3
Miphun Dang Cungah Biaceihnak
1 “Khi caan ah Judah le Jerusalem cu
an vanòhatnak kha ka pek òhan hna lai.
2 Miphun vialte cu ka pumh hna lai i
Bawipa Biaceihnak Nelrawn timi ah ka kalpi hna lai.
Khika ah ka mi hna cung i an tuahmi
ruangah bia ka ceih hna lai.
Israel mi cu ramdang ah an òhek dih
hna i ka ram Israel cu an cheu dih.
3 Saltang hna kha, aho nih dah a co hna
lai, tiah camcawhfung an khiah.
Pa ngakchia kha hlawhhlangnu
man phalh awkah an zuar hna i
Nu ngakchia kha zu din awk
cawknak caah an zuar hna.
4 “Tair le Sidon le Filistia ram vialte hna, ka cungah zeidah tuah nan i timh? Ka tuahmi kha cham nan ka timh maw? Nan ka timh a si ahcun khulrang in keimah nih kan cham hna lai! Ref 3.4-8: Isa 14.29-31; 23.1-18; Jer 47.1-7; Eze 25.15-28; Amo 1.6-10; Zef 2.4-7; Zek 9.1-7; Mat 11.21-22; Luk 10.13-14
5 Nannih nih ka sui le ka ngun le ka hlawn sungsung kha nan biakinn ah nan kalpi hna.
6 Judah ram mi le Jerusalem khuami kha anmah ram in a hlatnak ah nan kalpi hna i Grik mi sinah nan zuarh hna.
7 Atu cu nan zuarh hnanak hmun chung khan ka kirpi òhan hna lai. An cung i nan tuahmi kha nan cungah ka tuah lai.
8 Nan fapa hna le nan fanu hna cu Judah ram mi hna sinah ka zuarh hna lai i annih nih lamhlatpi i a ummi Sabean mi hna sinah an zuarh chin hna lai, tiah Bawipa nih a ti.”
9 Hi thawngthanhnak hi miphun hna
sinah khan va chim tuah u,
Ral tuk awk caah i tim u,
ralkap kha au hna u,
Ralkap kha pum dih hna u law
ra u; va ti hna u.
10 Nan tuhmui cu vainam ah
ser hna u law nan hlawhkawi cu
fei ah ser hna u.
Khuazakip i a ummi miphun vialte
hna, i bawmh awkah i pum u,
A dermi nih khan, “Ka òhawng ko,”
ti hna seh law, Ref 3.10: Isa 2.4; Mik 4.3
11 Ral a chiami kha ralòha in
um hna seh.
Hriamnam i lak awkah kawhnak
thawng kha miphun vialte nih
thei hna seh law,
12 Bawipa Biaceihnak Nelrawn ah cun
ra hna seh;
Khuazakip ah a ummi miphun vialte
hna cu biaceih awkah
Khika ah keimah cu biaceihnak
òhutdan cungah ka òhu lai.
13 Rawl òuan a zat cang caah
fa-ah kha i lak tuah,
Mitsur nennak cu a khah caah
va kal law va neng tuah,
An òhat lonak cu a ngan caah
mitsur hang nennak khor cu
a liam in an liam. Ref 3.13: Biat 14.14-16, 19-20; 19.15
14 Biaceihnak Nelrawn ah mi cu
a thongthong in an um.
Bawipa Ni tuan ah a rat lainak cu
khika ah a si lai.
15 Ni le thlapa cu an mui i arfi cu
an ceu ti lo.
Judah Thluachuahnak
16 Bawipa cu Zion tlang cungin
a rung huk i
Jerusalem in khuarit in a rung ri.
Van le vawlei cu an i hnin dih,
Sihmanhsehlaw Bawipa cu
a mi hna caah cun himnak a si i
Israel mi caah cun ralhruang a si. Ref 3.16: Amo 1.2
17 “Khi tikah Israel, nangmah nih
keimah cu Bawipa Pathian
ka si kha na hngalh lai i
A thiangmi ka tlang Zion i ka um
kha na hngalh fawn lai.
Jerusalem cu khua thiang a si lai i
Ramdangmi nih an tei bal ti lai lo.
18 Khi caan a phak tikah tlang hna cu
mitsur dum nih a khuh dih hna lai i
Fing kip ah saòil run kha
an tlong lulhmalh lai.
Judah ram vialte caah ti tampi
a um lai.
Bawipa biakinn in tiva pakhat
a luang lai i
Shittim Nelrawn kha ti a pek dih lai.
19 Sihmanhsehlaw Izipt ram cu
thetse ram ah a cang lai i
Edom ram cu chuahtakmi ram,
ram pakpalawng ah a cang lai;
Zeicahtiah Judah ram kha hranhram
loin an rak tuk i
A chungah a sual lomi thisen kha
an rak chuah hna.
20-21 An thahmi hna kha an phu
ka hlam hna lai i
A thattu hna kha ka luatter hna lai lo.
Khi tikah Judah ram le Jerusalem
khua cu mi nih an umnak
zungzal cang hna lai i,
Bawipa cu Zion Tlang cungah
khua a sa lai.”