1 Ka u le ka nau hna, kan Bawipa Jesuh Khrih, sunparnak Bawipa a zum taktakmi nan si buin mi nan thleidang dahra? 2 Zeicahtiah nan i pumhnak ah sui kutdonghrolh le thilpuan òhaòha he mipa a rat i thilpuan chia pipi he misifak pa zong a rat ve tikah 3 thilpuan òhaòha he a rami kha mithmai òha pe in, “Zaangfahnak in hika ah hin ra òhu,” nan ti lioah misifak pa cu, “Khi ka ah khin va dir, asiloah, “Ka ke hramah hin ra òhu,” nan ti ahcun 4 nanmah lakah thleidannak nan tuah i lungput òha loin mi cungah bia nan khiak a si lo maw? 5 Ka u le ka nau hna, ngai hmanh u, Pathian nih cun amah a dawmi hna caah aa kammi pennak co dingin vawlei misifak hna cu zumhnak ah rum dingin a thim hna a si lo maw? 6 Asinain nannih nih cun sifak pa cu nan thlanglamh. An namchuktu hna kha mirum an si lo maw? Zung ah an chuahpitu hna kha anmah cu an si lo maw? 7 Upatmi min nan put tikah chiat a serhtu hna kha mah hna hi an si lo maw?

8 Cathiang ah a ummi, “Nangmah naa dawt bantukin na innpa va daw hna,” timi Pathian phung kha na tlinh taktak ahcun na caah a òha. 9 Sihmanhsehlaw mi na thleidan ahcun na sual a si i aa buarsomi, tiah phung nih sual an phawt lai. 10 Phung ningpi chungin pakhat te a buarmi paoh cu a dihlak in a buar a si. 11 Zeitintiah “Òangdangpom hlah,” a titu nih khan, “Mi va that hlah,” a ti ve. Òang dang na pom lo nain mi na thah ahcun phung buartu na si òhiamòhiam ko. 12 Zalonnak phung in biaceih a si te laimi bantukin chim u law tuah u. 13 Zaangfah a hmang lomi cungah cun zaangfah um loin biaceih a si lai, asinain biaceihnak cu zaangfahnak nih a tei ko.

14 Ka u le ka nau hna, ka zumh a ti òung i tuahnak a ngeih lo ahcun zeidah a òhahnem? A zumhnak nih cun a khamh kho lai maw? 15 Unau pa maw, far nu maw thuam chiapi in aa thuamh i nitin rawl a chambaumi kha 16 nan lak i pakhatkhat nih, “Dai tein va kal law na khim lai i fenhaih na ngei ko lai,” tiah a pum caah a herhmi zeihmanh tuah loin a ti ahcun zeidah a òhahnem hnga? 17 Cucaah zumhnak cu tuahnak a ngeih lo ahcun amah te lawng cun a thi ko.

18 Pakhatkhat nih, “Kei nih ka zumh, nang nih na tuah,” a ti ahcun kei nih cun tuahnak tel loin na zumhnak cu ka hmuhsak law kei nih ka zumhnak cu tuahnak in kan hmuhsak lai, ka ti hnga. 19 Pathian cu pakhat a si ti na zumh. A si ko, sihmanhsehlaw khuachia hmanh nih an zumh i a ther in an ther. 20 Mihrut hna, tuahnak um lo zumhnak cu a rocarmi a si ti cu hmuhsak maw nan duh? 21 A kan hringtu Abraham nih a fapa Isak cu biakòheng cungah thawinak i a pek tikah thiamcoh a sinak cu a tuahnak kha a si lo maw? 22 Zumhnak cu tuahnak he rian a òuan i zumhnak cu tuahnak nih a tlam a tlinter ti nan hmuh. 23 Cucaah Cathiang ah, “Abraham nih Pathian a zumh i cucu dinnak ah relpiak a si,” timi kha a hung tling i Pathian hawikom ti a si. 24 Mipa cu zumhnak lawng si loin tuahnak nih thiam a coh ti cu nan hmuh. 25 Cu bantukin hlawhhlangnu Rahab zong kha lamkal hna a rak lawmh hna i hmun dangin a kalter hna caah a tuahnak ruang khan thiamcoh a si lo maw? 26 Cu a si caah takpum zong thlarau lo cun a thi i zumhnak zong tuahnak lo cun a thi ve.