19
1 Jeriko ah cun a lut i khualak in a lan thluahmah.
2 Cuka ah cun mi pakhat Zakia timi a rak um. Ngunkhuai khawltu zik a si i mirum a si.
3 Jesuh cu ahodah a si hnga tiah hmuh aa zuam, zapi lak cun a hmu kho lo, zeitintiah mi niamte a si.
4 Cucaah a kalnak ding leiah cun a tli i theipikung in amah zoh awkah cun a kai.
5 Cuka a va phanh cun Jesuh nih cunglei a hun zoh i, “Zakia, rung òum zokzok, nihin ah na inn ah kan tlung lai,” a ti.
6 Khulrang ngaiin a rung òum i thanuam ngaiin a inn ah cun a tlunter.
7 Cucu an hmuh tikah an dihlak in an zai. ‘Misual inn tlun awkin a lut,” an ti.
8 Zakia cu a dir i Bawipa sinah cun, “Zohhmanh, Bawipa, ka ngeihmi a cheu hi misifak ka pek hna lai i ka hlenmi hna an um ahcun a let li in ka cham hna lai,” a ti.
9 Jesuh nih cun, “Nihin ah hin na inn chungah khamhnak a phan cang, hi pa zong hi Abraham fa a si ve ko.
10 Zeitintiah Mi Fapa cu a tlaumi kawl awk le khamh awkah a ra,” a ti.
(Mat 25:14-30)
11 Cu bia cu an ngaih cuahmah buin Jerusalem zong an hei naih lengmang ca le Pathian pennak zong a phan colh cang lai tiah an ruah caah hi bianabia hi a chim.
12 “Bawi pakhat cu siangpahrang sinak va laak i ra kir òhan dingin ram hlapi ah a kal.
13 A miòhi lak i pahra a auh hna i sui tangka phar khat cio a pek hna i, ‘Ka um lo karah chaw rak lehnak u,’ a ti hna.
14 Cuka rammi hna nih cun an huat i ‘Hi pa hi kan siangpahrang si awkah kan duh lo,’ tiah lamkal an thlah hna.
15 Siangpahrang a can hnu in a ra kir i tangka a pekmi miòhi hna nih an chaw lehnak in an miakmi hngalh duh ah a auh hna.
16 A ra hmasa bikmi nih cun, ‘Bawipa, na sui tangka pekmi nih khan phar hra a miak,’ a ti.
17 A thawh i, ‘Miòhi òha, na tuahmi cu a òha, thil tlawmte cungah zumhtlak na si caah khua hra uktu na si lai,’ a ti.
18 Cun a pahnihnak a ra i, ‘Bawipa, na sui tangka na ka pekmi nih khan phar nga a miak,’ a ti.
19 ‘Nang zong khua nga uktu na si lai,’ a ti.
20 A dang pakhat a ra ve i, ‘Bawipa, zohhmanh, hi na sui tangka pekmi kha kuthnawhnak pavuah in ka fun i ka chiah ko,
21 nang cu mikhepkha na si i kan òih, na chiah lomi zong lak na hmang i na tuh lonak zongah zuun na hmang,’ a ti.
22 Hitihin a leh, ‘Sal òha lo, nangmah bia lila in kan hlawt lai, mikhepkha ka si na hngalh, ka chiah lonak ah ka lak i ka tuh lonak ah ka zun kha na hngalh.
23 Cuti a si ah zeicahdah ka tangka cu bank ah na chiah ko lo, ka ra kir òhan tikah a karh he ka hmuh òhan hnga,’ a ti.
24 A pawng i a dir komi hna sinah khan ‘A tangka kha chut u law phar hra a ngeimi kha chap u,’ a ti hna.
25 ‘Bawipa phar hra pei a ngeih cang cu!’ an ti)
26 A thawh hna i, ‘Biangaite kan chimh hna, a ngeimi cu tam deuh pek an si lai i a ngei lomi cu a ngeihchunte hmanh chuh an si lai.
27 Cun keimah uk a duh lomi ka ral hna cu hika ah hin rak hruai hna u law ka hmai ah hin that hna u,’ a ti hna,” a ti.
(Mat 21:1-4; Mar 11:1-11; Jhn 12:12-19)
28 Cu bia a chim dih hnu cun hmai ah a kal i Jerusalem lei ah a hung kal.
29 Oliv tlang timi cung i Bethfeih le Bethani a phanh dengmang tikah a hnuzul pahnih hna kha hmaiah a thlah hna i
30 “Ralchan khua ah khin va kal u law nan va luh ah khan ahohmanh cit bal lomi laafate an hren komi nan hmuh lai, a hri phoih u law hika ah hin rak hruai u.
31 ‘Zeicahdah a hri kha nan phoih,’ an in ti hna ahcun, ‘Bawipa nih a herh,’ nan va ti lai,” a ti hna.
32 An va kal i a chim bantuk te cu an va hmuh.
33 A hri an phoih lioah cun a ngeitu nih an hmuh hna i “Zeicahdah laafate hri kha nan phoih,” an ti hna.
34 “Bawipa nih a herh,” tiah an leh hna.
35 Cun an rak hruai i an puan an danh i Jesuh cu an citter.
36 Cuti aa cit i a kal ah cun lam ah an puan an phah.
37 Jerusalem an hei naih i Oliv tlang liam zuanchuk ah khan a hnu zulmi mirunpi nih thil lianngan an hmuhmi ruangah khan lunglawmhnak aw thang ngaiin an au i Pathian an thangòhat:
38 “Bawipa min in a rami Siangpahrang cu
Thluachuah hmu ko seh!
Van ah remnak leng seh law
Cungnung bik ah sunparnak um ko seh!”
an ti.
39 Zapi lak i Farasi a cheu hna nih, “Bawipa, na hnuzul hna hi si hna,” an ti.
40 Hitihin a leh hna, “Biangaite kan chimh hna, mah hna hi an daih ko ahcun hi lung hmanh hi a au ko hnga pei,” a ti.
41 Khualipi an hei naih chin lengmang i an hei hmuh cun khuapi cu a òah.
42 “Nangmah tal nih hin zei thil nih dah daihnak a chuahter ti hei hngal law mu! Sihmanhsehlaw thuh kanh na si òung.
43 Na ral nih vawlei hruang in an in kulh chih caan a phan te lai i a kam kip in an in chim lai.
44 Na chung i na tefa he vawlei ah an in tengh hna lai, na chungah lung aa tiangmi vialte zong an zuah lai lo. Pathian nih an veh lio zong na hngalh lo caah hi thil vialte hi na cungah a tlung lai,” a ti.
(Mat 21:12-17; Mar 11:15-19; Jhn 2:13-21)
45 Biakinn chungah a vung lut i thil zuarmi kha a òhawl hna i,
46 “ ‘Ka inn cu thlacamnak inn
a si lai,’ tiah aa òial;
Asinain rokhmang kua ah
nan ser,” a ti hna.
47 Cun nifate in biakinn ah cun a cawnpiak hna. Tlangbawi upa hna le phung cawnpiaktu hna le khua upa hna nih hlohhral an timh.
48 Sihmanhsehlaw zeitin tuah khawhnak an hngal lo, zeitintiah mizapi cu a bia ngaih an cim lo.