1 Mah hnu cun Judah mi puai a um i Jesuh cu Jerusalem ah a hung kal.

2 Jerusalem ah cun tuu kutka pawngah Hebru holh in Bethzatha timi tidil a um i deu deu nga a ngei. 3 Cu chungah cun mitlamtlinglo, mitcaw, kebei le mizeng hna an ril liangluang ko; a cazual cheu khat ah cang 3b le 4 a um lo 4 Bawipa vanmi pakhat cu a zeimaw caan ah tidil chungah cun a rung tawn i ti cu a canghter tawn. Ti a cangh cangkate i aa paih hmasa paoh cu an ngeihmi zawtnak paoh khan an dam tawn. 5 Kum sawm thum le kum riat a zaw cangmi mipa pakhat zong a um ve. 6 Jesuh nih a hmuh tikah cuka ah cun caan saupi a rak um cang ti a hngalh caah, “Damter na duh maw?” tiah a hal. 7 Mizawpa nih cun, “Bawipa, ti a cangh tikah ti chung i a ka paihtu ahohmanh ka ngei ve hna lo. I paih ve kaa timh chungah midang nih an ka òum kanh lengmang,” a ti. 8 Jesuh nih, “Tho, na ihphah i lak law kal,” a ti. 9 Chikkhatte ah mipa cu a dam i a ihphah a lak i a kal.

Cu ni cu sabbath ni a si. 10 Cucaah Judah mi hna nih a dammi pa cu, “Nihin hi sabbath a si; na ihphah na put hi a phung a si lo,” an ti. 11 Sihmanhsehlaw anih nih, “A ka damtertu pa nih, ‘Na ihphah i lak law kal’ a ka ti,” tiah a leh hna. 12 Annih nih, “Ahodah ‘Na ihphah i lak law kal’ an ti tupa cu a si?” tiah an hal. 13 A damtermi pa nih cun aho a si a hngal lo, zeitintiah cuka ah cun mibupi an um i Jesuh cu aa zuk diam cang. 14 A hnuah Jesuh nih biakinn chungah a hmuh i, “Na dam ko òung hi! Thil òhalo chinchin na cung i a tlun nakhnga lo sual ti hlah,” a ti. 15 Mipa cu a kal i Judah mi hna kha amah a damtertu cu Jesuh a si kha a va chimh hna. 16 Cucaah cun Judah mi nih khan sabbath ni ah mi a damter caah Jesuh an hremnak kha a si. 17 Sihmanhsehlaw Jesuh nih, “Ka Pa cu atu tiang rian a òuan ko rih i kei zong ka òuan cuahmah ve ko,” a ti hna. 18 Cucaah Judah mi hna nih khan thah an timh chinchin, zeitintiah sabbath ni a buar lawng a si lo, Pathian cu ka Pa a ti rih i amah cu Pathian tluk ah aa chia, an ti.

19 Jesuh nih a thawh hna i, “Biatakte kan chimh hna, Fapa nih amah nawl lawngin zeihmanh a tuah kho lo. Pa nih a tuahmi a hmuhmi lawng kha a tuah khawh; Pa nih a tuahmi paoh cu Fapa zong nih a tuah ve. 20 Zeitintiah Pa nih Fapa cu a dawt i amah nih a tuahmi paoh kha a hmuhsak i hi nak ngan deuh rian hmanh kha a hmuhsak lai, cucu nan khuaruah a har nakhnga caah a si. 21 Pa nih mithi a thawhter hna i nunnak a pek hna bantukin Fapa zong nih a duhmi paoh nunnak a pek ve hna. 22 Pa nih ahohmanh bia a ceih hna lo, sihmanhsehlaw Fapa sinah biaceihnak nawl cu a pek dih cang. 23 Pa kha an upat bantukin mi vialte nih Fapa zong an upat ve nakhnga caah a si. Fapa a upat lomi cu a run thlahtu Pa zong an upat ve lo. 24 Biatakte kan chimh hna, ka bia a ka thei i a ka thlahtu a zummi paoh nih nuncang hmunhnak a ngeih; biaceihnak a ing lai lo i thihnak in nunnak ah a lan lai.

25 Biatakte kan chimh hna, mithi hna nih Pathian Fapa aw an theih tikah a theimi paoh an nun lainak caan cu a phan deng cang, atu zongah a phan ko cang. 26 Pa cu amah ah khan nunnak a ngeih bantukin Fapa zong nih amah ah nunnak a ngeih khawh nakhnga a pek ve. 27 Mi Fapa a si caah biaceih khawhnak nawl zong a pek. 28 Cucu nan khuaruahhar hlah u; zeitintiah thlan chung i a ummi hna nih a aw an theih caan a phan deng cang; 29 cun thlan in an hung chuak lai i òhatnak a tuahmi hna cu nunnak ah an tho lai i òhat lonak a tuahmi hna tu cu biaceih awkin an tho òhan lai.

30 “Keimah nawl lawngin zeihmanh ka tuah kho lo. Ka theihning in bia ka ceih i ka ceihmi cu a ding, zeicahtiah keimah duhning in si loin a ka thlahtu duhning in ka ceih caah a si. 31 Keimah nih keimah kong chimning law ka chimmi kha a hman hnga lo. 32 Ka kong a chimtu dang a um i ka kong a chimmi cu a hman ti ka hngalh. 33 Johan sinah lamkal nan thlah hna i a hmanmi a rak chimh hna. 34 Minung nih ka kong chimpiak a herh caah a si lo, sihmanhsehlaw khamh nan si nakhnga caah hihi ka chim. 35 Amah cu a alh le a ceu ngaimi meiinn bantuk a si i amah ceunak ah cun caan tlawmpal i nuamh rih zong nan duh. 36 Sihmanhsehlaw kei nih ka chimmi cu Johan chimmi nakin a ngan deuh; zeitintiah Pa nih tlinh awkah a ka pekmi, atu ah ka òuan cuahmah komi rian nih hin Pa nih a ka thlah ti kha a langhter. 37 A ka thlahtu Pa hrimhrim nih keimah kong kha a chim ve ko. A aw nan thei bal lo i a mui zong nan hmu bal fawn lo; 38 a bia zong nan lung chungah nan camter lo, zeitintiah a thlahmipa kha nan zum lo. 39 A chungah nuncang hmunhnak kan hmuh lai tiah nan ruah i Cathiang cu nan kawl; cucu ka kong a chimtu a si ko. 40 Asinain nunnak ngeih awkah ka sinah nan ra duh lo. 41 Minung sinin sunlawinak ka kawl lo. 42 Asinain Pathian dawtnak cu nan chungah nan ngei lo ti ka hngalh. 43 Ka Pa min in ka ra i nan ka cohlang lo; midang pakhat nih amah min in a rat ahcun nan cohlan òung hnga. 44 Pathian pakhat lawng sinin a rami sunparnak kawl loin, pakhat le pakhat sinin sunparnak a kawlmi nih cun zeitindah nan zumh khawh hnga? 45 Pa sinah amah nih sual a kan phawt lai tiah ka ruat hlah u; sual an phawtu hna cu nan i bochanmi Moses kha a si. 46 Moses cu rak zum u law keimah zong nan ka zumh ve ko hnga; zeitintiah keimah kong kha a òial. 47 Asinain a òialmi nan zumh òung lo ahcun zeitindah ka bia cu nan zumh hnga?” a ti hna.