LUKA
Òialmi Thawngòha
1
Upatmi Theofilas
1 Kan lakah a cangmi thil kong hna, mi tampi nih aa chang tete in òial an rak i zuam tawnmi cu
2 a ter tein mit in a hmumi hna le thawngòha rianòuantu hna nih an chimchung ningin ka dothlat cikcek i
3 aa dot thliahmah in keimah nih in òialpiak ning law a òha lai ka ti.
4 Cuticun an rak in cawnpiak cangmi kong kha a dik ti na hngalh khawh hnga.
5 Judea ram siangpahrang Herod chan lioah khan Abijah bu chungmi Zekhariah timi tlangbawi pakhat a rak um; a nupi cu Aron hrinthlak a si i a min ah Elizabeth ti a si.
6 An pahnih in Pathian mit ah miding an si i Bawipa nawlbia le phung vialte kha soi awk um lo tein a zulmi an si.
7 Sihmanhsehlaw Elizabeth cu a cing i fa an ngei lo, an pahnih in an tar ko cang.
8 Amah phu òuan caan ah khan Zekhariah cu Pathian hmaiah tlangbawi rian a òuan;
9 tlangbawi hna ti tawn ningin biakinn chungah a lut i thawinak rimhmui khangtu dingah camcawhfung a zuh.
10 Rimhmui a khangh lioah cun mizapi cu lengah thla an cam.
11 A sinah Bawipa vanmi a rung lang i rimhmui khanghnak orhlei kamah a dir.
12 Zekhariah nih a hmuh tikah a lau i a òih.
13 Asinain vanmi nih cun, “Zekhariah, òih hlah, na thlacamnak cu theih a si i na nupi Elizabeth nih fapa an hrinpiak lai i a min ah Johan na ti lai.
14 A chuah tikah naa lawm lai i
mi tampi zong an i lawm ve lai.
15 Zeitintiah Bawipa hmuh ah mi ngan a si lai i
mitsurzu le zureu a ding lai lo;
a nu pawchung hmanh in Thiang Thlarau in a khat lai.
16 Israel hrin tampi hna cu
Bawipa an Pathian leiah a kirter hna lai.
17 Elijah thlarau le huham ngei in
Bawipa hmaiah a kal lai.
Pale hna cu fale lei hoih awkah siseh,
michimhngailo hna kha dinnak lungput i pu kho dingin
mi hna cu Bawipa caah a rak timhtuah,” tiah a ti.
18 Zekhariah nih vanmi sinah cun, “Cucu zeitindah ka hngalh khawh lai? Kei hi ka upa ngai cang i ka nupi zong a tar ngai cang fawn,” a ti.
19 Vanmi nih cun hitihin a leh, “Keimah hi Pathian hmai i a dirmi Gabriel ka si i nangmah sin i biachim ding le hi thawngòha hi na sin i phuang dingin thlah ka si.
20 Zohhmanh, a tlung laimi thil ka chimmi na zumh lo caah hi thil hna a tlin hlan paoh cu na holh kho lai lo i bia na chim lai lo,” tiah a ti.
21 Mi zapi nih cun Zekhariah cu an rak hngah òhup ko. Biakinn chung i cu cancan a va um cu an khuaruah a har.
22 A hung chuah ah cun an sinah bia a chim kho lo i biakinn chungah langhnak a hmuh ti an hngalh; an sinah kut zauh in a chawnh hna, a holh kho lo.
23 A òuan caan aa lim cun inn ah a òin.
24 Cu hnu cun a nupi Elizabeth cu pumlawnglo in a hung um i thla nga chung leng chuak loin aa thup.
25 “Mi hmai i ka hmualphonak huhphenh awkah Bawipa nih a ka zaangfah,” a ti.
26 A thla ruknak ah cun Galilee ram Nazareth khua i a ummi
27 ngaknu thiang pakhat, David hrinsor Josef hammi sinah Pathian nih vanmi Gabriel a run thlah; ngaknu thiang a min cu Mary a si.
28 A sinah a ra i, “Na cungah daihnak um ko seh, Duh khunmi nu, Pathian na sinah a um!” a ti.
29 A biachimmi nih cun Mary cu a lung a tuai i a biakchawnhnak zong cu zeidah a si hnga tiah a ruat.
30 Vanmi nih cun, “Mary, òih hlah, Pathian lung na hmuh.
31 Fa na pawi lai i fapa na hrin lai; a min ah Jesuh na ti lai.
32 Amah cu a liannganmi a si lai i
Cung Nung Bik Fapa, an ti lai.
Bawipa Pathian nih a hringtu David siangpahrang
Òhutdan ah a òhutter lai;
33 Jakob tefa hna kha zungzal in a uk hna lai i
a pennak cu dongh ni a ngei lai lo,” a ti.
34 Mary nih vanmi sinah cun,
“Cucu zeitindah a si khawh lai,
pa ka hngalh òung lo,” a ti.
35 Vanmi nih cun hitihin a leh,
“Thiang Thlarau na cungah a rung lai i
Cung Nung Bik huham nih an khuh lai;
cucaah a chuak laimi nau cu Pathian Fapa ti a si lai.
36 Cun, na cingla nu, hringlo an timi Elizabeth zong nih fapa a pawi i atu hi a thla ruknak a si cang,
37 Pathian caah cun a si kho lomi zeihmanh a um lo,” a ti.
38 Mary nih cun, “Kei cu Bawipa salnu ka si ko, na bia bang cun si ko seh,” a ti. Cun vanmi nih cun a kaltak.
39 Cucun Mary cu aa thawh i Judah tlangram khua pakhat ah khulrang in a hung kal.
40 Zekhariah inn a hung phan i Elizabeth cu a va chawnh.
41 Mary chawnh thawng a theih cun Elizabeth paw chung naute cu a cawl i Thiang Thlarau in a khat;
42 fak piin a au i, “Nu vialte lakah thlua a chuakmi nu na si, na paw chung naute zong thlua a chuakmi si ko seh;
43 zeitindah a si ka Bawipa nu lehtuk ka sinah na rat?
44 Na biakchawnhnak aw ka theih cangka ka chung naute zong aa lawm i a cawl dahkaw!
45 Bawipa nih a chimmi a zummi nu cu mithluachuak a si,” a ti.
46 Cun Mary nih,
47 “Ka lungthin nih Bawipa a thangòhat,
Ka Khamhtu ka Bawipa cungah ka thlarau aa lawm;
48 Santlailo a salnu zawn a ruah i
Atu thawk hin chan kip nih thluachuak nu an ka ti lai.
49 A òhawngmi nih ka cungah thil pipa a tuah cang,
A min thiang ko seh.
50 Amah a òihmi hna cu chan khat hnu chan khat in a zaangfah hna.
51 A ban in òhawnnak a langhter i lung chung ruamkaimi hna
khuakhannak cu a òhek dih.
52 Nawlngei hna kha an òhutdan in
a òhumh hna i nauta hna kha a cawihler hna.
53 Rawl òammi kha a thawmi in a cawm hna i
mirum hna cu kutro in a thlah hna.
54 Kan pupa hna sinah a kamh hna bang khan a miòhi Israel bawmh awkah a ra.
55 Abraham le a hrinthlak hna zaangfahnak kha a cinken zungzal,”
tiah a ti.
56 Mary cu thla thum a cam hnuah inn leiah a tlung òhan.
57 Elizabeth cu a nithla a hung tling i fapa a hrin.
58 A innpa le a rualchan hna nih Bawipa i a dawtning kha an theih tikah an lawmhpi.
59 A ni riatnak ni ah cuarpartan awkin an ra i a pa min Zekhariah kha a min ah sak an timh.
60 Sihmanhsehlaw a nu nih, “A si lo, Johan ti awk a si,” a ti hna.
61 An thawh i, “Nan chung khat ah cu min a pumi cu ahohmanh an um òung lo,” an ti.
62 A pa cu kut zauh in, a min ah zeidah sak a duh kha an hal.
63 Ca òialnak a hal hna i, “A min cu Johan a si,” tiah a òial. An dihlak in an khuaruah a har.
64 Cu cangka cun a ka a pau, a lei aa samh i a holh kho i Pathian a thangòhat.
65 An pawngkam mi vialte cu an khuaruah a har. Judea tlangram vialte ah cun cu kong cu an ceih dih.
66 A theimi paoh an lung a suk hna i, “Zei bantuk fa dah a si te lai?” an ti cio. Zeitintiah Bawipa kut cu a cungah a um.
67 A pa Zekhariah cu Thiang Thlarau in a khat i hitihin a ti:
68 “Israel hna Pathian Bawipa cu thangòhat si ko seh.
A mi hna cu a rak veh hna i a tlanh cang hna.
69 A miòhi David hrinsor in
Khamhtu Lian Ngan a kan tunpiak òhan cang.
70 Vawlei hramthawk in
a thiangmi profet kaa in a chim cang bang khan,
71 kan ral le a kan huatu hna in a kan humzual.
72 Kan pupa hna cungah a zaangfahnak biakam a langhter i
a biahren thiang cu a cinken.
73 Kan pu Abraham sinah pek awkah
chiatserh in bia a kan kamhmi cu
74 kan ral kut in humzualmi kannih nih òihphannak um loin
a rian kan òuan i
75 kan nun chung vialte thiannak le dinnak in
kan um nakhnga kha a si.
76 Ka fa, nang cu Cung Nung Bik profet ti na si lai,
Bawipa lam sial awkah na kal hmasa lai.
77 An sualnak thlah in a mi hna khamhnak kha a hngalhter awkah
78 an Pathian zaangfahnak nih cunglei khuaceu in a kan ceuh lai.
79 Muihnak le thihnak thladem ah a ummi a ceuh hna lai i
daihnak ah kan ke hlaan awkin a kan hruai lai,” a ti.
80 Naute cu a hung òhang i thlarau zongin a òhawng chinchin; Israel mi hna sinah a langh hlan paoh cu ramcar ah a um.