1 Ka bia ngai hmanh u, mirum hna, nan cungah chung linhnak a tlun lai caah òap u law ai len ko u. 2 Nan rumnak cu a thu dih i nan thilpuan hna cu rungrul nih a ei dih. 3 Nan sui le nan ngun hna cu cirik nih a ei dih i cu cirik cu nanmah ralchan in biaceihtu a si te lai i mei bantukin nan sa a ei lai. Nan chawhlawn cu caan donghnak ni caah nan rak i khon a si ko. 4 Ngai hmanh u, nan lothlawh rian a òuanmi nihlawh hlenthawinak in nan lepmi cu an au i rawl òuantu hna au thawng cu van ralkapbu Bawipa hna chung a phan. 5 Vawlei cungah hin nan ngeih chiarthlang liam le nuamhhnaih in nan nung. Thahnak ni caah thau lakin nan i cenh. 6 An let lomi miding hna cu nan hlawt hna i nan thah hna.

7 Cu a si caah u le nau hna, Bawipa rat hlan cu lungsau in um ko u. Lothlo nih a lo chuak theitlai sunglawi cu lungsau tein a hngah i ruahter he ruahhnu he a hmuh hlan lo a hngah fialmal tawn. 8 Nannih zong nan lungsau ko u. Nan lung hmun ko seh, zeitintiah Bawipa ratnak cu a nai ko cang. 9 U le nau hna, biaceih nan si nakhnga lo pakhat le pakhat i mawhchiat hlah u. Zohhmanh u, Biaceihtu cu innka hramah a dir cang. 10 U le nau hna, Bawipa min in biachimmi profet hna an temhinnak le an lungsaunak kha i zohchun hna u. 11 Zohhmanh, a ing khomi cu mi lunglawm kan ti hna. Job in khawhnak cu nan theih i Bawipa nih a donghnak ah zeitindah a tuah ti cu nan hngalh, zeicahtiah Bawipa cu zawnruahnak le zaangfahnak in a khatmi a si.

12 Sihmanhsehlaw u le nau hna, zei ti a si hmanh ah, chiatser hlah u, van chalh in siseh, lei chalh in siseh zeihmanh in chiatser hlah u, hlawt nan si nakhnga lo, a si nan timi cu a si ti si ko seh law a si lo nan timi cu a si lo, ti si ko seh.

13 Nan lakah a temingmi nan um maw? Thlacam ko seh. Hlawp a tlomi nan um maw? Thangòhatnak hla sa ko seh. 14 A zawmi nan um maw? Khrihfa upa au hna seh law a caah thlacampiak ko hna seh law Bawipa min in chiti thuh ko hna seh. 15 Zumhnak he thlacam nih a zawmi cu a khamh ko lai i Bawipa nih a thawh ko lai; a sual a si ahcun ngaihthiam a si ko lai. 16 Cu a si caah nan sualnak cu pakhat le pakhat sinah i phuang ko u law damter a si nakhnga pakhat le pakhat thla i campiak ko u. Miding mi hna thlacamnak cu a hmual a òha i a òhahnem 17 Elijah cu kanmah bantuk minung a rak si ve ko; lungthin tak tein ruah sur lo dingin thla a cam i kum thum le thla ruk chung vawlei ah ruah a tla lo. 18 Cun a cam òhan i van in ruah a sur i vawlei in thlaiti an theipar òhan. 19 U le nau hna, nan lakin pakhatkhat kha biadik in a pial i pakhatkhat nih an rak hruaih òhan ahcun 20 cu bantuk misual a lam pialnak in a rak kirpi òhanmi nih cun thihnak in cu pa thlarau cu a khamh lai i sualnak tampi kha a khuh lai ti kha nan hngalh awk a si.