16
Gaza Khua Ah Samson
1 Samson cu Gaza ah a va kal i khika ah hlawhhlangnu pakhat a hmuh i a va ihpi.
2 Gaza mi hna cu, “Samson hika ah a ra,” tiah an chimh hna i annih nih a hmun kha an kulh i khua hauka khan zan khuadei an bawh. Zan khuadei dai tein an um i, “Zinglei khua a dei tiang hngak u sih; cun khi tikah kan thah lai,” an ti.
3 Sihmanhsehlaw Samson cu zanòim tiang a it i zanòim ah cun a tho i khua kutka innkhar hna le a tung pahnih hna kha a tlaih hna i a hrenhnak hna he cun an dihlak in a phawi hna i a liang ah aa khinh hna i Hebron hmai i a ummi tlangpar ah cun a kalpi hna.
Samson le Delilah Kong
4 Mah hi hnuah hin Sorek nelrawn i a ummi nu pakhat, a min Delilah a simi kha a duh.
5 Cun Filistin bawi hna kha a sinah an ra i, “Lem law, a thazang òhapi hi khuazei ah dah a um i zei lam in dah kan tei khawh i kan òem khawh i kan hrilh khawh lai, hngalh i zuam tuah; cun kannih nih ngun phar 1-100 cio kan in pek lai,” tiah an ti.
6 Cun Delilah nih Samson cu, “Zaangfahnak tein khuazei ah dah na thazang nganpi hi a um i tei khawh na si nakhnga zeitindah òem na si hnga, ka chim tuah,” tiah a ti.
7 Cun Samson nih anih cu, “Liza a thar pasarih, a ro rih lomi in ka òem hna seh law ka der lai i midang bantuk cio ka si ko lai,” tiah a ti.
8 Cun Filistin bawi hna nih cun a ro rih lomi liza a thar pasarih cu an rak put i cu cun a òem.
9 Innchung chungchin in a bawhtumi a umter hna. Cun anih nih, “Samson, Filistin mi nih an in luhhnawh hih!” tiah a ti. Sihmanhsehlaw liza hna cu, khumhri phuai mei nih a tongh i a cah bak bantuk khin a chah bak ko hna. Cucaah a thazang biathli cu hngalh a si lo.
10 Cun Delilah nih Samson sinah cun, “Zohhmanh, na ka hlen i lih na ka chimh; zeitindah òem khawh na si lai cu ka chim ko sawh,” tiah a ti.
11 Cun anih nih a sinah, “Hman bal lomi hri a tharmi in an ka òem ahcun, ka der lai i midang bantuk ka si ve ko lai,” tiah a ti.
12 Cucaah Delilah nih hri thar cu a lak hna i amah cu cu hri cun a òem i, “Samson, Filistin mi nih an in tlaih cang lai hih!” tiah a ti. Cun a bawhtu hna cu innchung chungchin ah an um. Sihmanhsehlaw a kut òemnak hri cu lazai bantuk men in a chah hna.
13 Cun Delilah nih Samson cu, “Atu tiangin na ka hlen lengmang ko i lih na ka chimh; zeitindah òem khawh na si hnga, ka chim ko,” tiah a ti. Cun anih nih, “Ka lu cung samphiar phiar sarih hi thiam ah na tah chih i tahtlem in fek tein na khawn chih ahcun ka der lai i midang bantuk ka si ve ko lai,” tiah a ti.
14 Cucaah a ih karah, Delilah nih cun a lu cung samphiar phiar sarih cu a lak hna i thiam ah a tah chih. Cun tahtlem in fek tein a khawn chih i, “Samson, Filistin mi nih an in tlaih cang lai hih!” tiah amah cu a ti. Sihmanhsehlaw aa hngilhnak in a hun i hlau i tahtlem he, a tlang he, a thiam he a phawi dih hna.
15 Cun anih nih a sinah, “Na lung ka sinah um òung loin, zeitindah, ‘Kan dawt,’ tiah na ti khawh? Atu voi thum tiang na ka hlen cang i na thazang nganpi a umnak cu na ka chim lo,” tiah a ti.
16 Cun ni khat hnu ni khat a bia in a rial lengmang i a lem lengmang tikah, a lungthin cu thih tiangin a ing a puang.
17 Cun a ruahnak vialte kha a chimh i a sinah, “Lu-ei nam zeihmanh nih ka lu a tawng bal lo; zeicahtiah kei cu ka nu paw chungin Pathian ca i Nazir mi ka si. Ka lu hi meh ahcun ka thazang nih hin a ka kaltak lai i ka der lai i midang bantuk cio ka si ve ko lai,” tiah a ti.
18 Delilah nih a ruahnak vialte kha a ka chimh dih cang, tiah a hngalh tikah, Filistin bawi hna kha bia a cah hna i a auh hna i, “Atu voi khat te cu hung rih tuah u, zeitintiah a ruahnak vialte a ka chimh dih cang,” tiah a ti. Cun Filistin bawi hna cu a sinah an hung i an kut in phaisa kha an i put.
19 A phei chungah a ihter i mipa pakhat a auh i a lu cung i a sam phiar sarih cu a mehter. Cun hrem hram kha a thawk i a thazang nih khan a kaltak cang.
20 Cun amah nih cun, “Samson, Filistin mi nih an in tlaih cang lai hih!” tiah a ti. Cun aa hngilhnak cun a hun i hlau i, “Voi dang bantuk khan ka chuak lai i keimah le keimah kaa luatter lai,” tiah a ti. Cun anih nih, Bawipa nih a kaltak cang kha a hngal lo.
21 Cun Filistin mi nih an tlaih i a mit an khoih i Gaza ah an vun kalpi i dar hreng an khenh; cun thonginn chungah rawl rialnak lung in rawl kha an rialter.
22 Sihmanhsehlaw a lu i a sam cu meh hnuah khan òhan òhan hram a thawk ve.
Samson Thihnak
23 Cun Filistin bawi hna cu an pathian Dagon sin i raithawinak nganpi pek awk le nuamhnak tuah awkah an i pum; zeitintiah annih nih, “Kan pathian nih kan ral Samson cu kan kut chungah a kan pek cang,” tiah an ti.
24 Cun mi nih an hmuh tikah khan an pathian kha an thangòhat i, “Kan pathian nih kan ral, kan ram a hrawkhraltu le tampi a kan thattu cu kan kut chungah a kan pek cang,” tiah an ti.
25 Cun an lung kha aa lawmh tikah annih nih, “Samson kha va ko tuah u, nunnuam kan tuahpiak seh,” tiah an ti. Cucaah Samson cu thong chung khan an auh i an hmaiah nunnuam cu a tuahpiak hna. Tung karlak ah khan an dirter i
26 Samson nih cun a kut in a tlaitu tlangval sinah cun, “Hi inn a sut tung hna cu ka tawnghter tuah hna, kaa hngauh tuah hna lai,” tiah a ti.
27 Inn cu pa he nu he an khat; Filistin bawi vialte hna cu khika ah an um, cun inncung ah cun Samson nih nunnuam a tuah lioah a zohtu nu le pa 3-000 tluk an um.
28 Cun Samson nih Bawipa kha a auh i, “Maw Bawipa Pathian, ka hngal òhan ko, tiah kan nawl, ka òhawnter òhan ko, tiah kan nawl, hi voi khatte hi cu, maw Pathian, Filistin mi hna cungah hin ka mit pahnih lak i pakhat caah hin phu ka hlam nakhnga, ka òhawnter ko,” tiah a ti.
29 Cun cu inn a dohtu bik a laifang tung pahnih hna cu, Samson nih fek tein a tlaih hna i, a orhlei kut in pakhat a kehlei kut in pakhat a tlaih hna i, a koih hna.
30 Cun Samson nih, “Filistin mi hna sinah hin thi ning luao,” tiah a ti. Cun a thazang dih umnak in a kun i, inn nih cun a chung i a ummi bawi hna le mi vialte hna cu a cimhhnawh hna. Cucaah a thih chihmi mithi hna cu, a nun chung i a thahmi hna nakin an tam deuh.
31 Cun a unau hna le a innchungkhar vialte an rung i an lak i an hun kalpi i Zorah le Eshtaol karlak i a ummi a pa Manoah thlan ah khan an vui. Israel mi kha kum kul bia a ceih hna.