8
Gideon Nih Midian Siangpahrang A Tlaih Hna
1 Cun Efraim mi nih amah cu, “Kan cung i na tuahmi hi zeidah a si, zeicahdah Midian doh awkah na kal tikah na kan kawh ve lo?” tiah an ti. Cun fak piin an sik.
2 Cun anih nih annih cu, “Nanmah he tahchunh awktlak in zeidah ka tuah? Efraim mitsur muasuat cu Abiezer mitsur lawh lingcingpi nakin a òha deuh lo maw?
3 Pathian nih nan kut chungah Midian bawi Oreb le Zeeb cu an pek cang hna; nannih he tahchunh awktlak in kei nih zeidah ka tuah khawh?” tiah a ti hna. Cu tikah cu bia a hun chim tikah, a cung i an thinhunnak cu a dai. Ref 8.3-5: Slm 83.11
4 Cun Gideon le a sin i a ummi 300 hna cu Jordan tiva cu an phan i an tan, an ba ko, sihmanhsehlaw an dawi lengmang ko hna.
5 Cucaah Sukkoth khuami hna sinah cun, “Zaangfahnak in keimah a ka zultu hna kha changreu rak pe hna u; zeicahtiah an baa cang i Midian siangpahrang Zebah le Zalmunna kha ka dawi òung hna,” tiah a ti.
6 Cun Sukkoth khua chung upa hna nih cun, “Zebah le Zalmunna cu na kut chungah maw an um cang i changreu na ralkap kan pek hna hnga cu?” tiah an ti.
7 Cun Gideon nih, “Si ko seh, Zebah le Zalmunna cu Bawipa nih ka kut chung i a ka pek hna tikah ramlak i hling le so ah nan taksa cu kan cilchih te hna lai,” tiah a ti.
8 Cun khika in Penuel ah a hung kal i cu bantuk òhiamòhiam in a hung chimh ve hna; cun Penuel mi hna nih cun Sukkoth mi hna nih an leh bang khan an rak leh ve.
9 Cun Penuel mi hna cu, “Daihnak in ka rat òhan tikah hi innsang hi ka chimh lai,” tiah a ti hna.
10 Cun Zebah le Zalmunna cu an ralkapbu he Karkor ah an um, 15-000 tluk an si, Nichuahlei mi ralkap vialte chungin nam tlaimi 120-000 an thih cang caah a tangmi dihlak cu mah hihi an si.
11 Cun Gideon cu, a bu in khualtlawnnak lam, Nobah le Jogbehah nichuahlei khan a hung kal i ralkapbu a hung tuk hna; ralkap cu hnangam tuk in an rak um.
12 Cun Zebah le Zalmunna cu an zam; cun a dawi hna i Midian siangpahrang pahnih Zebah le Zalmunna cu a tlaih hna i ralkap vialte cu i comcawroi loin a tuah dih hna.
13 Cun Joash fapa Gideon cu raltuknak hmun khan Heres cho lei cun a kir.
14 Sukkoth khuami tlangval pakhat kha a tlaih i bia a hal; amah nih cun Sukkoth khuachung bawi le upa vialte, 77 cu, a òialpiak dih.
15 Cun Sukkoth mi sinah cun a ra i, “ ‘Zebah le Zalmunna cu na kut chungah maw an um cang i kannih nih a bami na mi hna cu changreu kan pek hna hnga,’ tiin nan bia eng i nan rak ka tinak Zebah le Zalmunna hi zoh tuah hna ngat u,” tiah a ti hna.
16 Cun khuachung upa cu a tlaih hna i ramlak hling le so cu a lak hna, hling le so cun Sukkoth khuachung mi hna cu a cawnpiak hna.
17 Cun Penuel innsang kha a chimh i khuachung mi kha a thah hna.
18 Cun Zebah le Zalmunna cu, “Tabor i nan thahmi hna kha khuazei ah dah an um?” tiah a ti hna. Annih nih, “Nangmah bantuk hi an si ve ko, an dihlak in; siangpahrang fapa an lo hna,” tiah an leh.
19 Cun anih nih, “Annih cu ka unau an si, ka nu fapa an si. Bawipa a nun bangin, annih cu a nung in rak zuah hna u law cu, kan that hna hnga lo,” tiah a ti.
20 Cun a fapa upa bik Jether sinah cun, “Tho law, that hna,” tiah a ti. Sihmanhsehlaw tlangval nih cun a vainam aa zuh lo; tlangvalte a si rih caah a òih.
21 Cun Zebah le Zalmunna nih cun, “Nangmah kha tho law, kan that ko; zeitintiah mi cu patling a si bangin pei a thazang zong cu a si ve cu,” an ti. Cun Gideon cu a tho i Zebah le Zalmunna cu a thah hna; cun an kalauk hngawng i oihmi òhi cu a lak hna.
22 Cun Israel mi nih Gideon cu, “Nangmah nih kan uk tuah, nangmah le na fapa le na tu tiangin; zeicahtiah nangmah nih Midian kut chungin na kan chuah,” tiah an ti.
23 Gideon nih annih cu, “Keimah nih kan uk hna lai lo, ka fapa zong nih an uk hna lai lo; Bawipa nih an uk hna lai,” tiah a ti hna.
24 Cun Gideon nih annih cu, “Thil pakhat bel hal kan duh ko hna; nan dihlak in nan hranchaw chung i hnatonh kha ka pe cio tuah u,” tiah a ti hna. (Zeitintiah Ishmael mi an si caah sui hnatonh an ngei.)
25 Cun annih nih, “Lunglawm tein kan in pek ko lai,” tiah an leh. Cun puan an phah i an dihlak in an hranchaw chung i hnatonh cu, cu chungah cun an chiah cio.
26 Cun a halmi hna sui hnatonh hna cu sui shekel 1-700 a si: òhi le kutkhih le Midian siangpahrang hna nih an i aihmi puan sen duk hna le an kalauk hna i an hngawng i an i oihmi hngawngoih hna lengah.
27 Cun mah cu cun Gideon nih tlangbawi angki a ser i amah khua, Ofrah khua ah cun a chiah; cun mah cucu Israel mi vialte nih hlawhhlang an celhhnawh i Gideon le a innchungkhar caah foihnak ah a cang.
28 Cu bangin Midian cu Israel mi hna hmaiah tei a si i an lu kha an hler ti lo. Cun Gideon chan chungah ram cu kum 40 dinhnak a hmu.
29 Joash fapa Jerubbaal cu a kal i amah innte ah a um.
30 Gideon nih fapa 70, amah hrinmi hrimhrim a ngeih hna, zeicahtiah nupi tampi a ngei.
31 Cun a nupi chun, Shekhem i a ummi zong nih fapa a hrinpiak i a min ah Abimelek a sak.
32 Cun Joash fapa Gideon cu tar tlung in a nung i a thi, a pa Joash thlan ah, Abiezer mi hna khua Ofrah khua ah an vui.
33 Gideon a thih cangka tein Israel mi cu an i mer hoi i Baal kha hlawhhlang an celhhnawh hoi hna i Baal-berith kha an pathian ah an ser.
34 Cun Israel mi nih, an velchum i a ummi an ral hna kut in a chanhtu hna Bawipa an Pathian kha, an cing ti lo;
35 cun Jerubbaal (cucu Gideon kha a si) innchungkhar cung zongah khan, Israel mi cung i òhatnak a tuahmi vialte caah khan, zaangfahnak an langhter lo.