5 Tlun inn an onh lomi hna khua cu nan chuah lai ah an ca i biatheitu si dingin nan ke i leidip kha va khawng ta u,” a ti hna.
6 An i thawh i khua zakip an tlawng, Thawngòha an chim i mi kip an damter hna.
(Mat 14:1-12; Mar 6:14-29)
7 Herod siangpahrang nih an tuahmi vialte cu a theih tikah a lung aa tuai, zeitintiah acheu nih Baptisma petu Johan kha a nung òhan an ti.
8 Midang nih, Elijah kha a hung lang, an ti; midang acheu ve nih, hlanlio profet pakhat a tho òhan, an ti.
9 Herod nih a thawh i, “Johan cu a lu ka tan òung, thawng ka theihmi hi ahodah a si kun?” a ti i hmuh aa zuam.
(Mat 14:13-21; Mar 6:36-44; Jhn 6:1-14)
10 Lamkal hna cu an ra tlung i an tuahmi vialte kha an chimh dih. Aa kalpi hna i Bethsaida timi khua ah khan an vung.
11 Sihmanhsehlaw zapi nih an theih tikah an vun zulh. A rak lawmh hna i Pathian pennak kha a chimh hna i dam a herhmi vialte kha a damter hna.
12 Ni a liam zuahmah ah khin hleihnih hna kha an ra i, “Mizapi hna hi pawngkam khua le lo ah ei awk va caw ding le riahnak kawl awkin kalter hna, kan umnak hi ramlak hmun kenfiak a si,” an ti.
13 Asinain a rak thawh hna i, “Nanmah nih ei awk pe hna u,” a ti. Annih nih, “Changreu hlum nga le nga fang hnih hlei ah zeihmanh kan ngei lo dahkaw, hi mi vialte ei awk hi kan va cawk ko dah ti lo ahcun,” an ti.
14 Zeitintiah upa lawngte thong nga an si. A hnuzul hna cu Jesuh nih, “A phuphu in sawm nga duahmah in òhutter hna u,” a ti hna.
15 A chim bantuk cun an òhutter hna.
16 Chang hlum nga le nga fang hnih cu aa lak i van lei zoh in thluachuahnak a hal, a cheu i zapi hunh awkah a hnuzultu kha a pek hna.
17 An dihlak in an ei i an khim dih; an ei hlei cu an khawmh tikah sei hleihnih khat a si.
(Mat 16:13-19; Mar 8:27-29)
18 Voi khat cu amah lawng in thla a cam lioah a hnuzul hna zong an um ve caah an sinah, “Mi nih aho a si an ka ti dah?” tiah a hal hna.
19 “Baptisma petu Johan an titu an um, a dang nih Elijah an in ti i acheu a dang nih ‘hlanlio profet pakhat a tho òhanmi a si,’ an in ti,” tiah an leh.
20 “A si ahcun nannih nih aho a si nan ka ti dah?” a ti hna. Peter nih aa thawh i, “Pathian Khrih cu na si,” a ti.
(Mat 14:20-28; Mar 8:30, 9:1)
21 Cucu ahohmanh chimh lo dingin bia a beoh hna i,
22 “Mi Fapa cu temhinnak tampi a huah lai i khua upa hna le tlangbawi upa hna le phung cawnpiaktu hna nih an hnon lai, an thah lai i a ni thumnak ah thawhter a si lai,” a ti hna.
23 An dihlak sinah hitihin a ti. “Ahopaoh zulh a ka duhmi cu amah duhnak kha hlaw seh law nifatin a vailam put in ka zul seh.
24 Mah nunnak humhak a duhmi cu a nunnak a sung lai i keimah ruangah a nunnak a sungmi paoh nih a hmuh lai.
25 Vawlei pumpi a co òung i amah le amah kha aa hloh i aa thlau òung ahcun zeidah a òhahnem.
26 Ka bia le keimah a ka zahpimi paoh cu Mi Fapa zong nih a sunparnak le a Pa le a vanmi thiang hna sunparnak he a rat tikah a zahpi ve hna lai.
27 Biangaite kan chimh hna, hika i a dir komi hna lakah hin Pathian pennak a rat tikah a thi lo ding an um,” a ti hna.
(Mat 17:1-8; Mar 9:2-8)
28 Hi bia a chim hna hnu ni riat tluk ah khan Peter, Jeim le Johan kha thlacam awkah tlang ah aa kaipi hna.
29 Thla a cam lioah cun a mui aa thleng i a hnipuan cu rang cur in a tleu.
30 Zohhmanh u, mi pahnih nih bia an run ruah i cu hna cu Moses le Elijah an si;
31 sunparnak he an rung lang i Jerusalem ah a thihnak ding kong an run chimh.
32 Peter le a hawile hna cu an mitkuh nih a nam hna i an ngu, an hung hrio tikah a sunparnak le a pawng i a hawile pahnih cu an hmuh hna.
33 Cu hna nih cun kaltak an timh lioah khan Peter nih a thawh i, “Bawipa, hika i kan um hi a òha; thlam pathum in sa u sih, nangmah caah pakhat, Moses caah pakhat, Elijah caah pakhat,” a ti; zei ka chim rua ti aa hngal lo.
34 A chim cuahmah ko lioah cun minmei a hung zam i a zelh hna, cun an òih ngaingai. Minmei chung cun aw a hung thang i,
35 “Hihi ka Fapa, ka Thimmi cu a si, a bia ngai u,” a ti.
36 Aw an theih hnu cun Jesuh cu amah lawngte a si kha an hmuh. An hmuhmi kha an daihpi dep ko i ahohmanh kha caan ah khan zeihmanh an chim hna lo.
(Mat 17:14-18; Mar 9:14-27)
37 A thaituan ah tlang in an rung òum tikah cun mi tampi nih an rak don.
38 Zohhmanh u, zapi lakin mi pakhat a au i, “Bawipa, ka fapa rak ka zohpiak ko, tiah kan nawl; ka fa ngeihchunte a si,
39 khuachia nih a tuah tawn i hlauhsaphak in a ai, a hnuhdawh, a buanbara a tawh i thihnang in a tuah, a thlah in a thlah lo.
40 Na hnuzul hna kha a òhawl ka fial hna nain an òhawl kho lo,” a ti.
41 Jesuh nih a thawh hna i, “Maw atu chanmi zumhnak tlawm le mi lungkhawng hna, zei can dah nan sinah ka um lai i kan in ko rih hna lai, na fapa cu ratpi tuah,” a ti.
42 A ratpi lioah cun khuachia nih cun vawlei ah a thluk i a hnuhdawh. Jesuh nih thlarau thur cu a hro i ngakchiapa cu a dam i a pa sinah cun a chanh.
43 Mi vialte nih Pathian huham an hmuh tikah an khuaruah a har ko.
(Mat 17:22-23; Mar 9:30-32)
A thil tuahmi kong ah mi vialte an khuaruah a har tuk lioah khan a hnuzul hna sinah,
44 “Hi bia hi nan lung ah riak ko seh, zeitintiah Mi Fapa cu mi kut ah chanh a si lai,” a ti hna.
45 Sihmanhsehlaw a chimmi kha an theithiam lo. An hngalh khawh lo nakhnga an sinin thuh a si; a chimmi kong cu a hal zong an hal ngam fawn lo.
(Mat 18:1-5; Mar 9:33-37)
46 An lakah ahodah a ngan bik hnga ti i alnak a chuak.
47 Jesuh nih an lung ruahmi cu a hngalh caah ngakchiate kha a lak i a pawngah a dirter.
48 “Ka min in hi ngakchia a cohlangmi paoh cu keimah a ka cohlan a si; keimah a ka cohlangmi paoh nih a ka thlahtu a cohlan a si; zeitintiah nan lak i a tenau bikmi hi a ngan bik a si,” a ti hna.
(Mar 9:38-40)
49 Johan nih hitihin a leh, “Bawipa, na min in khuachia a òhawlmi pakhat kan hmuh i kan thlauh, zeicahtiah a kan zulmi a si lo,” a ti.
50 Jesuh nih, “Va thlauh hlah u, zeitintiah an ralchan lomi hna paoh cu nanmah lei òang an si,” a ti hna.
51 Cunglei ah kaipi caan a hung nai cuahmah cun Jerusalem lei kal awk kha aa tim peng. Lamkal a thlah hmasa hna,
52 an kal i zeizong vialte rak timhpiak chung awkah Samaria mi hna khua ah an va lut;
53 sihmanhsehlaw Jerusalem i kal aa timh caah an rak cohlang lo.
54 Cucu a hnuzul Jeim le Johan nih an hmuh tikah, “Bawipa, hi hna hi khangh dih awkin van in mei tlakter awkah fial na kan duh maw?” an ti.
55 Aa mer i a sik hna.
56 Cun khua dang ah an lan.
(Mat 8:19-22)
57 Lam i an kal lioah mi pakhat nih “Na kalnak paoh ah kan zul lai,” a rak ti.
58 Jesuh nih, “Cenghngia nih kua an ngeih i van i va hna zong nih bu an ngei; sihmanhsehlaw Mi Fapa cu lu chiahnak hmanh a ngei lo,” tiah a ti.
59 Midang pakhat sin tu ah cun, “Ra ka zul,” a ti. Anih nih cun, “Bawipa, ka pa va vui ta rih ning,” a ti.
60 Jesuh nih a thawh i, “Mithi nih anmah mithi cu vui ko hna seh, nang tu cu Pathian pennak kong hi va thanh deuh,” a ti.
61 Midang pakhat nih a thawh ve i, “Bawipa, kan zul ve lai, asinain, ka chung le ka va chawn ta hna lai,” a ti.
62 Jesuh nih, “Leithuan aa ot i hnulei ah aa hermi cu ahohmanh Pathian pennak he aa tlak lo,” tiah a leh.