1 A ni thumnak ni ah Galilee peng Kana khua ah òhitumnak a um i cuka ah cun Jesuh nu zong aa tel ve. 2 Òhitumnak ah cun a hnuzul hna he Jesuh cu an sawm ve. 3 An mitsur zu a dih i Jesuh nu nih Jesuh sinah, “Mitsur zu an ngei ti lo,” a ti. 4 Jesuh nih a rak thawh i, “Ka nu, zeidah naa thlak ve? Ka caan a phan rih lo,” a ti. 5 A nu nih cun chungòuan hna sinah, “An chimhmi hna paoh kha tuah te u,” a ti hna. 6 Cuka ah cun ralca paruk Judah phung in kholhòawlnak caah an tlaan hna, ralca pakhat nih ti galan pakul in sawm thum karlak cio a tlum. 7 Jesuh nih, “Ralca ah khan ti khat lakin rawn cio u,” a ti. Khat lakin an rawn cio hna. 8 “Suak u law puai tlangtlatu sinah hei kalpi u,” a ti hna. Cun an hei kalpi. 9 Puai tlangtlatu nih cun mitsur zu ah a cangmi ti cu a teh i khoika in dah an lak ti a hngal lo. (Ralca chungin a suaktu chungòuan nih cun an hngalh ko). Nupi òhitu kha a auh i, 10 “Midang nih cun mitsur zu ahrim an pek hmasa tawn hna i tam deuh an din hnuah a rua an phawt tawn, nang cu atu tiangin ahrim na rak i chiah hi ta,” a ti. 11 Jesuh nih hi thil khuaruahhar hmasa bik hi Galilee peng Kana khua ah a tuah. A lianhngannak a langhter i a hnuzul hna nih an zumh. 12 Cu hnu cun Kapernaum khua ah, a nu le a nau hna le a hnuzulle tiah an vung kal i ni tlawmpal an vung cam.

13 Judah mi Lanhtak Puai cu a phan dengmang cang i Jerusalem ah Jesuh cu a hung kal. 14 Biakinn chungah caw, tuu le laileng zuarnak le tangka thlengmi hna cu anmah le an rian cio ah khan a va hmuh hna. 15 Tuknak ah hrihrual aa hrual i an tuu le an caw le an saram dang vialte he cun a òhawl dih hna; tangka thlengtu cabuai zong a lehpiak dih hna i an tangka cu aa òhek dih. 16 Òhuro a zuarmi hna sinah cun, “Hi thil hna hi lengah chuahpi hna u, ka Pa inn hi chawzuarnak ah hmang hlah u,” a ti hna. 17 A hnuzul hna cu, “Na inn ka tlaihchannak nih ka chungthin vialte meihliau in a ka hliau lai,” tiah Cathiang i rak òialmi kha an lung ah a hung pem. 18 Judah mi hna nih cun an thawh i, “Hihi na tuah ruangah zei hmelchunhnak dah na kan hmuhsak lai?” an ti. 19 Jesuh nih, “Hi biakinn hi hrawh si seh law ni thum chungah ka sak òhan hnga,” a ti. 20 “Hi biakinn saknak ah hin kum sawm li le kum ruk a rau i ni thum chungah na sak hnga mu?” tiah Judah mi nih an ti. 21 Amah pum biakinn tu kha a chim duhmi a si. 22 Thihnak in thawhter a si ah khan a hnuzul hna cu kha kong a rak chimmi kha an lung ah a hung pem i Cathiang le Jesuh chimmi bia kha an zumh.

23 Lanhtak Puai ah Jesuh nih Jerusalem khua i thil khuaruahhar a tuahmi an hmuh cun mi tampi nih amah cu an zumh. 24 Sihmanhsehlaw Jesuh cu an cungah aa phuang taktak ngam lo; 25 zeitintiah mi vialte a hngalh dih hna. Ahohmanh nih mi kong an chimh a hau lo, an lungthin chung i a ummi cu a hngalh dih ko.