47
Filistin Mi Kong Bia
1 Faro nih Gaza a tuk hlanah, Filistin mi hna kong ah Bawipa bia profet Jeremiah sinah a phanmi cu hihi a si: Ref 47.1-7: Isa 14.29-31; Eze 25.15-17; Joe 3.4-8; Amo 1.6-8; Zef 2.4-7; Zek 9.5-7
2 Bawipa nih hi bangin a ti:
Zohhmanh chaklei in ti
a rung lian lai i
a kawr khat in a liam dih lai,
Ram le a chung i a ummi
thil vialte kha
a phum dih hna lai.
Khuapi i hna le a chung i
a ummi minung hna zong.
Mi cu an ai an kiao lai i
cu ram i a ummi vialte hna cu
an òap dih lai.
3 An rangtum hna tin
khawn thawng cu ngai hmanh!
An rangleng hna an rung choi
cutmat thawng le an rangleng
ke rilh thawng cu!
Pale nih an fale caah zeihmanh
an ruat kho ti lo;
An kut nih zeihmanh
a tuah kho ti lo.
4 Zeicahtiah Filistin mi vialte hna
hrawhnak ni cu a phan cang i
Khuavengtu ralkap an dih
cikcek tiangin
Tair le Sidon cu hrawh an si lai.
Kaftor tikulh in a rami Filistin mi
hna cu
Bawipa nih a hrawh hna lai.
5 Gaza cu kawng lakin meh a si cang,
Ashkelon cu a rawk cang.
Filistin mi a tangmi hna cu zei can
dah an òah lai?
6 Nannih nih, ‘ Bawipa vainam,
zei can dah na kan sam len ko rih lai?
Na kawng ah vaa sawh law
khika ah vaa din ko!’ nan ti.
7 Sihmanhsehlaw zeitindah
rianòuan awk ka pek tikah hin
aa dinh khawh lai?
Amah cu Ashkelon khua i
a ummi hna le rili kam i
a ummi hna kha
tuk awkah nawl ka pek cang,
tiah a ti.