3
Israel Hneksak Awkah A Taangmi Miphun Hna
1 Mah miphun hna hi Bawipa nih Kanaan ram chung i raldohnak zeihmanh a hngal lomi Israel mi vialte kha, hneksaknak ding ca i a nganhtami cu an si;
2 Israel mi tefa hna nih raldohnak an hngalh nakhnga ca lawng le, cu hlan i raltuk a rak hngal bal lomi hna tei kha raldohnak a cawnpiak hna nakhnga ca lawngah a si.
3 Cu miphun hna cu mah hihi an si: Filistin mi hna bawi panga le Kanaan mi vialte le Sidon mi hna le Lebanon Tlang i a ummi Hiv mi hna, Baal-hermon Tlang in Hamath luhnak tiang.
4 Bawipa nih Moses in an pupa hna nawlbia a rak pekmi hna kha an ngai lai maw ngai lo ti hngalh nakding caah, cu hna cu Israel mi hneksaknak caah an si.
5 Cuticun Israel mi hna cu Kanaan mi le Hit mi le Amor mi le Periz mi le Hiv mi le Jebus mi hna lakah cun an um i,
6 an fanule cu nupi ah an òhit hna i an fanu hrimhrim hna cu, cu hna i an fapale sinah khan an pek hna; cun an pathian zong kha an biak hna.
Israel Mi Kushan-rishathaim Kut Chungin A Luatter Hna
7 “Cun Israel mi nih Bawipa mithmuh i thil òhalo kha an tuah, Bawipa an Pathian kha an philh i Baal hna le Asherah hna rian kha an òuan hna.
8 Cucaah Bawipa thinhunnak cu Israel mi cungah a alh i Mesopotamia siangpahrang Kushan-rishathaim kut chungah khan a zuarh hna; cucaah Israel mi nih cun Kushan-rishathaim cu kum riat an rianh.
9 Sihmanhsehlaw Israel mi nih cun Bawipa kha an auh tikah Israel mi caah cun Bawipa nih chuahtu pakhat a hun umter; amah nih cun a chuah hna, amah cu Kaleb nau Kenaz fapa Othniel a si.
10 Bawipa thlarau cu a cungah a tlung i Israel cu bia a ceih hna; raldoh awkah khan aa thawh i Mesopotamia siangpahrang Kushan-rishathaim kha Bawipa nih a kut chungah a pek; Kushan-rishathaim kha a tei.
11 Cucaah ram cu kum 40 aa din. Cun Kenaz fapa Othniel cu a thi.
Edud Nih Moab Mi Kut Chungin A Luatter Hna
12 Cun Israel mi nih Bawipa mithmuh i thil òhalo cu an tuah òhan; cun Bawipa nih Moab siangpahrang Eglon cu Israel mi doh awkah a òhawnter, zeicahtiah Bawipa mithmuh i thil òhalo kha an tuah.
13 Ammon mi hna le Amalek mi hna kha a pumh hna i a kal i Israel kha a tei; cun ungkung khua kha an lak.
14 Cun Israel mi nih Moab siangpahrang Eglon cu kum hlei riat an rianh.
15 Sihmanhsehlaw Israel mi nih Bawipa kha an auh tikah annih cu Bawipa nih cun chuahtu pakhat a serpiak hna, Benjamin phun Gera fapa Ehud, kehtlak kha a si. Israel mi nih amah cu Moab siangpahrang Eglon sinah ngunkhuai an phorhter.
16 Cun Ehud nih cun kap hnih har nam, dong khat a saumi cu aa ser i a puan tangah a orhlei phei ah aa thlaih.
17 Cun Moab siangpahrang Eglon cu ngunkhuai cu a pek. Eglon cu mi thau ngai a si.
18 Cun Ehud nih ngunkhuai kha a pek dih tikah ngunkhuai a phortu hna kha a kalter hna.
19 Sihmanhsehlaw anih tu cu Gilgal khua pawng i lung suaimi hna umnak khan a kir òhan i, “Maw siangpahrang, nangmah caah biathlite pakhat ka ngei,” tiah a ti. Cun, “Dai u,” tiah nawl a pek hna. Cun a sinum vialte cu a sinin an chuak dih.
20 Cun inncung thlan daihnak dal chung i a òhut lioah Ehud cu a sinah a ra. Cun Ehud nih, “Nangmah caah Pathian sinin bia pakhat ka ngei,” tiah a ti. Cun a òhutdan in a hung tho.
21 Cun Ehud nih a kehlei kut in a vun i purh i a orhlei phei i nam kha a vun lak i a paw ah a sawh;
22 a hlok zong a pil dih, cun a thau nih nam cu a khuh; zeitintiah a paw i nam kha a phawi lo; a hnulei ah a tleng.
23 Cun Ehud cu innleng ah a chuak i thlandaihnak dal innka cu a khar khumh i a hrenh hna.
24 A kal hnuah a sinum kha an ra; thlandaihnak dal innka hna cu an i hrenh kha an hmuh tikah, “Thlandaihnak dal chung i khaan pakhat ah a zung i a si lai hi ta,” tiah an ruah.
25 An khuaruah a har cikcek tiang an ngan; thlandaihnak dal innka hna cu a hun hlei lo tikah khan tawh kha an i lak i an hun hna; cun cuka ah cun zelòuang ah an bawipa cu a ruak in a rak ril ko.
26 Kha ti i an ngan lengmang chungah khan Ehud cu a rak zam diam i lung suaimi hna kha a lonh hna i Seirah ah a le.
27 A phak tikah Efraim tlangram ah cun muko a tum i Israel mi hna cu amah he tlangram cun an vung kal i amah nih cun a hrui hna.
28 Cun anih nih, “Ka zul u; zeitintiah nan ral Moab mi hna cu Bawipa nih nan kut chungah an pek cang hna,” tiah a ti hna. Cucaah an vun zulh i Moab ram zawn i Jordan tannak hna kha an tlaih hna i mi pakhat hmanh an tanter hna lo.
29 Cun cu tan ah cun Moab mi cu 10-000 tluk an thah hna, a òhawngmi le ralòhami lawngte an dihlak in an si; pakhat hmanh an luat lo.
30 Cucaah cu ni ah cun Moab cu Israel kut tangah an sung. Cun ram cu kum 80 chung aa din.
Shamgar Nih A Luatter Hna
31 Amah hnuah cun Anath fapa Shamgar a hung si, Filistin mi 600 caw tuknak fung in a thah hna; amah zong nih Israel kha a luatter ve.