17
(Mat 18:6-7, 21-22; Mar 9:24)
1 Cun, a hnuzul hna sinah, “Sualter awkah tukforhnak cu a um ko lai, sihmanhsehlaw cu bantuk a umtertu cu bialo a si ko.
2 Hi bantuk tete hna lak i pakhat hmanh sualter nakcun a hngawng ah facang rialnak lungtum thlaih i rili ah thlak hmanh a caah a òha deuh.
3 I ralring ko u. Na unau nih na cungah a sual ahcun va chimhring; a nun a òhinh ahcun va ngaithiam ko.
4 Ni khat ah na cung i voi sarih a sual i voi sarih, ‘Ka nun ka òhinh,’ a ti i nangmah lei a hoih ahcun na ngaihthiam awk a si,” a ti.
5 Lamkal hna nih Bawipa sinah, “Kan zumhnak hi karhter,” an ti.
6 Bawipa nih, “Anòam ci mu khat tluk zumhnak nan ngeih ahcun hi theipi kung hi, ‘I bong law tili chungah vaa phun,’ na ti lai i a ngaih ko lai,” a ti.
7 “Nan miòhi pakhat cu lothlawhnak in siseh, tuukhalhnak in siseh a ra tlun tikah, aho nih dah, ‘Ra zokzok law rawl ra ei,’ nan ti bal?
8 ‘Ka ei awk ser, na thil i hruk law ka khim hlan cu ra ka bultawl, cu hnuah cun na ei ve te lai,’ a ti deuh tawn lo maw?
9 Fialmi paoh a tuah ruangah a miòhi cu aa lawm bal maw?
10 Cu bantukin nannih zong fialmi paoh nan tuah dih tikah ‘Kannih cu santlailo, sal kan si ko, kan òuan hnga lawng kan òuan,’ va ti u,” a ti hna.
11 Jerusalem a kal pah ah Samaria le Galilee karlak in a kal.
12 Khua pakhat a hung luh ah khin mithinghmui pahra nih an rak ton i lam hla nawn ah an dir,
13 an au i, “Jesuh, Bawipa, kan zaangfah ko,” an ti.
14 A hmuh hna tikah, ‘Va kal u law tlangbawi sinah vaa hmuhsak u,’ a ti hna. An kal pah ah khan an thiang.
15 Cun an lak i pakhat nih a thian kha a hngalh tikah a kir òhan i thangpi in Pathian kha a thangòhat.
16 Jesuh kehram ah a bawk i lunglawmhnak a chim. Cu pa cu Samaria mi a si.
17 Cun Jesuh nih, “Pahra an thiang lo maw? Khoika ah dah pakua hna cu an si?
18 Hi ramdangmi ti lo, a dang pakhat hmanh Pathian thangòhat awkah a ra kirmi an um lo maw?” a ti.
19 Cun a sinah, “Tho law va kal ko, na zumhnak nih an damter,” a ti.
(Mat 24:23-28, 37-41)
20 Farasi pa nih ‘Pathian pennak cu zeitik ah dah a rat lai kha a hal caah hitihin a leh: “Pathian pennak cu hmelchunhnak hmuh awk he a ra lai lo;
21 asiloah, ‘Zoh u khih,’ hika ah hin a um, ‘Khika ah khin a um,’ an ti lai lo, zeitintiah zohhmanh u, Pathian pennak cu nan lakah a um ko hih,” a ti hna.
22 Cun a hnuzul hna sinah, “Mi Fapa nun lio caan hna hi ni khatkhat cu nan hmuh duh caan a phan te lai, asinain nan hmu lai lo,
23 Zohhmanh u, ‘Hika ah hin,’ ‘Khika ah khin,’ an in ti te hna lai, sihmanhsehlaw kal duh hlah u, a zulh zong zul fawn hna hlah u.
24 Mi Fapa a rat lai ni cu nimtlau nih vankam khatlei in khatlei deng tiang a cerh zukmak bantuk khi a si te lai.
25 Sihmanhsehlaw a tem ngaingai hmasa lai i hi chan mi hna nih hin an hnon te lai.
26 Noah chan bantuk khan Mi Fapa chan cu a si te lai.
27 Lawng chung i Noah a luh hlan paoh cu an ding an ei, an i òhi an i um, tilian a hung tlung i an dihlak in a hrawh dih hna.
28 Cu bantuk òhiamòhiam cun Lot chan zongah a rak si; an ei an ding, an cawk an zuarh, an phun an sak,
29 sihmanhsehlaw Lot nih Sodom a chuahtak caan khan van in kat le meialh a sur ciammam i a hloh dih hna—
30 cuticun Mi Fapa a langh ni zongah a si te lai.
31 Cu ni ah cun inncung i a ummi nih innchung i a ummi thil lak awkah òum ti hlah seh, lo i a ummi zong inn ah tlung hlah seh.
32 Lot nupi kha ruat hmanh u.
33 A nunnak humhak a duhmi paoh cu a sung lai i a nunnak a sungmi paoh nih a hmuh lai.
34 Biangaite kan chimh hna, cu zan ah cun ihkhun pakhat ah a itmi pahnih lakah pakhat a lak lai i pakhat a nganhtak lai.
35 Sum sumi nu pahnih lakah pakhat cu lak a si lai i pakhat cu nganhtak a si lai.
36 Pa pahnih lo ah a ummi hna cu, pakhat lak a si lai i pakhat cu nganh a si lai,” a ti hna.
37 “Bawipa, khuazei ah?” tiah an hal. “Ruak a umnak paoh ah langta an i pum te lai,” tiah a leh hna.