13
Samson Hrinnak
1 Cun Israel mi nih Bawipa mithmuh i a òha lomi kha an tuah òhan hoi i Bawipa nih Filistin mi kut chungah kum 40 a pek hna.
2 Cun Zorah khuami pakhat, Dan phun a simi, a min Manoah a simi cu a um i a nupi cu a cing i fa a ngei lo.
3 Cun Bawipa vancungmi cu minu sinah cun a lang i amah sinah cun, “Zohhmanh, na cing i fa na ngei lo; sihmanhsehlaw fa na pawi lai i fapa na hrin lai.
4 Cucaah i ralring tuah, mitsur zu siseh, a òhawngmi zu siseh na ding lai lo i a thianglo zeihmanh na ei lai lo,
5 zeitintiah, zohhmanh, fa na pawi lai i fapa na hrin lai. Lu mehnak nam nih a lu a tawng lai lo, zeicahtiah ngakchiapa cu a chuahka in Bawipa ca i Nazir mi a si lai; cun amah nih Israel mi cu Filistin mi hna kut chungin chuah hram a thawk lai,” tiah a ti.Ref 13.5: Nam 6.1-5
6 Cun nu cu a ra i a va kha a chimh, “Pathian mi pakhat ka sinah a ra i a muisam cu Pathian vancungmi muisam bantuk a si, òih a nung ngaingai ko; khuazei in a si kha ka hal lo i a min kha a ka chim lo;
7 sihmanhsehlaw ka sinah, ‘Zohhmanh, fa na pawi lai i fapa na hrin lai; cucaah mitsur zu siseh, a òhawngmi zu siseh ding hlah, cun a thianglo zong zeihmanh ei hlah, zeitintiah ngakchiapa cu a chuahka in a thih tiang Pathian caah Nazir mi a si lai,’ a ti,” tiah a ti.
8 Khi tikah Manoah nih Bawipa kha a nawl òhan i, “Maw Bawipa, Pathian mi na rak thlahmi kha kan sinah ra òhan ko seh law, a chuak lai dingmi ngakchia cu zeitindah kan tuah lai ti kha kan cawnpiak seh tiah kan nawl,” tiah a ti.
9 Cun Pathian nih Manoah aw cu a ngaih i Pathian vancungmi cu minu sinah khan, lo i a òhut lioah a ra òhan; sihmanhsehlaw a va Manoah cu a sinah a um lo.
10 Cun nu cu khulrang in a le i a va kha a chimh i, “Zohhmanh, kan hnulei i ka sin i a rami kha ka sinah a lang òhan,” tiah a ti.
11 Cun Manoah cu a tho i a nupi cu a hei zulh i mipa sin cu a phan i a sinah, “Hi minu sin i bia a chimtu kha nangmah na si maw?” tiah a ti. Cun anih nih, “Ka si,” tiah a ti.
12 Cun Manoah nih, “Na bia cu a tlin tikah ngakchiapa cu zeitindah a umtu ningcang a si lai i zeidah a tuah lai?” tiah a ti.
13 Cun Bawipa vancungmi nih cun, “Minu sin i ka chimmi vialte kha i ralring seh.
14 Mitsur ruang in a chuakmi paohpaoh ei hlah seh, cun mitsur zu siseh, a òhawngmi zu zong siseh ding hlah seh, cun a thianglo zeihmanh ei hlah seh; nawl ka pekmi vialte kha amah nih ul seh,” tiah a ti.
15 Manoah nih Bawipa vancungmi cu, “Zaangfahnak tein, in tlai u si law, meheh fa pakhat in in timhtuahpiak u sih,” tiah a ti.
16 Cun Bawipa vancungmi nih Manoah sinah cun, “Ka tlai hmanh law, na rawl cu ka ei lai lo; sihmanhsehlaw khangh thawinak kha na timh a si ahcun Bawipa sinah pechan ko,” tiah a ti. (Zeicahtiah Manoah nih amah kha Bawipa vancungmi a si cu a hngal lo.)
17 Cun Manoah nih Bawipa vancungmi sinah cun, “Na bia kha an tlin tikah kan in hmaizah nakhnga, na min ahodah a si?” tiah a ti.
18 Cun Bawipa vancungmi nih cun amah sinah, “Zeicahdah ka min na ka hal, khuaruahhar a si tiah na hngalh ko òung?” tiah a ti.Ref 13.18: Gen 32.29
19 Cucaah chang thawinak he tiah meheh fa cu Manoah nih a lak i lungpi cungah Bawipa sinah a pekchanh, khuaruahharnak a tuahtu sinah cun.
20 Cun biakòheng cungin meizik cu van i a kai lioah, Manoah le a nupi nih an zoh ko lioah khan, Bawipa vancungmi cu biakòheng meizik chung cun a kai, cun vawlei ah an bawk.
21 Bawipa vancungmi cu Manoah le a nupi sinah a lang ti lo. Cucaah Manoah nih Bawipa vancungmi a si kha a hngalh.
22 Cun Manoah nih a nupi sinah khan. “Kan thi òheoòheo lai, Pathian kha kan hmuh caah,” tiah a ti.
23 Sihmanhsehlaw a nupi nih amah cu, “ Bawipa nih thah a rak kan timh a si ahcun, khangh thawinak le chang thawinak kha kan kut chungin a kan cohlanpiak hnga lo, cun hi thil vialte zong hi a kan hmuhsak hnga lo i hi bantuk thil hna zong hi a kan chim hnga lo,” tiah a ti.
24 Cun nu nih cun fapa a hrin i a min ah Samson a sak; cun ngakchiapa cu a òhang i Bawipa nih thluachuahnak a pek.
25 Cun Bawipa thlarau nih Zorah le Eshtaol karlak i a ummi Mahaneh-dan hmun ah khan amah cu cawlcanghter hram a thawk.