31
Job Nih A Sual Lonak Kha A Chim
1 “Ka mit kha, ngaknu na ngia
hrimhrim lai lo, tiah ka ti.
2 Cunglei i a ummi Pathian sinin
ka covo cu zeidah a si lai i
Cungsang i a ummi Lianngan Bik
sinin ka ro cu zeidah a si lai?
3 Vanchiatnak nih hin miding lomi
a tlunhnawh hna lo maw?
Chiatnak nih hin òhat lonak a tuahtu
a tlunhnawh hna lo maw?
4 Sihmanhsehlaw Pathian hrimhrim nih
ka lam kha a zoh hna in ka kehlan
vialte kha a rel dih hna lo maw?
5 “Lih in rian òuannak ah kaa tel lo i
hlennak lam kha ka zul lo,” tiah
chiat ka ser.
6 Pathian nih dinnak cuaithlainak
ah cun ka thlai seh law
ka sual lo kha a hngalh ko lai.
7 Lam khan ka kehlan cu a pial i
ka lung nih ka mit kha a zulh i
ka kut ah hin hnawm
aa benh ahcun,
8 Ka tuhmi cu midang nih
ei hna seh law
ka cinthlakmi cu phawi si ko seh.
9 Cun nu dang nih ka lungthin kha
a ka lak i ka innpa innka in
ka hngah ko a si ahcun,
10 Ka nupi cu midang sal ah cang seh
law midang nih ihpi ko hna seh.
11 Sihmanhsehlaw cucu thil òha lo,
phung hmai i sualnak,
12 Ka cinthlakmi vialte a kangh i
a hrawk dihtu ding mei a si.
13 Ka salpa siseh, ka salnu siseh,
ka cung i an phunzai tikah
an bia ka lakpiak hna lo ahcun,
14 Pathian a langh tikah zeidah ka tuah
kun lai?
Biahalnak a ser tikah zei in dah
ka leh lai?
15 Paw chung i a ka sertu nih cun
anmah cu a ser ve hna lo maw?
Pathian pakhat nih paw chungah
a kan ser cio a si lo maw?
16 Sifakmi nih a duhmi kha sian loin ka
um i nuhmei mit kha ka zetter i,
17 Ngakòah kha pek ve loin keimah
lawng nih ka rawl kha ka ei i §
18 A ngakchiat lio tein a ka upatmi
ngakòah, a chuahka in
ka zohkhenhmi kha §
19 Puan ngeih lo ruangah a thimi
ka hmuh i, i aih awk a ngei lomi
misifak ka hmuh i,
20 Cu pa cu ka tuuhmul in lumnak
a hmuh lo caah amah nih cun
thluachuahnak hmu ko,
a ka ti lo ahcun,
21 Zung ah mi nih an ka bawmh sawk lai
tiin ngakòah cungah
ka kut ka hler ahcun,
22 Ka liang hi a hram in tlong seh law
Ka ban cu a hliahhlok in
i phawi seh.
23 Pathian òihnak cu ka cungah a um i
a lianhngannak cu ka òih caah
hi thil cu ka tuah ngam hna lo.
24 Rumnak kha kaa bochan bal lo i,
thilri in ka rumnak ah
uanthlarnak zong ka ngei lo.
25 Ka chawva a tam caah le ka rumnak
a karh caah kaa lawm i
26 Ni cu a tlan tikah ka zoh i thlapa cu
a sunparnak in a kal tikah ka zoh i,
27 Ka lung cu a pingah kalpi a si i
anmah upatnak in ka kut
ka hler hna ahcun,
28 Hi hna hi, biaceihtu hna nih dan an tat
awk òhat lonak an si ko hnga,
Zeicahtiah cunglei Pathian sinah
zumh awktlak loin ka rak um
a si hnga.
29 Ka ral nih fahnak an in tikah
kaa lawm bal lo,
rawhralnak an ton tikah,
diriam in ka um bal lo;
30 An thih nakhnga tiin thlacamnak in
sualnak ka tuah bal lo.
31 Ka sin i rian a òuanmi dihlak nih,
khualtlung ka donh bal hna lo le
32 Khualtlawngmi kha ka inn chungah
ka riahter hna i khualak lam ah
ka riahter bal hna lo kha
an hngalh.
33-34 Zapi congoih kha òih in ka minung
hawi nihsawh kha ka phan caah
Midang nih òhat lonak an tuahmi
an thuh bangin ka thup bal maw?
Ka sualnak cu keimah theih awk
lawngah ka chia bal maw?
35 Keimah chanhtu dingah tehte pakhat
lawngin i kawh ko ning.
Lianngan Bik nih taza a ka cuainak
cu chim ko seh.
Sual a ka puhtu nih a ka puhnak
bia kha ca in rak òial seh law cu,
dai tein ka rak um hnga lo i
inn chungah ka rak i benh ko
hnga lo.
36 Ka liang in ka rak i put hnga i
bawi luchin bantukin
ka rak i chinh hnga;
37 Ka rak umtuning vialte kha ka chim
hnga i
Cucu zung ah khan keimah chanhnak
ding caah ka chim hnga.
38 Ka vawlei nih khan keimah cu
a ka chalh i a lei rinkuar hna
nih khan an òahpi i,
Man pek loin a chung chuakmi
thil kha ka ei hna i
39 Tangka a ka coihtu kha lungsi loin
ka tuah hna ahcun,
40 Changvut can ah hling kho hna
seh law barli can ah belh
kho ko hna seh,” tiah a ti.
Job bia cu an dong.