9
1 Ka lu hi tikhor hei si seh law,
Ka mit hi mitthli cerhtiput
hei si seh law ka hei duh dah,
Cuticun ka mi a thimi hna kha
chunzan in ka òah khawh hna hnga.
2 Thetse ram ah khin
riahbuk pakhat ngei ning law
ka hei duh hnga dah.
Ka mi hna hi ka chuahtak
hna hnga i
ka kaltak diam hna hnga.
An dihlak in va cung pa duh an si,
rawi hmangmi aa bumi an si.
3 An lei cu an hriam a si,
kuaih ciami likuk bantuk a si,
Biatak si loin lih tu kha
ram chungah hin bawi a si.
Òhat lonak pakhat in òhat lonak
pakhat ah an kal i
Keimah cu zeihmanh ah
an ka rel lo,
tiah Bawipa nih a ti.
4 Ahohmanh nan innpa kha
i ralring cio hna u,
nan unau kha zum hna hlah u;
Zeicahtiah unau nih unau kha
hlen a si i hawikom nih
hawikom kha congoih a si.
5 An hawikom kha lentecelhnak ah
an hman hna i
Biatak kha an chim bal lo;
An lei kha lihchim an cawnpiak hna.
An sualnak chungah thuk piin
an um i an kir kho ti lo.
6 Palhnak kha palhnak nih
a zulh chin lengmang i
Hlennak kha hlennak nih
a zulh chin lengmang.
Keimah hngalh kha an duh lo,
tiah Bawipa nih a ti.
7 Cucaah Ralkapbu Bawipa nih
hi bangin a ti:
Keimah cu anmah òhentu ka si i
ka hneksak hna lai.
Zeitindah ka mi cu zeirello in
ka um khawh hna lai?
8 An lei cu thihnak cantiang a si,
an kaa nih hlennak bia a chim;
I rem ngaiin an i chawn cio.
Sihmanhsehlaw an lung chung cun
pakhat le pakhat i foihnak ding
khua kha an khang cio.
9 Hi thil hna ruangah hin dantat loin
ka um hnga maw?
Hi bantuk miphun cungah hin
phuhlam loin maw ka um hnga,
10 Tlang cungah khin fakpi in
ka òap lai i ka kiao len ko lai.
Ramlak saòil tlonnak ah khin
òah hla ka lawh lai.
Zeicahtiah annih cu an kang dih i
ahohmanh nih an pal ti hna lo.
Caw pawt thawng zong kha
theih a si ti lo.
Van i a zuangmi va hna le
lolak saram hna zong kha
an lo dih cang.
11 Jerusalem cu
a rawkmi thil pon ah le
cenghngia nih
an veh lengmangmi
hmun ah ka ser lai;
Cun Judah ram khua hna cu
an chungah mi um ti loin
ka òhio dih hna lai.
Rawknak le Saltannak A Tlung Lai
12 Zeicahdah hi ram cu ram thi ah a can i thetse ram bantukin a ro i aho pal lomi a si? Hi kong hngalhnak caah hin ahodah a fimnak aa zami cu a si? Midang kha a chimh khawh hna nakhnga ahodah Bawipa nih lungthin a cheuhmi cu a si? tiah Jeremiah nih a ti.
13 Cun Bawipa nih a leh i, “Hi thil hi zeicahdah a chuah ti ahcun, ka mi hna nih ka pekmi hna cawnpiaknak kha an hlawt caah a si. Ka bia kha ngaih an duh lo i ka chimhmi hna zong kha tuah an duh lo.
14 Annih nih an pupa hna nih an cawnpiak hna bang khan an lung a khong i Baal siasal lehlam kha an biak hna.
15 Cucaah Ralkapbu Bawipa keimah Israel Pathian nih ka tuah laimi kha ngai hmanh. Ka mi hna hi ei awkah anfangkha ka pek hna lai i din awkah sivai cawhmi ti kha ka pek hna lai.
16 An pupa nih si hna seh, anmah nih si hna seh, an hngalh bal lomi miphun hna sinah ka òhek hna lai i ka lim cikcek hna hlantiang vainam kha ka thlahhnawh hna lai, tiah a ti.
17 Hi bangin Ralkapbu Bawipa nih
a ti:
Òah a thiammi nu kha au hna law
Thih hla lawh a thiammi nu
kha cah hna;
18 Khulrang in ra hna seh law
ka òah hna seh,
Kan mitthli a luan i
kan mitthli a tlak nakhnga.
19 Zion i òah thawng cu ngai hmanh:
Zeitluk in dah kan rawhnak cu
òihnung a si,
Zeitluk in dah kan ningzahnak cu
a fah!
Kan vawlei cu kan chuahtak cang
hna i kan inn cu an cim dih cang.
20 Maw minu hna, Bawipa bia cu
thei tuah u law
amah kaa chung bia cu
nan hna nih thei tuah hna seh;
Nan fanu hna cu òahnak hla kha
cawnpiak hna u law
Mithi òahnak hla cu pakhat le
pakhat i cawnpiak cio hna seh;
21 “Thihnak cu kan thlalangawng in
an rung lut i
Kan inn òhaòha hna ah an lut cang;
Khualak lam i ngakchia hna kha
an thah hna i
Khualak tual i tlangval hna kha
an dawi hna,” tiin
22 Cun Bawipa nih hi bangin a ti:
Mithi mi an ruak hna cu lo lakah
ek bantukin an ril liangluang lai i
Rawlòuantu hna nih an òuan hnu i
an kaltakmi rawl,
ahohmanh nih an pumh òhan
ti lomi bantuk khi an si lai.
Pathian Hngalh Cu Minung Sunparnak A Si
23 Hi bangin Bawipa nih a ti: “Mifim nih a fimnak kha i porhlaw hlah seh, miòhawng nih a thazang kha i porhlaw hlah seh, mirum nih a rumnak kha i porhlaw hlah seh;
24 sihmanhsehlaw ahohmanh nih porhlawt a duh a si ahcun hi tu hi i porhlaw deuh seh: Keimah theih le hngalh hi. Zeicahtiah keimah cu Bawipa ka si i a dong lomi dawtnak kha ka pek hna i vawlei cungah hin biading le dinnak kha ka tuah; hi thil hna hi ka lunglawmhnak an si,” tiah Bawipa nih a ti. Ref 9.24: 1Kor 1.31; 2Kor 10.17
25-26 Bawipa nih, “Chunglei in si lo i pumsa lawngin cuarpartan a simi hna Izipt mi hna le Judah mi hna le Edom mi hna le Ammon mi hna le Moab mi hna le thetse ram i a ummi vialte hna le a sam aa metmi vialte hna cung i dantatnak ka tlunter lai caan kha a ra lio. Hi mi vialte hna le Israel mi hna hi an chunglei in an cuarpar an i tan lo,” tiah a ti.