JOSHUA
Joshua
1
Kanaan Ram Teinak Caah Timhnak
1 Bawipa sal Moses thih hnuah, Moses rianòuantu Joshua, Nun fapa cu, Bawipa nih a chawnh i,
2 “Ka sal Moses cu a thi cang; cucaah nangmah le hi mi vialte hna hi tho u law, hi Jordan tiva hi tan u law, anmah, Israel mi hna ka pek laimi ram chungah cun lut tuah u.
3 Nan keza nih a lamh laimi hmun paoh cu, Moses sinah bia ka rak kam bang khan, nanmah kan pek cang hna. Ref 1.3-5: Deu 11.24-25
4 Ramlak le hi Lebanon tlang in tiva ngan Zufrates tiang, Hit mi hna ram vialte nitlaknak leiah Rili Ngan tiang; nan ram a si lai.
5 Na nunchung vialte ahohmanh na hmai i a dir khomi an um lai lo; Moses sinah ka um bang khan, nangmah sin zongah ka um lai; kan deuh lai lo i kan hlaw fawn lai lo. Ref 1.5: Deu 31.6, 8; Heb 13.5
6 Òhawng ngai le ralòha ngaiin um tuah; zeitintiah an pupa hna sinah pek awkin chiat ka rak ser cangmi ram hi, hi mi hi na coter hna lai. Ref 1.6: Deu 31.6, 7, 23
7 Moses ka sal nih nawl an pekmi phungbia vialte ningin ralring tein tuah awkah, a òhawn bel òhawng ngai le ralòha ngaiin um ko; khuazeika na kalnak hmanh ah khuaawng na pemh nakhnga, orhlei ah siseh, kehlei ah siseh i mer hlah.
8 Hi phungbia cauk nih hin na kaa kha chuahtak hlah seh; sihmanhsehlaw a chungah aa òialmi vialte ningin tuah awkah ralring tein na um nakhnga, chunzan in mah cucu na ruat lai; zeitintiah khi tikah na lam kha na tluanter lai i khi tikah khua awng na tong lai.
9 Keimah nih nawl kan pek a si lo mei? Òhawng ngai le ralòha ngaiin um ko; na thinphang hlah, na lung zong dong hlah; zeicahtiah Bawipa na Pathian cu khuazeika na kalnak hmanh ah na sinah a um ko,” tiah a ti.
10 Cun Joshua nih mi zapi chung i an bawi hna cu,
11 “Riahhmun chungah khan i chawk u law, mi zapi kha, ‘Riahcaw i tim tuah u; zeitintiah ni thum chungah, Bawipa nan Pathian nih co awkah an pekmi hna ram cu va co awkah hi Jordan hi nan tan lai,’ tiah chim hna u,” tiah nawl a pek hna.
12 Cun Reuben mi hna le Gad mi hna le Manasseh phun cheu hna sinah khan Joshua nih, Ref 1.12-15: Nam 32.28-32; Deu 3.18-20; Jos 22.1-6
13 “ Bawipa sal Moses nih, ‘ Bawipa nan Pathian nih dinhnak hmun an pek hna i hi ram hi an pek hna lai,’ tiin nawl an pekmi hna kha i cinken tuah u.
14 Nan nupile hna le nan fale hna le nan saòil cu Jordan tiva ral Moses nih an pekmi hna ram ah hin an rung tang lai; sihmanhsehlaw nannih lak i miralòha vialte cu ralthuam in i thuam in, nan unau hna hmaiah nan kai lai i nan bawmh hna lai,
15 Bawipa nih nan unau hna cu nanmah bantukin dinhnak a pek hna i Bawipa nan Pathian nih a pek liomi hna ram cu annih zong nih an co hlantiang nan bawmh hna lai. Cun Bawipa sal Moses nih a pekmi hna Jordan ral nichuahlei kam i a ummi ram, nanmah ta a simi ram ah cun, nan kir lai i nan co lai,” tiah a ti.
16 Cun Joshua cu an leh i, “Nawl na kan pekmi paohpaoh cu kan tuah lai i khuazei hmanh ah na kan thlahnak paoh ah kan kal lai.
17 Moses kha zeizong vialte ah a bia kan ngaih bantuk tein nangmah bia zong kan ngaih lai; amah belte, Bawipa na Pathian cu Moses sinah a rak um bang khan na sinah um ve ko seh!
18 Zei na fial paoh ah na nawlbia kha a ralchanh i na bia kha a almi cu ahohmanh thah a si lai. A òhawn bel òhawng law, ralòha ngaiin um ko,” tiah an ti.