42
Job Nih Aa Phuannak le Pathian Nih A Cohlannak
1 Khi tikah Job nih Bawipa cu
a leh i:
2 “Nangmah nih zeizong vialte
na tuah khawh i
Na tinhmi cu dawnh khawh a si lo
ti kha ka hngalh.
3 Sihmanhsehlaw ka hngalh lomi
thil lianngan kha ka chim hna i
Kei i hngalh awkah khuaruahhar tuk
a simi kha ka chim hna. Ref 42.3: Job 38.2
4 ‘Ngai law ka chim lai,
bia kan hal lai i
na ka chimh lai.’ Ref 42.4: Job 38.3
5 Hna theihnak lawngin nangmah cu
ka rak in theih,
Sihmanhsehlaw atu cu ka mit in
kan hmuh cang;
6 Cucaah keimah le keimah cu
kaa hua i
leidip le vutcam lakah òhu in
kaa ngaihchih,” tiah a ti.
7 Bawipa nih Job sinah bia a chim dih tikah, Teman mi Elifaz kha a thawh i “Nangmah le na hawile pahnih cungah ka thin a hung, zeicahtiah ka kong kha nan chim awk hnga bangin ka sal Job nih a chim bantukin nan chim lo.
8 Cucaah cawtum pasarih le tuukawng pasarih in i lak hna u law ka sal Job sinah va kal u law nan caah khangh thawinak va pechan u; cun ka sal Job nih thla an campiak hna lai, zeicahtiah ka sal Job nih ka kong ah a dikmi bia a chim bantukin nannih nih nan chim lo ruangah nan hruhnak bantukin nan cungah ka tuah nakhnga lo amah thlacamnak cu ka cohlan lai,” tiah a ti.
9 Cucaah Teman mi Elifaz le Shuh mi Bildad le Naamath mi Zofar cu an kal i Bawipa nih a chimhmi hna cu an tuah i Bawipa nih Job thlacamnak cu a cohlan.
10 Cucaah Bawipa nih Job cu a vanòhatnak kha a pek òhan i a ngeihmi kha a let hnih in a pek òhan. Ref 42.10: Job 1.1-3
Job Cu A Rum Òhan
11 Cun a sinah cun a unau vialte le a farle vialte le hlanlio i amah theihhngalh a rak simi vialte kha an ra i a inn ah cun amah he khan rawl an ei òi; cun a cung i Bawipa nih òhat lonak a tluntermi vialte ruangah khan annih nih amah cu an hramh i an hnemh; cun tuu pakhat le sui kutdonghrolh pakhat cio an pek.
12 Cun Bawipa nih Job cu a chan a donghlei kha a thawk lei nakkhan thluachuahnak tam deuh in a pek i tuu 14-000, kalauk 6-000, cawtum tuah 1-000 le laapi 1-000 a ngei.
13 Fapa pasarih le fanu pathum zong a ngeih hna.
14 Cun upa bik nu cu Jemimah, pahnihnak cu Keziah, a pathumnak cu Keren-happuk tiah min a sak hna.
15 Vawlei cung dihlak ah Job fanu tlukin aa dawhmi nu an um lo i an pa nih khan an òale sinah ro a pek ve hna.
16 Cun hi hnuah hin Job cu kum 140 a nung i a fapa hna le a fapa hna i fapa hna kha a hmuh hna, chan li tiang.
17 Cun Job cu tar ngaiin, chan tling cikcek in a nung i a thi.