21
1 Cu hnuah cun Jesuh cu Tiberius rili ah a hnuzul hna sinah a lang òhan; a langh ning cu hitihin a si.
2 Simon Peter, Faphir timi Thomas, Galilee peng Kana khuami Nathanael, Zebedi fa hna le a hnuzul dang pahnih hna cu hmunkhat ah an um.
3 Simon Peter nih an sinah, “Kei cu nga ka tlai lai,” a ti hna. “Kannih zong na sinah kan kal ve lai,” an ti. An chuak i lawng chungah an lut; cu zan cu zeihmanh an tlai lo.
4 Khua a hung dei vuaimai ah khin Jesuh cu tikam ah a hung dir; asinain a hnuzul hna nih cun Jesuh a si ti an hngal lo.
5 Jesuh nih, “Fale hna, nga zeital nan ngei maw?” a ti. “Kan ngei lo,” tiah an leh.
6 A thawh hna i, “Lawng orhlei ah khin nan sur kha hei chep u law tlawmpal cu nan hmuh ko lai,” a ti hna. Cucaah an hei cheh i nga tampi a khuh caah an hnuk kho lo.
7 Jesuh dawtmi a hnuzul nih khan Peter sinah, “Bawipa a si!” a ti. Simon Peter nih Bawipa a si kha a theih tikah, rian a òuan lai ah aa phoih mi a hnipuan kha aa hruk òhan i rili chungah a zuang.
8 Sihmanhsehlaw vawlei in lamhla lo, lam sawm nga hrawngah a ummi a hnuzul dang hna cu lawngah an ra i nga a khat in aa zawimi sur cu an hun hnuh pah.
9 Tikam i an hung chuah tikah khan meihol in mei tihmi cungah nga an emmi le changreu kha an hmuh.
10 Jesuh nih, “Atu nai nan tlaihmi nga kha tlawmpal in rak pu u,” a ti hna.
11 Cucaah Simon Peter cu lawng ah a kai i sur cu tikam ah a hun hnuh. Nga ngan pipi in sur cu a khat i za le sawm nga le pathum a si.
12 Cu tluk in nga a tam na cun sur cu a tlek lo. Jesuh nih, “Ra u law thaithawh ra ei u,” a ti hna. A hnuzul ahohmanh nih, “Ahodah na si?” tiah an hal ngam lo. Bawipa a si kha an hngalh.
13 Jesuh a ra i changreu cu a lak i a pek hna; nga zong cuti òhiamòhiam cun a tuah.
14 Cucu Jesuh thihnak in thawhter a si hnuah a voi thumnak an sinah a langh a si.
15 Thaithawh an ei dih cun Simon Peter sinah, “Simon, Johan fapa, hi hna nak hin na ka daw deuh maw?” a ti. Anih nih, “Asi, Bawipa; kan dawt cu na hngalh,” a ti. A thawh i, “Ka tuufa tete hi va cawm hna,” a ti.
16 A voi hnihnak ah, “Simon, Johan fapa, na ka daw maw?” a ti òhan. Anih nih, “Asi, Bawipa; kan dawt cu na hngalh ko,” a ti. Jesuh nih, “Ka tuu va khal hna,” a ti.
17 A voi thumnak ah, “Simon, Johan fapa, na ka daw maw?” a ti òhan. Voi thum tiang ‘Na ka daw maw?’ a ti caah Simon cu a ngaih a chia. Cun a thawh i, “Bawipa, zeizong vialte na hngalh, kan dawt cu na hngalh ko,” a ti. Jesuh nih, “Ka tuu va cawm hna,” a ti.
18 Biangaite kan chimh, na no lioah cun nangmah tein taisawm naa sawmh i na duhnak paoh ah na kal; na upat hnuah cun na kut na samh lai i midang nih na taisawm an in sawmhpiak lai i na duh lonak ah an in kalpi lai.
19 (Hi a chimmi hi zei bantuk thihnak in dah Pathian a sunlawiter lai, ti langhternak ah a chimmi a si.) Cu a chim dih cun, “Rak ka zul,” a ti.
20 Peter cu a rak i her i Jesuh nih a dawt i zanriah ei lioah amah chang i a òhumi nih, “Bawipa, an rawitu ding cu ahodah a si?” a titu a hnuzul nih khan an hnulei in a hun zulh hna kha a hmuh.
21 Peter nih a hmuh tikah Jesuh sinah, “Bawipa, hi pa hi tah zeitindah a si lai?” a ti.
22 Jesuh nih, “Ka rat òhan hlantiang hmun ko seh ti ka duh ahcun nangmah naa thlaknak zeidah a um; Rak ka zul ko!” a ti.
23 Hi a hnuzul cu a thi lai lo, tiah unau rual hna lakah cun bia a leng; sihmanhsehlaw Jesuh nih a thi lai lo, tiah a sinah a chim lo, a chimmi cu, “Ka rat hlantiang um ko rih seh ti ka duh ahcun nang naa thlaknak zeidah a um?” ti a si ko.
24 Hi thil vialte a hngaltu le a òialtu cu hi hnuzul pa hi a si i a hngalhmi cu a hman ti kan hngalh.
25 Jesuh nih a tuahmi thil tampi a um ko rih nain a tuahmi paoh òial dih si seh law a òialnak cauk cu vawlei hmanh nih a tlum hnga lo, tiah ka ruah.