1 A kal pah ah khin mitcaw cia in a chuakmi pakhat a hmuh. 2 A hnuzul hna nih an thawh i, “Cawnpiaktu, mitcaw cia in a chuah hi a nu le a pa maw a sual hna amah dah a sual?” tiah an hal. 3 Jesuh nih, “Hipa nih a sual caah a si lo, a nu le a pa sual ca zongah a si lo, a cungah Pathian lianhngannak a langh nakhnga caah a si. 4 A ka thlahtu rian cu chun a si lioah hin kan òuan awk a si, zan a phanh cun ahohmanh nih rian òuan khawh a si lo. 5 Vawlei i ka um chung paoh cu vawlei ceunak ka si,” a ti hna. 6 Cuti a chim pah cun vawlei ah a cil a chak i tlak a nawn; mipa mit ah cun tlak nawnmi cu a thuh. 7 Mipa sinah cun, “Kal law Siloam tidil ah khan vaa òawl,” a ti. (Siloam timi cu thlah tinak a si). Cuka ah cun a va kal i a vaa òawl i mit khua hmu in a ra kir. 8 Awkhlawh in a hmu tawnmi hna le a innpa hna nih khan, “Hipa hi halto in a òhu tawnmi kha a si lo maw?” an ti. 9 “Amah kha a si ko,” tiah acheu nih an ti i a dang hna nih, “Asilo, amah he a lomi pakhat a si,” an ti. Cu pa nih cun a thawh hna i, “Keimah kha ka si ko,” a ti hna. 10 “Zeitindah na mit cu a au kun?” tiah an ti. 11 “Jesuh an timi pa nih tlak a nawn i ka mit ah a thuh i, ‘Siloam ah va kal law vaa òawl’ a ka ti; ka kal i kaa òawl i khua ka hmuh ko,” tiah a leh hna. 12 Annih nih, “Khuazei ah dah amah cu a um?” tiah an hal. Anih nih, “Ka hngal lo,” tiah a leh hna.

13 Mitcaw pa kha Farasi hna sinah an ratpi. 14 Jesuh nih tlak a nawn i a mit a auter kha sabbath ni a si. 15 Farasi hna nih cun zeitindah a mit khua a hmuhnak kha an hal òhan. Hitihin a chimh hna, “Ka mit ah tlak a benh i ka òawl i ka hmuh ko,” a ti hna. 16 Farasi acheu hna nih, “Hi pa hi Pathian sinin a rami a si lo; zeitintiah sabbath ni a ul lo,” an ti. Sihmanhsehlaw acheu nih cun, “Zeitindah misual a simi pa nih hi bantuk hmelchunhnak hi a tuah khawh hnga?” an ti. Cucaah an karlakah òhennak a chuak. 17 Cucaah mitcaw pa cu, “Na mit an auter caah amah cu zei a si na ti hnga dah?” an ti òhan. “Profet pakhat a si,” tiah a ti hna.

18 Khua a hmu òhanmi pa a nu le a pa an auh hna hlan cu Judah mi hna nih khan a mit a rak caw i khua a hmu òhan ti kha an zum lo. 19 A nu le a pa cu, “Hihi mitcaw in a chuak nan timi nan fapa cu a si maw? Zeitindah atu ah khua a hmuh kun?” an ti hna. 20 A nu le a pa nih cun, “Hihi kan fapa cu a si ko i mitcaw in a chuakmi a si; 21 sihmanhsehlaw zeitindah atu ah khua a hmuh òhan ti cu kan hngal lo; aho nih dah a mit a auter ti zong kan hngal fawn lo. Amah hi hal ko u; kum tling a si ko i amah nih i chim ko seh,” tiah an leh hna. 22 A nu le a pa nih hitihin an ti hi Judah mi an òih hna caah a si; zeitintiah Khrih a si, tiah a phuangmi an um ahcun sinakok in òhawl a si lai ti kha Judah mi lakah khan hnatlaknak a um cang. 23 Cucaah a nu le a pa nih, “Kum tling a si, amah kha hal ko u,” an tinak cu a si.

24 Cucaah a mit a rak cawmi pa kha a voi hnihnak an auh i, “Thangòhatnak cu Pathian pe ko, hipa hi misual a si ti kan hngalh,” an ti. 25 Anih nih, “Misual a si le si lo cu ka hngal lo, thil pakhat cu ka hngalh, ka mit a rak caw nain atu cu khua ka hmuh,” a ti hna. 26 “Zeitindah an tuah? Zeitindah na mit cu a auter?” an ti. 27 “Kan chimh ko cang hna i nan ngai duh lo, zeicahdah theih òhan nan duh? A zultu si ve maw nan duh?” tiah a leh hna. 28 Annih nih, “Nangmah hi a zultu na si, kannih cu Moses zultu kan si. 29 Pathian nih Moses sinah bia a chim ti kan hngalh, sihmanhsehlaw hi pa tu hi cu khuazei in dah a rat ti kan hngal lo,” tiah an hro. 30 Mipa nih, “Ziah, cucu khuaruahhar a si òung! Khuazei in dah a rat ti kha nan hngal lo; asinain ka mit cu a auter ko. 31 Pathian nih misual bia a ngai lo, sihmanhsehlaw Pathian a bia i a duhnak a tuahmi paoh cu Pathian nih a bia a ngaih ti kan hngalh. 32 Vawlei hramthawk in aho tal nih mitcaw in a chuakmi a mit an auter ti nan thei bal maw? 33 Hi pa hi Pathian sinin a si lo ahcun zeihmanh a tuah kho hnga lo,” a ti hna. 34 “Rolungbun sual in hrinmi nangmah nih maw na kan cawnpiak?” an ti i sinakok cun an òhawl.

35 Jesuh nih an òhawl ti kha a theih i a va hmuh tikah, “Mi Fapa cu na zum maw?” a ti. 36 Anih nih, “Saya, amah cu ka zumh khawh nakhnga amah cu ahodah a si?” tiah a leh. 37 Jesuh nih, “Amah cu na hmuh cang i nangmah sinah bia a chimmi hi a si,” a ti. 38 “Bawipa, ka zumh,” a ti i a biak. 39 Jesuh nih, “Vawlei cungah hin a hmu lomi hna nih an hmuh nakhnga le a hmumi nih an mit a cawt nakhnga, biaceih awkah ka ra,” a ti. 40 A pawng i a ummi Farasi acheu hna nih cucu an theih i, “Kanmah zong maw mitcaw kan si?” tiah an hal. 41 Jesuh nih, “Nan mitcaw seh law sualnak nan ngei hnga lo; sihmanhsehlaw atu ah ‘Kan hmuh’ nan ti caah nan sualnak cu a hmun ko,” a ti hna.