7
1 Cu hnu cun Jesuh cu Galilee hrawngah aa chawk; Judah mi hna nih thah an timh caah Judea hrawng belte ah aa chawk lo.
2 Cun Judah mi Deu Puai cu a nai cang.
3 Cucaah a unau hna nih khan, “Hika hin chuak law na hnuzul hnanih na rianòuanmi an hmuh awkah Judea ah va kal.
4 Zapi theih in rianòuan a duhmi ahohmanh nih a thli in an òuan bal lo. Hi rian hi na òuan òung ahcun vawlei ah i langhter ngat,” an ti.
5 Zeitintiah a unau hna hmanh nih khan an zum lo.
6 Jesuh nih a thawh hna i, “Ka caan a phan deuh rih lo, nannih belte hika ah hin nan caan cu a um zungzal ko.
7 Nannih cu vawlei nih an hua kho hna lo, kei tu cu a ka huat, zeitintiah a tuahsernak a òhat lonak kha ka langhter.
8 Puai ah cun nannih tu va kal ko u; kei cu puai ah cun ka kal lai lo, zeicahtiah ka caan a phan taktak deuh rih lo,” a ti hna.
9 Cuticun a ti i Galilee ah cun a rak tang ta.
10 A unau hna kha puai i an hung kal hnu cun zapi theih loin amah tein a hung kal ve.
11 Puai chungah cun Judah mi hna nih amah kha an kawl, “Khuazei ah dah a um?” an ti.
12 Mizapi hna cu amah kong lawng an i ceih supmap ko. Mi cheu nih, “Miòha a si,” an ti i a dang nih, “Asilo, mi kha a pingah a hruai hna,” an ti.
13 Sihmanhsehlaw Judah mi òih ah a kong cu langhngan in an chim ngam lo.
14 Puai lingcingte ah cun Jesuh cu biakinn ah a va kal i a cawnpiak hna.
15 Judah mi cu an khuaruah a har i, “Zeitindah hi pa hi cawn loin hitluk hin a thiam hnga?” an ti.
16 Jesuh nih a thawh hna i, “Ka cawnpiakmi hi keimah ta a si lo, a ka thlahtu ta tu a si deuh.
17 Pathian duhning tuah a duhmi paoh nih cun ka cawnpiakmi hi Pathian ta maw a si, asiloah, nawlngeihnak in dah a si, ti cu an hngalh ko lai.
18 Mah duhning in a cawnpiaktu nih cun mah sunlawinak a kawltawn, sihmanhsehlaw a thlahtu sunlawinak a kawlmi cu ahmaan i amah chungah cun dik lonak zeihmanh a um lo.
19 Phung cu Moses nih an pe hna lo mei? Sihmanhsehlaw ahohmanh nih cu phung cu nan zul lo. Zeicahdah thah nan ka zalh?” a ti hna.
20 Mizapi nih cun, “Khuachia nih an tuah! Aho nih dah thah an in zalh?” an ti.
21 Jesuh nih a leh òhan hna i, “Thil pakhat ka tuah i nan dihlakin nan khuaruah a har.
22 Moses nih cuarpartannak phung an pek hna caah (Moses sinin si loin nan pupa hna tuahmi a si deuh) sabbath ni zongah cuarpar nan i tan ko.
23 Moses phung buar lonak dingah sabbath ni i mi pakhat cuarpar nan tan ahcun, zeicahdah sabbath ni ah mipa ka damter hirhiar ruangah nan thin a hun?
24 A leng hmuhnak in bia ceih hlah u, a sining taktak in bia khiak deuh u,” a ti hna.
25 Cucaah Jerusalem khuami acheu hna nih, “Hi pa hi thah awkin an kawlmi kha a si lo mei?
26 Hika ah hin langhngan in bia a chim i zeihmanh an ti lo! Nawl ngeimi hna nih hin hihi Khrih cu a si ti an hngalh taktak caah a si hnga maw?
27 Asinain hipa hi khuazei in dah a rat ti kan hngalh. Khrih a rat tikah cun ahohmanh nih khuazei in dah a rat ti an hngal lai lo,” an ti.
28 Cucaah biakinn chung i a cawnpiak pah in Jesuh nih hitihin a thanh hna, “Nannih nih nan ka hngalh ko, khuazei in dah ka rat ti zong nan hngal ko lo mei? Sihmanhsehlaw keimah nawl in a rami ka si lo, a ka thlahtu cu midik a si i amah cu nan hngal lo.
29 Kei nih cun ka hngalh, zeitintiah amah sinin a rami ka si, amah nih a ka thlahmi ka si,” tiah a ti.
30 Cucaah tlaih an timh, sihmanhsehlaw ahohmanh nih an tlai lo, a caan a phanh deuh rih lo caah a si.
31 Asinain mi tampi nih an zumh i, “Khrih a langh tikah mah pa nakhin hmelchunhnak tam deuh a tuah hnga maw?” an i ti.
32 Mi zapi nih a kong an ceih supmap ko kha Farasi hna nih an theih tikah tlangbawi upa hna le Farasi hna nih khan amah tlaih awkin biakinn cawngtu an thlah hna.
33 Jesuh nih a thawh hna i, “Nan sinah tlawmpal cu ka um ko rih lai, cu hnu cun a ka thlahtu sinah ka kal lai.
34 Nan ka kawl lai i nan ka hmu lai lo, ka umnak zongah nan ra kho fawn lai lo,” a ti hna.
35 Judah mi hna cu pakhat le pakhat an i ceih i, “Mah pa hi kan hmuh khawh lonak ding khuazei ah dah kal aa timh hnga? Grik hna lak i aa òhekdarhmi hna sinah kal i Grik mi hna cawnpiak maw aa timh hnga?
36 ‘Nan ka kawl lai i nan ka hmu lai lo; ka umnak zongah nan kal kho fawn lai lo,’ a timi hi a chim duhmi zeidah a si hnga?” an ti.
37 Puai donghnak ni, ni pipa ngai ah cun Jesuh cu a dir i, “A ti a halmi ahopaoh ka sinah ra seh law ra ding seh.
38 Ahopaoh keimah a ka zummi cu Cathiang chim chung bang khan, ‘A lungthin chungin nunnak tiva a luang lai,” tiah a thanh hna.
39 Cucu amah a zummi nih an hmuh laimi Thlarau kong kha a chim duhmi a si; zeitintiah Jesuh cu sunparter a si rih lo caah Thlarau cu pek an si rih lo.
40 Cu bia hna cu an theih tikah mi acheu hna nih, “Hihi profet a si taktak,” an ti.
41 Mi dang hna nih, “Hihi Khrih cu a si,” an ti. Sihmanhsehlaw mi cheu nih, “Khrih cu Galilee in maw a rat hnga?
42 Cathiang nih khan Khrih cu David hrinthlak a si i David khua Bethlehem in a ra lai a rak ti lo mei?” an ti.
43 Cucaah amah kong ah cun mi hna cu an i òhen.
44 Acheu hna nih cun tlaih an duh nain ahohmanh nih an tlai lo.
45 Biakinn cawngtu hna cu tlangbawi upa le Farasi hna sinah an hung kir òhan ah khan, “Zeicahdah amah cu nan ratpi lo?” an rak ti hna.
46 Biakinn cawngtu hna nih, “Hi pa bantuk hin ahohmanh nih bia an chim bal lo!” tiah an leh hna.
47 Farasi hna nih, “Nanmah hmanh a ping ah maw an hruai cang hna?
48 Nawl ngeimi hna le Farasi aho tal nih amah cu an zum maw?
49 Hi phung a hngal lomi zapi hna hi chiatserhmi an si,” an ti hna.
50 Anmah chung a si vemi mi pakhat, a hlan zongah a sinah a rak kal cangmi, Nikodemu nih,
51 “Amah bia theih hmasa lo le a tuahmi hngalh hmasa loin kan phung nih mi pakhatkhat bia a ceih bal hlah i?” a ti hna.
52 Annih nih an thawh i, “Nang zong Galilee mi dahra na si ve? Galilee in profet ahohmanh a chuak lai lo ti cu kawl law na hmuh ko lai,” an ti.
Pa Aa Duh Lioah An Tlaih
[\v 53 Cun anmah le an inn cio ah an òin i,