SIANGPAHRANG
PAHNIHNAK
Kings
1. BC kum zabu 9 a lai hrawng in Samaria a rawh tiang le BC 722 i Chaklei Pennak a dongh tiang.
2. Israel Pennak a rawh in Babilon siangpahrang Nebukhadnezzar nih BC 586 ah Jerusalem khua a hrawh tiang.
Siangpahrang Pahnihnak hi Babilon cozah nih Gedaliah kha Judah ram mangki ah an chiah i Judah siangpahrang Jehoiachin kha Babilon ram chung i thong ah an chiahnak in an chuahnak tiang a si.
Hi bantukin an miphun cungah rawhralnak a tlun cu Israel mi le Judah mi hna le an siangpahrang hna kha Pathian sinah zumhawktlak loin an um caah a si. Jerusalem a rawh le Judah mi sal ah ramdang ah an kalpi hna hi Israel miphun tuanbia ah hin biapi ngaingai a simi thil pakhat a si.
Siangpahrang Pahnihnak cauk chungah hin minthang profet cu Elijah a hun changtu Elisha kha a si.
1
Siangpahrang Ahaziah le Elijah
1 Ahab thih hnuah Moab nih Israel kha a doh.
2 Ahaziah cu Samaria khua i a innkhaan cung nung i thing kharvar thlalangawng khan a tla i a kuah ko; cucaah lamkal kha a thlah hna i, “Va kal u law, Ekron khua pathian Baal-zebub kha, hi zawtnak hin ka dam òhan lai maw dam òhan lo, va hal tuah u,” tiah a chimh hna.
3 Sihmanhsehlaw Tishbe mi Elijah cu Bawipa vancungmi nih a thawh i, “Tho law, Samaria siangpahrang lamkaltu hna ton awkah hung kal tuah, annih cu, ‘Israel ram chungah Pathian a um lo caah maw nannih Ekron khua pathian Baal-zebub cu hal awkah nan kal?’ tiah hung ti hna.
4 Cucaah Bawipa nih hi bangin, ‘Na hung kainak ihkhun khan na òum òhan lai lo, na thi hrimhrim lai,’ a ti,” tiah a ti. Cucaah Elijah cu a kal.
5 Lamkal hna cu siangpahrang sinah an kir òhan i anih nih annih cu, “Zeicahdah nan kir?” tiah a ti hna.
6 Cun annih nih amah cu, “Kannih ton awkah khan mipa pakhat a ra i kannih cu a kan thawh i, ‘An thlahtu hna siangpahrang sinah khan va kir u law amah cu, ‘Hi bangin Bawipa nih a ti, Israel ram chungah Pathian a um lo caah maw Ekron khua pathian Baal-zebub kha va hal awkah mi na thlah hna? Cucaah na hung kainak ihkhun khan na òum ti lai lo, sihmanhsehlaw na thi hrimhrim lai,’ a ti tiah va chim u a kan ti,” tiah an ti.
7 Annih cu a thawh hna i, “Nannih ton awkah a ra i hi thil an chimtu hna cu zei bantuk mi dah a si?” a ti.
8 Annih nih an leh i, “Sahmul puan aa aih i a tai ah saphaw taisawm aa sawmh,” tiah an ti. Cun anih nih, “Tishbe mi Elijah kha a si cu ta,” tiah a ti. Ref 1.8: Mat 3.4; Mar 1.6
9 Khi tikah siangpahrang nih ralkap 50 haotu kha a mi 50 he cun a thlah. Tlangpar i a òhu komi Elijah sinah cun a hung kal i, “Maw Pathian mi, siangpahrang nih, ‘Rung òum seh,’ an ti,” tiah a ti.
10 Sihmanhsehlaw 50 haotu cu Elijah nih a leh i, “Keimah cu Pathian mi ka si a si ahcun, vancung khin mei rung tla seh law nangmah le na 50 kha in kangh dih hna seh,” tiah a ti. Cun mei cu vancung in a rung tla i amah le a 50 hna cu a kangh hna. Ref 1.10-12: Luk 9.34
11 Cun siangpahrang nih ralkap 50 haotu a dang pakhat le a mi 50 kha a thlah òhan hna. Cun a hung kal i amah cu, “Maw Pathian mi, mah hihi siangpahrang nawlbia a si, ‘Khulrang tein rung òum tuah!” tiah a ti.
12 Sihmanhsehlaw Elijah nih a leh i, “Keimah cu Pathian mi ka si ahcun, vancung in mei rung tla seh law, nangmah le na 50 kha in kangh hna seh,” tiah a ti. Khi tikah Pathian mei kha a rung tla i amah le a sawm nga kha a kangh hna.
13 Cun siangpahrang nih ralkap 50 pawl phu thumnak a haotu le a mi 50 kha a thlah òhan hna. Cun 50 haotu pathumnak cu a kal i Elijah hmaiah cun a ra i a bawk i, “Maw Pathian mi, keimah ka nunnak le hi na sal mi 50 an nunnak hi na hmaiah a sungmi si ko seh.
14 Zohhmanh, vancung in mei a rung tla i ralkap 50 haotu pahnih hna kha an ralkap 50 veve he khan a rak kangh hna; sihmanhsehlaw atu cu ka nunnak cu na mithmuh ah a sungmi si ko seh,” tiah a ti.
15 Cun Pathian vancungmi nih Elijah cu a thawh i, ‘Amah he cun vung kal ko; amah cu òih hlah,” tiah a ti. Cucaah a tho i siangpahrang sinah cun amah he khan an vung kal,
16 cun anih nih a thawh i, “ Bawipa nih hi bangin, ‘Nangmah nih Ekron khua pathian Baal-zebub cu va hal awkah lamkal na thlah hna caah, § mah cucu Israel ram ah hin hal awk Pathian a um lo caah maw a si? § cucaah na hung kainak ihkhun khan na òum ti lai lo, sihmanhsehlaw na thi hrimhrim lai,’ a ti,” tiah a ti.
17 Cuticun Elijah nih a chimmi Pathian bia ningin amah cu a thi. Cun Ahaziah nih khan fapa a ngeih lo caah, Judah siangpahrang Jehoshafat fapa Jehoram a bawi kum hnihnak ah khan, a unau Joram cu amah hmun ah khan siangpahrang a cang.
18 Ahaziah nih a tuahsernak a tang rihmi hna cu, Israel siangpahrang hna Chanrelnak Cauk chungah an i òial lo mei?