8
Bildad Nih Pathian Dinnak Òanh In A Chim
1 Cun Shuh mi Bildad nih a leh i:
2 “Zei can dah hi thil hna hi
na chim lengmang hna lai i
Tar tlawhciar in na tlawhciar
lengmang ko lai?
3 Pathian nih biading cu
a merh bal maw?
Asiloah, Lianngan Bik nih
a dikmi cu a merh bal maw?
4 Na fale hna nih a cungah
an sual caah
An òhat lonak dantatnak kha
an cungah a tlunter.
5 Pathian kha na kawl i
Lianngan Bik kha na kawl i,
6 Nangmah cu na thian i
na din ahcun,
Na caah aa hlau hrimhrim lai i
a dingmi naa tinhnak cu
a tlinter lai.
7 Cun naa thawknak cu
hme hmanh seh law,
na donghnak lei cu a ngan lai.
8 “Zeicahtiah a liam ciami
chan hna kha hal hna law,
Kan pupa hna nih zeidah
an hmuhmi a si kha
ruat hmanh;
9 Kannih cu nizan mi ceote kan si ko i
zeihmanh kan hngal lo,
Zeicahtiah vawleicung kan ni hna cu
thladem men an si ko.
10 Annih nih nangmah cu
an in cawnpiak in an in chim in,
an hngalhnak cu an in chim
11 “Cerh um lonak hmun ah papairi
kung cu a òhang kho maw?
Ti um lonak hmun ah phaikung cu
a òha kho maw?
12 An par liopi le pheh an cut hlanah
Ramkung dang hna hlanah
tuan deuh ah an car.
13 Pathian a philhmi hna cu
an dihlak in
cu bantuk cu an si;
Pathian zei ah a rel lomi hna cu
an nunnak hri a cat.
14 Anmah le anmah
an i bochannak cu
manmarang aa zammi
bantuk a si i
An hngatchanmi cu sawmpalak
bu men a si.
15 A inn kha aa hngauh, sihmanhsehlaw
a inn cu a dir kho lo;
A tlaih, sihmanhsehlaw a tlu òhiamòhiam.
16 A thingkung cu hring dutmat in
nitlang ah khan a òhang i
A nge hna cu dum lengah khan
an chuak.
17 Sihmanhsehlaw a hram nih lungpon
a ngerh i lungtlap kha an i ton.
18 Cun mi pakhat nih a umnak hmun
khan a phawi i
A umnak hmun nih cun, ‘Nangmah
cu kan hngal bal lo,’ tiin a hlawt.
19 Mahticun a nunnak cu a uai i
Vawlei chung khan thingkung dang
20 “Zohhmanh, Pathian nih cun
soisel awk um lomi cu
a hlaw lai lo,
òhat lonak a tuahmi hna kha
a domh fawn hna lai lo.
21 Na ka cu nihnak in a khahter
te ko rih lai i
Na hmur cu lawmhnak aunak in
a khahter te ko lai.
22 Nangmah an huami cu
ningzahnak in thuamh an si lai i
Miòhalo hna thlam cu
a um ti lai lo,” tiah a ti.